അലമാരയിൽ ഇനി ഉപയോഗിക്കാത്ത വസ്ത്രങ്ങൾ. നമ്മളിൽ പലരുടെയും വീട്ടിലുണ്ടാകും. ഒന്നുകിൽ അവിടെ കിടക്കും, അല്ലെങ്കിൽ ആർക്കെങ്കിലും കൊടുക്കും.
നടി നവ്യ നായർ പക്ഷേ മറ്റൊന്ന് ചെയ്തു.
തന്റെ വസ്ത്രങ്ങൾ വിറ്റു. അതിൽ നിന്ന് കിട്ടിയ 50,000 രൂപ മുഴുവൻ പത്തനാപുരം ഗാന്ധിഭവൻ ട്രസ്റ്റിന് നൽകി.
ആരുമില്ലാത്തവർക്ക്, വീട്ടുകാർ ഉപേക്ഷിച്ച വയോധികർക്ക്, ജീവിതത്തിൽ ഒറ്റപ്പെട്ടുപോയ നൂറുകണക്കിന് മനുഷ്യർക്ക് വർഷങ്ങളായി തണലൊരുക്കുന്ന ഇടമാണ് ഗാന്ധിഭവൻ.
തുക വലുതോ ചെറുതോ എന്നതല്ല ഇവിടെ കാര്യം. ഒരു പഴയ സാരിക്കും ഒരു ഉപയോഗിക്കാത്ത ഷർട്ടിനും പോലും മറ്റൊരാളുടെ ഒരു നേരത്തെ ഭക്ഷണമോ മരുന്നോ ആകാൻ കഴിയുമെന്ന ആ ചിന്തയാണ്.
നമുക്കും ഇത് ചെയ്യാവുന്നതല്ലേ? വലിയ പണമൊന്നും വേണ്ട. ഒരു അലമാര തുറന്ന് നോക്കിയാൽ മതി. ❤️
നവ്യ നായർക്ക് അഭിനന്ദനങ്ങൾ. 🙏
