ന്യൂഡൽഹി: രാജ്യത്തെ പ്രതിദിന കോവിഡ് കേസുകളിലെ വർധനവ് തുടരുന്നു. കഴിഞ്ഞ 24 മണിക്കൂറിനിടെ 3303 കോവിഡ് കേസുകളാണ് റിപ്പോർട്ട് ചെയ്തത്. 46 ദിവസത്തിന് ശേഷമാണ് പ്രതിദിന കോവിഡ് കേസുകൾ 3000 കടന്നത്.
24 മണിക്കൂറിനിടെ 2563 പേർ രോഗമുക്തി നേടി. 39 കോവിഡ് മരണങ്ങൾ സ്ഥിരീകരിച്ചു. 16,980 സജീവ കേസുകളാണ് രാജ്യത്ത് നിലവിലുള്ളത്. 0.66 ശതമാനമാണ് രോഗസ്ഥിരീകരണ നിരക്ക്. 98.74 ശതമാനമാണ് രോഗമുക്തി നിരക്ക്.
രാജ്യത്ത് കോവിഡ് കേസുകൾ ക്രമേണെ വർധിക്കുന്ന പശ്ചാത്തലത്തിൽ ജാഗ്രത തുടരണമെന്നും പ്രതിരോധ നടപടികൾ ഊർജിതമാക്കണമെന്നും കഴിഞ്ഞിവസം മുഖ്യമന്ത്രിമാരുമായുള്ള യോഗത്തിൽ പ്രധാനമന്ത്രി നരേന്ദ്രമോദി നിർദേശിച്ചിരുന്നു. പ്രതിരോധ നടപടികളുടെ ഭാഗമായി കേരളം ഉൾപ്പെടെയുള്ള സംസ്ഥാനങ്ങൾ മാസ്ക്, സാമൂഹിക അകലം തുടങ്ങിയ നിയന്ത്രണങ്ങൾ കർശനമാക്കിയിട്ടുണ്ട്.
