ബാങ്കോക്ക്: മത ചടങ്ങിന് പോകാന്‍ ആളെ കയറ്റുകയായിരുന്ന ബസിലേക്ക് ചരക്ക് ട്രെയിന്‍ ഇടിച്ചുകയറി 18 പേര്‍ കൊല്ലപ്പെട്ടു. തായ്‌ലന്‍ഡ് തലസ്ഥാനമായ ബാങ്കോക്കില്‍നിന്നും 50 കിലോമീറ്റര്‍ അകലെയാണ് സംഭവം.
40 ലേറെ പേര്‍ക്ക് പരിക്കേറ്റു. പരിക്കേറ്റവരെ സമീപ ആശുപത്രികളിലേക്ക് മാറ്റിയതായി പ്രൊവിന്‍ഷ്യല്‍ ആശുപത്രി ഡയറക്ടര്‍ പറഞ്ഞു. പരിക്കേറ്റവരില്‍ 23 പേരുടെ നില ഗുരുതരമാണ്.
ബസില്‍ 60 പേരുണ്ടായിരുന്നു. സമുത് പ്രകന്‍ പ്രവിശ്യയില്‍ നിന്നും ചചോങ്‌സാവോയിലെ ക്ഷേത്രത്തിലേക്ക് പോകുകയായിരുന്നു ഇവര്‍.
