ന്യൂദല്‍ഹി: ദേശീയ സുരക്ഷാ ഉപദേഷ്ടാവ് (എൻഎസ്‌എ) വിക്രം മിശ്രിയെ അടുത്ത വിദേശകാര്യ സെക്രട്ടറിയായി വെള്ളിയാഴ്ച നിയമിച്ചതായി ഔദ്യോഗിക ഉത്തരവ്.
1989 ബാച്ച്‌ ഇന്ത്യൻ ഫോറിൻ സർവീസ് (ഐഎഫ്‌എസ്) ഉദ്യോഗസ്ഥനായ മിശ്രിയെ ജൂലൈ 15 മുതല്‍ ഈ തസ്തികയിലേക്ക് നിയമിച്ചതായി റിപ്പോർട്ടില്‍ പറയുന്നു.
ഈ വർഷം മാർച്ചില്‍ ആറ് മാസത്തെ കാലാവധി നീട്ടി നല്‍കിയ വിനയ് മോഹൻ ക്വാത്രയുടെ പിൻഗാമിയായാണ് അദ്ദേഹം എത്തുന്നത്. നാഷണല്‍ സെക്യൂരിറ്റി കൗണ്‍സില്‍ സെക്രട്ടേറിയറ്റിലെ ഡെപ്യൂട്ടി (എൻഎസ്‌എ) ആയിരുന്ന മിശ്രിയെ വിദേശകാര്യ സെക്രട്ടറി സ്ഥാനത്തേക്ക് ജൂലൈ 15 മുതല്‍ പ്രാബല്യത്തോടെ നിയമിക്കുന്നതിന് ക്യാബിനറ്റിന്റെ അപ്പോയിൻ്റ്‌മെൻ്റ് കമ്മിറ്റി അംഗീകാരം നല്‍കിയതായി പേഴ്‌സണല്‍ മന്ത്രാലയം പുറത്തിറക്കിയ ഉത്തരവില്‍ പറയുന്നു.
ഡെപ്യൂട്ടി എൻഎസ്‌എ ആയിരുന്ന മിശ്രിയുടെ കാലാവധി വെട്ടിക്കുറയ്‌ക്കുന്നതിനും ഇത് അംഗീകാരം നല്‍കി.
