ഇസ്ലാമാബാദ്: ഭീകര പ്രവര്‍ത്തനങ്ങള്‍ക്ക് വേരുള്ള രാജ്യങ്ങളുടെ പട്ടികയില്‍ പാകിസ്ഥാന് തുടരും. പാരീസ് ആസ്ഥാനമാക്കി പ്രവര്‍ത്തിക്കുന്ന ആഗോള ഭീകരവിരുദ്ധ നിരീക്ഷണ സമിതിയായ എഫ്‌എടിഎഫിന്േ‍റതാണ് തീരുമാനം. 2018 മുതല്‍ ഈ പട്ടികയില്‍ പാക്കിസ്ഥാനുണ്ട്.
പട്ടികയില്‍നിന്ന് ഒഴിവാക്കണമെന്ന് പാകിസ്ഥാന് ശക്തമായി ആവശ്യപ്പെട്ടിരുന്നു. എന്നാല്‍ മൂന്നു ദിവസമായി നടന്ന എഫ്‌എടിഎഫിന്‍റെ പ്ലീനറി സെഷന്‍ പാക് ആവശ്യം തള്ളി. ഭീകരതയ്ക്കെതിരായ നടപടികള്‍ പൂര്‍ണമാക്കാന്‍ പാകിസ്ഥാന് കഴിഞ്ഞില്ലെന്ന് എഫ്‌എടിഎഫ് വിലയിരുത്തി ഭീകരതക്കെതിരായ നടപടികള്‍ 2021 ഫെബ്രുവരിക്ക് മുന്പ് പൂര്‍ത്തിയാക്കണമെന്നും എഫ്‌എടിഎഫ് പാകിസ്ഥാനോട് ആവശ്യപ്പെട്ടു.
