17 ഒഴിവുകൾ വനിതകൾക്ക് മാത്രം.
2021 ഫെബ്രുവരി ഏഴിന് യൂണിയൻ പബ്ലിക് സർവീസ് കമ്മിഷൻ നടത്തുന്ന കംബൈൻഡ് ഡിഫെൻസ് സർവീസ് പരീക്ഷയ്ക്ക് അപേക്ഷിക്കാം. അവിവാഹിതരായ ബിരുദ/എന്ജിനിയറിങ് ബിരുദധാരികൾക്ക് അപേക്ഷിക്കാം. 345 ഒഴിവുകൾ വിവിധ അക്കാദമികളിലായി ലഭ്യമാണ്. 17 ഒഴിവുകൾ ഉള്ളതിനാൽ വനിതകൾക്ക് അപേക്ഷിക്കാം.
എവിടെയൊക്കെയാണ് ഒഴിവുകൾ
ദെഹ്റാദൂണിലെ ഇന്ത്യൻ മിലിട്ടറി അക്കാദമി-100, ഏഴിമലയിലെ ഇന്ത്യൻ നേവൽ അക്കാദമി-26, ഹൈദരാബാദിലെ എയർ ഫോഴ്സ് അക്കാദമി-32, ചെന്നൈയിലെ ഓഫീസേഴ്സ് ട്രെയിനിങ് അക്കാദമി-187. ചെന്നൈയിലെ 170 ഒഴിവുകൾ പുരുഷന്മാർക്കും 17 ഒഴിവുകൾ വനിതകൾക്കും ഉള്ളതാണ്. എൻ .സി.സി. സർട്ടിഫിക്കറ്റ് ഉള്ളവർക്ക് ചില കോഴ്സുകളിൽ സംവരണമുണ്ട്.
ആർക്കാണ് യോഗ്യത
മിലിട്ടറി അക്കാദമി, ഓഫീസേഴ്സ് ട്രെയിനിങ് അക്കാദമി എന്നിവിടങ്ങളിൽ ബിരുദമാണ് യോഗ്യത. നേവൽ അക്കാദമിയിലേക്ക് അപേക്ഷിക്കാൻ എന്ജിനിയറിങ് ബിരുദമാണ് യോഗ്യത. നേവൽ അക്കാദമിയിലേക്ക് അപേക്ഷിക്കാൻ എന്ജിനിയറിങ് ബിരുദം വേണം. എയര്ഫോഴ്സ് അക്കാദമിയിലേക്കുള്ള യോഗ്യത ബിരുദമോ, എന്ജിനിയറിങ് ബിരുദമൊ അനിവാര്യമാണ് . എയർഫോഴ്സ് അക്കാദമിയിലേക്ക് അപേക്ഷിക്കുന്ന ബിരുദധാരികൾ പന്ത്രണ്ടാംക്ലാസിൽ ഫിസിക്സ് , ഗണിതം എന്നീ വിഷയങ്ങൽ പഠിച്ചിരിക്കണം. അവസാന വർഷ സെമെസ്റ്ററിൽ പഠിക്കുന്നവർക്കും, ഫലം കാത്തിരിക്കുന്നവര്ക്കും നിബന്ധനകളോടെ അപേക്ഷിക്കാം.
എന്താണ് പ്രായപരിധി
മിലിട്ടറി അക്കാദമി, നേവൽ അക്കാദമി എന്നിവിടങ്ങളിലേക്ക് അപേക്ഷിക്കുന്നവർ 1998 ജനുവരി രണ്ടിനും 2003 ജനുവരി ഒന്നിനും ഇടയിൽ ജനിച്ചവരാകണം. എയർ ഴ്സ് അക്കാദമിയിലേക്ക് അപേക്ഷിക്കുന്നവർ 1998 ജനുവരി രണ്ടിനും 2002 ജനുവരി ഒന്നിനും ഇടയിൽ ജനിച്ചിരിക്കണം. ഓഫീസേഴ്സ് ട്രെയിനിങ് . അക്കാദമിയിലേക്ക് അപേക്ഷിക്കുന്നവർ 1997 ജനുവരി രണ്ടിനും 2003 ജനുവരി ഒന്നിനും ഇടയിൽ ജനിച്ചവരാകണം. പരിശീലനകാലയളവിൽ വിവാഹംകഴിക്കാനും പാടില്ല. അവിവാഹിതകളായ വനിതകൾക്കോപ്പം, ബാധ്യതകളില്ലാത്തതും പുനർ വിവാഹംചെയ്യാത്തവരുമായ വിധവകൾ , വനിതകൾ എന്നിവർക്കും അപേക്ഷിക്കാം.
പരീക്ഷാ കേന്ദ്രം
പരീക്ഷ നടക്കുന്നത് 41 കേന്ദ്രങ്ങളിലായിരിക്കും. കേരളത്തിൽ കൊച്ചിയും, തിരുവനന്തപുരവും പരീക്ഷാകേന്ദ്രങ്ങളാണ്. ഒ.എം.ആർ . ഷീറ്റിലാണ് പരീക്ഷ. ഒബ്ജക്ടീവ് ടൈപ്പ് ചോദ്യങ്ങളാകുമുണ്ടാകുക. തെറ്റായ ഉത്തരത്തിന് മൂന്നിലൊന്ന് മാർക്ക് നഷ്ടപ്പെടും.
എങ്ങനെ അപേക്ഷിക്കാം
www.upsconline.nic.in വഴി അപേക്ഷിക്കാം. അപേക്ഷിക്കുമ്പോൾ ഏതൊക്കെ അക്കാദമികളിലേക്കാണ് പ്രവേശനം ആഗ്രഹിക്കുന്നത് എന്നതിന്റെ മുനഗണനാക്രമം നല്കണം. വനിതകൾ ചെന്നൈയിലെ ഓഫീസേഴ്സ് ട്രെയിനിങ് അക്കാദമി മാത്രം തിരഞ്ഞെടുത്താൽ മതി. നവംബർ 17 ആയിരിക്കും അവസാന തീയതി.
