അങ്കമാലിയിലെ വസ്ത്രവ്യാപാര സ്ഥാപനത്തിന്റെ ഉദ്ഘാടനച്ചടങ്ങിനെത്തിയ മമ്മൂട്ടിയുടെ വിഡിയോ ആണ് സമൂഹമാധ്യമങ്ങളിൽ വൈറൽ. സ്റ്റൈലിഷ് ലുക്കിലുള്ള താരത്തിന്റെ എൻട്രി വിഡിയോ ആരാധകരുടെ ഇടയിലും തരംഗമാണ്. വൻ ജനക്കൂട്ടമാണ് മമ്മൂട്ടിയെ വരവേറ്റത്.
താരം വരുന്നെന്നറിഞ്ഞതോടെ രാവിലെ മുതൽ ഇവിടേക്ക് ജനങ്ങളുടെ ഒഴുക്കായിരുന്നു. വേദിയിലെത്തിയ അദ്ദേഹം ജനക്കൂട്ടത്തെ അഭിസംബോധന ചെയ്തതോടെ ആരവങ്ങളുയർന്നു. ഉദ്ഘാടനം കഴിഞ്ഞ് ഏറെ നേരം ആരാധകർക്കൊപ്പം ചിലവഴിച്ച ശേഷമാണ് അദ്ദേഹം യാത്രയായത്.
