കൊച്ചി: തൃക്കാക്കര ഉപതിരഞ്ഞെടുപ്പിലെ തോല്‍വിക്ക് പിന്നാലെ പ്രതികരണവുമായി മുതിര്‍ന്ന സിപിഎം നേതാവ് എംഎം മണി. കൊച്ചിക്ക് ആ പഴയ കൊച്ചിയായിരിക്കാനാ (തിരഞ്ഞെടുപ്പ് വിധിയെന്നായിരുന്നു എംഎം മണി ഫേസ്ബുക്കില്‍ കുറിച്ചത്. അതേസമയം സിപിഎം ജില്ലാ കമ്മിറ്റി തോല്‍വി സമ്മതിച്ചതിന് പിന്നാലെ ഇത്തരമൊരു പോസ്റ്റ് മണിയാശാന്‍ എഫ്ബിയില്‍ ഇട്ടിരിക്കുന്നത്. അപ്രതീക്ഷിതമാണ് ഈ തിരഞ്ഞെടുപ്പ് ഫലമെന്ന് സിപിഎം ജില്ലാ സെക്രട്ടറി സിഎന്‍ മോഹനന്‍ പറഞ്ഞു. തൃക്കാക്കരയില്‍ തോല്‍ക്കുന്നത് ക്യാപ്റ്റനല്ല. ജില്ലാ കമ്മിറ്റിയാണ് തിരഞ്ഞെടുപ്പ് നയിച്ചത്. ഭരണത്തിന്റെ വിലയിരുത്തലാകും ഈ തിരഞ്ഞെടുപ്പെന്ന് കോടിയേരി പറഞ്ഞിട്ടില്ലെന്നും സിഎന്‍ മോഹന്‍ വ്യക്തമാക്കി.
