വനവാസ കാലത്ത് ശ്രീരാമൻ താമസിച്ചിരുന്ന ചിത്രകൂടത്തിൽ നിഗൂഢമായ മറ്റൊരു ഗുഹ കൂടി കണ്ടെത്തി. പ്രശസ്ത തീർത്ഥാടന കേന്ദ്രമായ ഗുപ്ത ഗോദാവരിയിൽ നിന്ന് ഏകദേശം ഒരു കിലോമീറ്റർ അകലെയാണ് ഗുഹ കണ്ടെത്തുന്നത്. ഗുഹ കണ്ടെത്തിയ വാർത്ത പരന്നതോടെ നിരവധി പേരാണ് ഇവിടേയ്ക്ക് എത്തുന്നത്. റോഡ് നിർമ്മാണത്തിനിടെ കല്ലുകൾ നീക്കം ചെയ്തപ്പോവാണ് ഈ ഗുഹ കണ്ടെത്തിയത്.
വിവരം പുരാവസ്തു വകുപ്പിനെ അറിയിക്കുകയും സംഘം പ്രദേശത്തെത്തി പരിശോധന നടത്തുകയും ചെയ്തിട്ടുണ്ട്. പിന്നാലെ മജ്ഗവാൻ എസ്ഡിഎം പിഎസ് ത്രിപാഠിയെ വിവരം അറിയിച്ചു. തുടർന്ന് എസ്ഡിഎമ്മും സംഘവും സ്ഥലത്തെത്തി പരിശോധന നടത്തി. ചിത്രകൂടത്തെ അപേക്ഷിച്ച ഈ ഗുഹ വളരെ നീളം കൂടിയതും വിശാലവുമാണ്.
ഗുപ്ത ഗോദാവരി മലയിൽ കയറ്റത്തിന്റെ തുടക്കത്തിൽ മാത്രമാണ് ഗുഹ. റോഡ് നിർമ്മാണത്തിനിടെ ാെരു വലിയ കല്ല് നീക്കം ചെയ്തപ്പോഴാണ് ഗുഹ കാണുന്നത്. ഗുഹയുടെ ചിത്രങ്ങൾ ആളുകൾ സോഷ്യൽ മീഡിയയിൽ പങ്കുവെച്ചിട്ടുണ്ട്. പ്രദേശത്തയ്ക്ക് ആളുകളുടെ തിരക്ക് കൂടിയതോടെ ഗുഹയുടെ കവാടം അടച്ച് ജില്ലാ ഭരണകൂടത്തിനും റിപ്പോർട്ട് അയച്ചിട്ടുണ്ട്.
ഈ ഗുഹയിൽ നിന്ന് ഒരു കിലോമീറ്റർ മാത്രം അകലെയാണ് ശ്രീരാമന്റെ വനവാസ കാലത്തെ രഹസ്യ ഗോദാവരി പുരാണസ്ഥലം. ശ്രീരാമനെ കാണാനായി മാതാവ് ഗോദാവരി ഇവിടെ രഹസ്യമായി പ്രത്യക്ഷപ്പെട്ടുവെന്നാണ് വിശ്വാസം. വനവാസകാലത്ത് ശ്രീരാമനും ലക്ഷ്മണനും കുറച്ചുകാലം ഇവിടെ താമസിച്ചിരുന്നതായി വിശ്വസിക്കപ്പെടുന്നു.
