ഖാര്‍ത്തൂം: വടക്കന്‍ സുഡാനില്‍ സ്വര്‍ണ ഖനി തകര്‍ന്ന് 14 തൊഴിലാളികള്‍ മരിച്ചു. നിരവധി തൊഴിലാളികളെ കാണാനില്ല.
20 പേരെ പരിക്കുകളോടെ രക്ഷിക്കാനായി. മരണസംഖ്യ ഇനിയും ഉയര്‍ന്നേക്കും. ഈജിപ്ഷ്യന്‍ അതിര്‍ത്തിയോട് ചേര്‍ന്ന ജബേല്‍ അല്‍ – അഹ്‌മര്‍ ഖനിയിലാണ് അപകടമുണ്ടായത്. പ്രാദേശിക സമയം വ്യാഴാഴ്ച ഉച്ചയ്ക്ക് ഖനിയ്ക്ക് ചുറ്റുമുള്ള കുന്നിന്‍ ചെരിവുകളുടെ ഒരു ഭാഗം ഇടിഞ്ഞ് വീണതാണ് അപകടത്തിലേക്ക് നയിച്ചത്. 2021ല്‍ വെസ്റ്റ് കൊര്‍ഡോഫന്‍ പ്രവിശ്യയിലെ ഒരു സ്വര്‍ണ ഖനി തകര്‍ന്ന് 31 പേര്‍ മരിച്ചിരുന്നു.
