ബുണ്ടസ് ലീഗയില്‍ ബൊറൂസിയ ഡോര്‍ട്മുണ്ടിന് ഒരു വന്‍ വിജയം. ഇന്ന് നടന്ന മത്സരത്തില്‍ ഫ്രൈബര്‍ഗിനെ നേരിട്ട ഡോര്‍ട്മുണ്ട് എതിരില്ലാത്ത നാലു ഗോളുകളുടെ വിജയമാണ് നേടിയത്. യുവ താരങ്ങളായ ഹാളണ്ടിന്റെയും റെയ്നയുടെയും മികവാണ് ഡോര്‍ട്മുണ്ടിന് വിജയം നല്‍കിയത്. ഹാളണ്ട് ഇരട്ട ഗോളുകളുമായി തിളങ്ങിയപ്പോള്‍ റെയ്ന ഹാട്രിക്ക് അസിസ്റ്റുമായാണ് കളം നിറഞ്ഞത്.
31, 66 മിനുട്ടുകളില്‍ ആയിരുന്നു ഹാളണ്ടിന്റെ ഗോളുകള്‍. ഈ രണ്ട് ഗോളുകളും ഒപ്പം എമ്രെ ചാന്‍ നേടിയ ഗോളും ഒരുക്കിയത് റെയ്ന ആയിരുന്നു. മത്സരത്തിന്റെ അവസാന നിമിഷം പാസ്ലക് നേടിയ ഗോള്‍ ഹാളണ്ടിന്റെ അസിസ്റ്റായിരുന്നു. തുടര്‍ച്ചയായി രണ്ട് പരാജയങ്ങള്‍ക്ക് ശേഷം ഇങ്ങനെ ഒരു വിജയം വന്നത് ഡോര്‍ട്മുണ്ടിന് ആത്മവിശ്വാസം തിരികെ നല്‍കും
