വൈറ്റ് ഹൗസ് വിട്ടശേഷവും അനധികൃതമായി ദേശീയ സുരക്ഷാ രേഖകൾ കൈവശംവെച്ചതിന് മുൻ അമേരിക്കൻ പ്രസിഡന്റ് ഡൊണാള്‍ഡ് ട്രംപിനെതിരെ കുറ്റപത്രം ചുമത്തിയതായി വാർത്താ ഏജൻസിയായ റോയിട്ടേഴ്‌സ് റിപ്പോർട്ട് ചെയ്തു. ഫെഡറൽ ഗ്രാൻഡ് ജൂറിയാണ് ട്രംപിനെതിരെ കുറ്റം ചുമത്തിയത്. രഹസ്യ ഫയലുകൾ അനധികൃതമായി സൂക്ഷിക്കൽ, തെറ്റായ പ്രസ്താവനകൾ നടത്തൽ, ഗൂഢാലോചന ഉൾപ്പെടെ ഏഴ് കുറ്റങ്ങളാണ് ട്രംപിനെതിരെ ചുമത്തിയിരിക്കുന്നത്.
യുഎസ് ഡിപ്പാർട്ട്മെന്റ് ഓഫ് ജസ്റ്റിസ് കൊണ്ടുവന്ന ക്രിമിനൽ കേസ്, അടുത്ത വർഷം യുഎസ് പ്രസിഡന്റ് സ്ഥാനം വീണ്ടെടുക്കാൻ ശ്രമിക്കുന്നട്രംപിനെതിരെയുള്ള മറ്റൊരു പ്രഹരമാണ്. യുഎസ് ചരിത്രത്തിൽ ക്രിമിനൽ കുറ്റം നേരിടുന്ന ആദ്യ മുൻ പ്രസിഡന്റായ ട്രംപ് രണ്ടാം തവണയാണ് കുറ്റാരോപിതനാകുന്നത്.
നിലവിൽ ട്രംപിനെതിരായ ക്രിമിനൽ കേസിൽ വിചാരണ മാർച്ചിൽ നടക്കാനിരിക്കവെയാണ് പുതിയ കേസ്. ചൊവ്വാഴ്ച മിയാമിയിലെ കോടതിയിൽ ഹാജരാകാൻ ഉത്തരവിട്ട സമൻസിന്റെ ഭാഗമായി ഏഴ് ആരോപണങ്ങളെക്കുറിച്ച് ട്രംപിന്റെ നിയമ സംഘത്തെ അറിയിച്ചതായി ഒരു സ്രോതസ്സ് റോയിട്ടേഴ്‌സിനോട് പറഞ്ഞു. കുറ്റപത്രം മുദ്രയിൽ തുടരുന്നു, ട്രംപ് പോലും അതിൽ എന്താണ് പറയുന്നതെന്ന് ഇതുവരെ കണ്ടിട്ടില്ല.
