നമ്മുടെ വീടിന്റെ പറമ്പിലും മറ്റും പാമ്പുകൾ കൂടുതലായി കാണപ്പെടാറുണ്ട്. മഴക്കാലമായാൽ പിന്നെ പറയുകയേ വേണ്ട. ഈ കാലയളവിൽ പാമ്പുകൾ പലപ്പോഴും ചുറ്റുമുള്ള പ്രദേശങ്ങളിലും വീടുകളിലും കയറാറുണ്ട്. പാമ്പുകളെ അകറ്റി നിർത്താൻ, നിങ്ങൾക്ക് വീട്ടിലോ ചട്ടിയിലോ ചില പ്രത്യേക സസ്യങ്ങൾ നടാം. അവയുടെ ഗന്ധം പാമ്പിനെ നിങ്ങളുടെ വീടിനു ചുറ്റും അലഞ്ഞുതിരിയാൻ അനുവദിക്കില്ല.
ഇനി പാമ്പ് വീട്ടിനുള്ളിൽ കയറിയാലും ഈ സസ്യങ്ങളുണ്ടേൽ അത് ഉടൻ തന്നെ അവിടെ നിന്ന് ഓടിപ്പോകും. സർപ്പഗന്ധിയെക്കുറിച്ച് നിങ്ങൾ എപ്പോഴെങ്കിലും കേട്ടിട്ടുണ്ടോ? ഈ ചെടിക്ക് വളരെ വിചിത്രമായ ഒരു ഗന്ധമുണ്ട്. മണക്കുമ്പോൾ പാമ്പുകൾ ഓടിപ്പോകും. പ്രകൃതിദത്ത ഗുണങ്ങളാൽ നിറഞ്ഞ ഈ ചെടിയുടെ വേരുകൾക്ക് മഞ്ഞയും തവിട്ടുനിറവുമുണ്ട്. ഇലകൾക്ക് തിളക്കമുള്ള പച്ച നിറമുണ്ട്. ഇത് നടുന്നത് പാമ്പുകളെ അകറ്റി നിർത്തും.
പാമ്പുകൾക്ക് കാഞ്ഞിരച്ചെടിയുടെ ഗന്ധം സഹിക്കാൻ കഴിയില്ല. പാമ്പുകൾ അത് മണക്കുമ്പോൾ തന്നെ വഴി മാറും. മുറ്റത്തോ, ബാൽക്കണിയിലോ, പ്രധാന കവാടത്തിലോ പോലും ഇത് നടാം. സുഗന്ധവും ഭംഗിയും പകരാൻ ആളുകൾ വീടുകളിൽ ജമന്തി നടാറുണ്ട്. കൂടാതെ, പാമ്പുകൾക്ക് അതിന്റെ മണം ഇഷ്ടമല്ല. വിദഗ്ദ്ധർ പറയുന്നത് പാമ്പുകൾ അതിന്റെ മണം കേട്ട് ഓടിപ്പോകുമെന്നാണ്.
