സിനിമാ ഷൂട്ടിങ്ങ് സെെറ്റിൽ ന‍ടന്‍ ഷൈന്‍ ടോം ചാക്കോയിൽ നിന്നും തനിക്കുണ്ടായ ദുരനുഭവത്തിൽ സിനിമയ്ക്ക് പുറത്തുളള നിയമ നടപടിക്കില്ലെന്ന് നടി വിന്‍സി അലോഷ്യസ്.
സിനിമയ്ക്കുള്ളില്‍ പ്രശ്നം പരിഹരിക്കണമെന്നാണ് തന്റെ നിലപാടെന്നും അന്വേഷണത്തോട് സഹകരിക്കുമെന്നും പറഞ്ഞത്.
ഫിലിം ചേംബറിനും ഇന്‍റേണൽ കംപ്ലയിന്‍റ് അതോറിറ്റിക്കും നല്‍കിയ പരാതി പിന്‍വലിക്കില്ലെന്നും നടി വ്യക്തമാക്കി.
പരാതിയുമായി ബന്ധപ്പെട്ട് ഇന്ന് സിനിമയിലെ ആഭ്യന്തര സമിതിക്ക് മുൻപാകെ ഹാജരാക്കുമെന്നും വിൻസി പറഞ്ഞു.
താൻ നൽകിയ പരാതി ചോർന്നത് സജി നന്ത്യാട്ട് വഴി ആണെന്ന് സംശയിച്ചു. കുറ്റപ്പെടുത്തിയതിൽ ഖേദം പ്രകടിപ്പിക്കുന്നുവെന്നും വിന്‍സി പ്രതികരിച്ചു.
