ഹൈദരാബാദ്: കരൾ രോഗത്തെ തുടർന്നു ചികിത്സയിൽ കഴിയുന്ന ബോളിവുഡ് സംവിധായകനും നടനുമായ നിഷികാന്ത് കാമത്ത് ഗുരുതരാവസ്ഥയിൽ. നില ഗുരുതരമായതോടെ നിഷികാന്തിനെ വെന്‍റിലേറ്ററിൽ പ്രവേശിപ്പിച്ചിരിക്കുകയാണ്.
നിഷികാന്ത് കാമന്ത് അന്തരിച്ചു എന്ന രീതിയിലുള്ള വാർത്തകൾ പുറത്തുവന്നിരുന്നെങ്കിലും നടൻ റിതീഷ് ദേശ്മുഖ് ഇക്കാര്യം തള്ളി. നിഷികാന്ത് ഇപ്പോഴും വെന്‍റിലേറ്ററിന്‍റെ സഹായത്തിലാണെന്നും മരണവാർത്ത ശരിയല്ലെന്നും അദ്ദേഹം ട്വീറ്റ് ചെയ്തു.
മോഹൻലാൽ ചിത്രമായ ദൃശ്യത്തിന്‍റെ ഹിന്ദി പതിപ്പ്, ഇർഫാൻ ഖാൻ നായകനായ മദാരി, ജോണ് എബ്രഹാം നായകനായ ഫോഴ്സ്, മുംബൈ മേരി ജാൻ തുടങ്ങിയവയാണു നിഷികാന്തിന്‍റെ ശ്രദ്ധേയമായ ചിത്രങ്ങൾ.
