ഡല്‍ഹി: തിങ്കളാഴ്ച അപ്‌ഡേറ്റ് ചെയ്ത കേന്ദ്ര ആരോഗ്യ മന്ത്രാലയത്തിന്റെ കണക്കുകള്‍ പ്രകാരം, ഇന്ത്യയില്‍ 9,111 പുതിയ കൊറോണ വൈറസ് അണുബാധകള്‍ രേഖപ്പെടുത്തി.
അതേസമയം സജീവ കേസുകള്‍ 60,313 ആയി ഉയര്‍ന്നു. 27 മരണങ്ങളോടെ മരണസംഖ്യ 5,31,141 ആയി ഉയര്‍ന്നുഗുജറാത്തില്‍ നിന്ന് ആറ് മരണങ്ങളും ഉത്തര്‍പ്രദേശില്‍ നിന്ന് നാല്, ഡല്‍ഹി, രാജസ്ഥാന്‍ എന്നിവിടങ്ങളില്‍ നിന്ന് മൂന്ന് വീതവും മഹാരാഷ്ട്രയില്‍ നിന്ന് രണ്ട് പേരും ബീഹാര്‍, ഛത്തീസ്ഗഡ്, ഹിമാചല്‍ പ്രദേശ്, ജാര്‍ഖണ്ഡ്, തമിഴ്‌നാട് എന്നിവിടങ്ങളില്‍ നിന്ന് ഒന്ന് വീതവും കേരളത്തില്‍ മൂന്ന് മരണങ്ങളുമാണ് റിപ്പോര്‍ട്ട് ചെയ്തിരിക്കുന്നത്.
കോവിഡ് കേസുകളുടെ എണ്ണം 4.47 കോടിയായി (4,48,27,226) രേഖപ്പെടുത്തി. പ്രതിദിന പോസിറ്റിവിറ്റി 8.40 ശതമാനമായും പ്രതിവാര പോസിറ്റിവിറ്റി നിരക്ക് 4.94 ശതമാനമായും രേഖപ്പെടുത്തി.സജീവമായ കേസുകള്‍ ഇപ്പോള്‍ മൊത്തം അണുബാധകളുടെ 0.13 ശതമാനവും ദേശീയ കോവിഡ് -19 വീണ്ടെടുക്കല്‍ നിരക്ക് 98.68 ശതമാനമായി രേഖപ്പെടുത്തിയിട്ടുണ്ടെന്നും മന്ത്രാലയം അറിയിച്ചു.
