ഗ്യാസ് തീർന്നാലും അടുക്കള പൂട്ടേണ്ട; ഈ നോൺ കുക്ക് വിഭവങ്ങൾ തയ്യാറാക്കാൻ മിനിറ്റുകൾ മതി

അവലിൽ തേങ്ങ ചിരവിയതും ശർക്കരയോ പഞ്ചസാരയോ ചേർത്ത് അല്പം വെള്ളമോ പലോ തളിച്ചാൽ മിനിറ്റുകൾക്കുള്ളിൽ തയ്യാർ. ഇതിൽ പഴം കൂടി ചേർക്കുന്നത് രുചി വർദ്ധിപ്പിക്കും.

പഴയകാലത്തെ ഒരു പ്രധാന വിഭവമാണിത്. വറ്റൽ മുളകും ചെറിയ ഉള്ളിയും തേങ്ങയും ഉപ്പും ചേർത്ത് ചതച്ച്, അതിലേക്ക് ചുട്ട പപ്പടമോ പച്ച പപ്പടമോ ഉടച്ചു ചേർത്താൽ ചോറിന് മികച്ച കൂട്ടായി.

വേവിച്ച ചോറിൽ തൈരും പച്ചമുളകും ഇഞ്ചിയും കറിവേപ്പിലയും ചേർത്ത് യോജിപ്പിച്ചെടുക്കാം. ഗ്യാസ് ഇല്ലാത്തപ്പോൾ തൈര് ഒരു മികച്ച ഓപ്ഷനാണ്.

പഴം നനച്ചത്

നേന്ത്രപ്പഴം ചെറിയ കഷ്ണങ്ങളാക്കി അതിൽ തേങ്ങയും ശർക്കരയും ഏലയ്ക്കയും ചേർത്ത് കഴിക്കാം. മികച്ചൊരു ഊർജ്ജദായക ഭക്ഷണമാണിത്.

പഴം – പാൽ മധുരം

വേവിക്കാത്ത നേന്ത്രപ്പഴം കഷ്ണങ്ങളാക്കി പാലിലോ തേങ്ങാപ്പാലിലോ ശർക്കര ചേർത്ത് കുതിർത്തു കഴിക്കാം.

മുളപ്പിച്ച ധാന്യങ്ങൾ

ചെറുപയറോ കടലയോ തലേദിവസം കുതിർത്തു വച്ച് മുളപ്പിക്കാം. ഇതിൽ പച്ചമുളകും സവാളയും നാരങ്ങാനീരും ചേർത്ത് പോഷകസമൃദ്ധമായ സാലഡായി ഉപയോഗിക്കാം.

പപ്പായ/തണ്ണിമത്തൻ വിഭവങ്ങൾ

പഴുത്ത പപ്പായയോ തണ്ണിമത്തനോ ഉപയോഗിച്ച് ഫ്രൂട്ട് സാലഡുകൾ തയ്യാറാക്കാം.

കഞ്ഞിയും പയറും

കുതിർത്ത അവിൽ കഞ്ഞിക്ക് പകരമായി ഉപയോഗിക്കാം. ഇതിനൊപ്പം ചമ്മന്തി അരച്ചു കഴിക്കാവുന്നതാണ്.

പച്ചക്കറി തോരൻ (പച്ചക്ക്)

കാബേജ്, കാരറ്റ് എന്നിവ വളരെ നേർത്തതായി അരിഞ്ഞ് അതിൽ തേങ്ങ, പച്ചമുളക്, ചെറിയ ഉള്ളി, ഉപ്പ് എന്നിവ ചതച്ചു ചേർത്ത് നന്നായി കൈകൊണ്ട് തിരുമ്മി യോജിപ്പിക്കുക. ഇത് ചോറിനൊപ്പം പച്ചക്കറി തോരനായി ഉപയോഗിക്കാം.

കുതിർത്ത കടല സാലഡ്

തലേദിവസം കുതിർത്ത കടലയിൽ തേങ്ങക്കൊത്തും ഇഞ്ചിയും പച്ചമുളകും ചേർത്ത് കഴിക്കുന്നത് നല്ലൊരു പ്രോട്ടീൻ ഭക്ഷണമാണ്.

ഇത്തരം ഭക്ഷണങ്ങൾ ഗ്യാസ് ലാഭിക്കുന്നതിനോടൊപ്പം ശരീരത്തിന് ആവശ്യമായ നാരുകളും പോഷകങ്ങളും നൽകുന്നു. ദഹനപ്രക്രിയ എളുപ്പമാക്കാനും ശരീരത്തിന് അമിത ഭാരം നൽകാതിരിക്കാനും ഇവ സഹായിക്കും.