ചെന്നൈ: ഫാനിന്റെ വേഗം കൂട്ടുന്നതിനെച്ചൊല്ലി ബന്ധുക്കളോട് വഴക്കിട്ട് പതിനഞ്ചു വയസുകാരി 12 നില കെട്ടിടത്തിന് മുകളില്‍ നിന്നും ചാടി ജീവനൊടുക്കി. സ്കൂൾ വിദ്യാർഥിനിയായ എ റുഹീയാണ് അപ്പാര്‍ട്ട്മെന്‍റിന് മുകളില്‍ നിന്നും ചാടി ആത്മഹത്യ ചെയ്തത്. ചെന്നൈയിലെ പുരസവാക്കത്ത് കഴിഞ്ഞ ദിവസമായിരുന്നു സംഭവം.
ബന്ധുക്കളായ കുട്ടികളോടൊപ്പം കളിക്കുന്നതിനിടെ ഫാനിന്റെ വേഗം കുറയ്ക്കണമെന്ന് പറഞ്ഞ് പരസ്പരം വഴക്കിടുകയായിരുന്നു.തുടർന്ന് പെൺകുട്ടിയുടെ അമ്മ വഴക്ക് ഒഴിവാക്കാനായി റുഹീയോട് അടുത്ത മുറിയിലേക്ക് പോകാന്‍ പറഞ്ഞു. എന്നാൽ അതിനു തയ്യാറാകാതിരുന്ന റുഹീ ബന്ധുക്കളായ കുട്ടികളോട് വീണ്ടും തര്‍ക്കത്തിലേര്‍പ്പെട്ടു. ഒടുവില്‍ ഇരോട് പിണങ്ങി വീട്ടിൽനിന്ന് ഇറങ്ങിപ്പോയ പെൺകുട്ടി ടെറിസിലേക്ക് കയറി താഴേക്ക് ചാടുകയായിരുന്നു.
