റിപ്പബ്ലിക് ദിനാഘോഷങ്ങളോട് അനുബന്ധിച്ച് അമൃത്സറിലെ ശ്രീ ഗുരുറാം ദാസ് ജി അന്താരാഷ്ട്ര വിമാനത്താവളത്തിൽ സുരക്ഷ ശക്തമാക്കി. വിമാനത്താവളത്തിൽ റെഡ് അലർട്ട് പ്രഖ്യാപിച്ചിട്ടുണ്ട്.
അമൃത്സർ വിമാനത്താവളത്തിലെ കാർ പാർക്കിംഗ് സിറ്റി സൈഡ് പാസഞ്ചർ ഹാളിനുള്ളിലെ പ്രവേശന കവാടങ്ങളിലും പുറത്തുകടക്കുന്നതിനും സുരക്ഷ ശക്തമാക്കിയിട്ടുണ്ട്. 75 രൂപ ടിക്കറ്റ് നിരക്കുള്ള പ്രേക്ഷക ഗ്യാലറിക്കുള്ളിലെ പ്രവേശനം ജനുവരി 30 വരെ അടച്ചിരിക്കുകയാണ്.
ഗുരുദ്വാര സ്റ്റാർ സാഹിബിലേക്ക് പോകുന്ന ഭക്തരുടെ വിമാനത്താവളത്തിനുള്ളിലെ പ്രവേശനവും അടച്ചു. ഇരു രാജ്യങ്ങളും തങ്ങളുടെ നയതന്ത്ര ബന്ധത്തിന്റെ 75-ാം വാർഷികം ആഘോഷിക്കുന്ന 2023ലെ റിപ്പബ്ലിക് ദിനത്തിൽ ഈജിപ്ത് പ്രസിഡന്റ് അബ്ദുൽ ഫത്താഹ് എൽ-സിസി ഇത്തവണ ഇന്ത്യയുടെ മുഖ്യാതിഥിയാകും.
ദേശീയ പതാകയുടെ അന്തസ്സ് കാത്തുസൂക്ഷിക്കുക: മുന്നറിയിപ്പുമായി കേന്ദ്രം
Republic Day Celebration: ജനുവരി 26 ന് നടക്കുന്ന 73-ാമത് റിപ്പബ്ലിക് ദിനാഘോഷത്തിന് മുന്നോടിയായി, സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും നിർദ്ദേശങ്ങളുമായി കേന്ദ്ര ആഭ്യന്തര മന്ത്രാലയം. ത്രിവർണ്ണ പതാകയുടെ മഹത്വം ഉറപ്പാക്കാനും പരിപാലിക്കാനും നിയമങ്ങളുടെ പ്രസക്തമായ വകുപ്പുകൾക്ക് കീഴിലുള്ള വ്യവസ്ഥകൾ കർശനമായി പാലിക്കണമെന്ന് കേന്ദ്രം അറിയിച്ചു.
ഇന്ത്യയുടെ ഫ്ളാഗ് കോഡ് 2002, പ്രിവൻഷൻ ഓഫ് ഇൻസൾട്ട്‌സ് ടു നാഷണൽ ഹോണർ ആക്റ്റ്, 1971 എന്നിവയെ പരാമർശിച്ച്, സാംസ്‌കാരികവും കായികവുമായ പരിപാടികൾ ഉൾപ്പെടെ പ്രധാനപ്പെട്ട ദേശീയ അവസരങ്ങളിൽ പൊതുജനങ്ങൾ കടലാസ് കൊണ്ട് നിർമ്മിച്ച ദേശീയ പതാക വീശണമെന്ന് മന്ത്രാലയം നിർദ്ദേശം നൽകി.
പരിപാടിക്ക് ശേഷം പൊതുജനങ്ങൾ ഉപയോഗിക്കുന്ന പേപ്പർ പതാകകൾ ഉപേക്ഷിക്കപ്പെടുകയോ നിലത്ത് വലിച്ചെറിയുകയോ ചെയ്യരുതെന്നും നിർദ്ദേശമുണ്ട്. ഇലക്ട്രോണിക്, അച്ചടി മാധ്യമങ്ങൾ ഉൾപ്പെടെയുള്ള പരസ്യങ്ങളിലൂടെ ഒരു ബഹുജന ബോധവൽക്കരണ പരിപാടി ഏറ്റെടുക്കണമെന്നും മന്ത്രാലയം ആവശ്യപ്പെട്ടു.
ഇന്ത്യൻ ഫ്ലാഗ് കോഡ് , 2002 ജനുവരി 26 നാണ് പ്രാബല്യത്തിൽ വരുന്നത്. ഇന്ത്യൻ ഫ്ലാഗ് കോഡിന് 3 ഭാഗങ്ങളാണുള്ളത്. ഒന്നാം ഭാഗം ദേശീയ പതാകയുടെ പൊതുവായ വിവരമാണ് നൽകുന്നത്. രണ്ടാം ഭാഗം പൊതു സ്ഥാപനങ്ങളും സ്വകാര്യ സംഘടനകളും വിദ്യാഭ്യാസ സ്ഥാപനങ്ങളും എങ്ങനെ ദേശീയ പതാക ഉപയോഗിക്കണമെന്നും പ്രദർശിപ്പിക്കണമെന്നും വിവരിക്കുന്നു. മൂന്നാം ഭാഗം കേന്ദ്രസർക്കാരും സംസ്ഥാന സർക്കാരുകളും അവരുടെ ഏജൻസികളും എങ്ങനെ ദേശീയ പതാക ഉപയോഗിക്കണമെന്നും പ്രദർശിപ്പിക്കണമെന്നും വിശദീകരിക്കുന്നു.
