കര്ണാടകയില് പൊലീസിന്റെ ക്രൂരത. കസ്റ്റഡിയില് എടുത്ത സ്ത്രീയെ വിവസ്ത്രയാക്കി മര്ദിച്ചുവെന്ന് പരാതി. പൊലീസ് വാഹനത്തിനകത്ത് വച്ചായിരുന്നു മര്ദനം. ഹുബ്ബള്ളിയിലാണ് ക്രൂര മര്ദനമുണ്ടായത്.
ഹുബ്ബള്ളി കേശവപുരയിലാണ് സംഭവം. വോട്ടര് പട്ടിക പുതുക്കുന്നതുമായി ബന്ധപ്പെട്ട്, പ്രദേശത്ത് കോണ്ഗ്രസ്- ബിജെപി തര്ക്കം നിലനിന്നിരുന്നു. ഇതേ തുടര്ന്ന് കോണ്ഗ്രസ് കൗണ്സിലര് നല്കിയ പരാതിയിലാണ് ബിജെപി പ്രവര്ത്തകയെ പൊലിസ് കസ്റ്റഡിയില് എടുത്തത്. ഇവരെ ബസില് കയറ്റിയ ശേഷം തുണിയുരിഞ്ഞ് മര്ദിക്കുകയായിരുന്നു.
എന്നാല് ബസില് കയറാന് വിസമ്മതിച്ച സ്ത്രീ, സ്വയം തുണി അഴിയ്ക്കുകയായിരുന്നുവെന്നാണ് പൊലിസ് വിശദീകരിയ്ക്കുന്നത്. സംഭവത്തിന്റെ ദൃശ്യങ്ങള് പുറത്ത് വന്നതോടെ, പൊലിസ് ഉദ്യോഗസ്ഥര്ക്കെതിരെ കേസെടുത്തിട്ടുണ്ട്.
