ദിവസവും ചെറുനാരങ്ങ കഴിച്ചാൽ ശരീരത്തിൽ എന്ത് സംഭവിക്കും?

1. രോഗപ്രതിരോധ ശേഷി വർധിപ്പിക്കുന്നു

സിട്രസ് കുടുംബത്തിൽപ്പെട്ട ചെറുനാരങ്ങയിൽ വൈറ്റമിൻ സിയും ഫോളേറ്റും ധാരാളമായി അടങ്ങിയിട്ടുണ്ട്. ഇവ രണ്ടും രോഗപ്രതിരോധ ശേഷി വർധിപ്പിക്കാൻ സഹായിക്കുന്നവയാണ്. ചെറുനാരങ്ങയിലെ പോഷകങ്ങൾ ഓക്സിഡേറ്റീവ് സ്ട്രെസ് കുറയ്ക്കുന്നു. ശരീരത്തിലുണ്ടാകുന്ന നീർക്കെട്ടുകളും വീക്കങ്ങളും കുറയ്ക്കുന്നു. പ്രതിരോധ പ്രവർത്തനങ്ങളെ പിന്തുണയ്ക്കുന്നു.

2. സ്ട്രോക്ക് (പക്ഷാഘാതം) സാധ്യത കുറയ്ക്കുന്നു

സ്ട്രോക്ക് വരാനുള്ള സാധ്യത കൂട്ടുന്ന ഘടകങ്ങളിൽ പ്രധാനപ്പെട്ട ഒന്നാണ് നമ്മൾ കഴിക്കുന്ന ഭക്ഷണം. എന്നാൽ ഭക്ഷണത്തിലും ജീവിതശൈലിയിലും മാറ്റങ്ങൾ വരുത്തുന്നതിലൂടെ സ്ട്രോക്ക് സാധ്യത 80% വരെ കുറയ്ക്കാൻ സാധിക്കും.

3. രക്തസമ്മർദം കുറയ്ക്കാൻ സഹായിക്കുന്നു

ചെറുനാരങ്ങയിലെ ഫ്ലേവനോയിഡുകളും നാരങ്ങത്തോടിലെ നീരും രക്തസമ്മർദം കുറയ്ക്കാൻ സഹായിക്കുമെന്ന് ഗവേഷണങ്ങൾ വ്യക്തമാക്കുന്നു. ചെറുനാരങ്ങയുടെ ഉപയോഗം സിസ്റ്റോളിക് രക്തസമ്മർദം കുറയ്ക്കാൻ സഹായിക്കും. കുടലിലെ സൂക്ഷ്മജീവികളുമായി പ്രതിപ്രവർത്തിക്കുമ്പോൾ ഫ്ലേവനോയിഡുകൾ ദഹിക്കുകയും ഹൃദയത്തെ സംരക്ഷിക്കുകയും ചെയ്യുന്നു. ഫ്ലേവനോയിഡ് അടങ്ങിയ ഭക്ഷണങ്ങൾ സിസ്റ്റോളിക് രക്തസമ്മർദം കുറയ്ക്കുന്നതിൽ 15 ശതമാനത്തോളം പങ്കുവഹിക്കുന്നുണ്ട്.

4. കാൻസർ പ്രതിരോധത്തിന് സഹായിക്കുന്നു

സിട്രസ് പഴങ്ങളുടെ ഉപയോഗവും ശ്വാസകോശ അർബുദ സാധ്യതയും തമ്മിലുള്ള ബന്ധത്തെക്കുറിച്ചുള്ള പഠനത്തിൽ, സിട്രസ് പഴങ്ങൾ കൂടുതൽ കഴിക്കുന്നവർക്ക് അത് കഴിക്കാത്തവരെ അപേക്ഷിച്ച് ശ്വാസകോശ അർബുദം വരാനുള്ള സാധ്യത 9% കുറവാണെന്ന് കണ്ടെത്തി. കൂടാതെ, ചെറുനാരങ്ങയുടെ തൊലിക്ക് കാൻസറിനെ പ്രതിരോധിക്കാനുള്ള ശേഷിയുണ്ടെന്നും തെളിവുകളുണ്ട്.

5. ഇരുമ്പിന്റെ ആഗിരണം കൂട്ടുന്നു

ശരീരത്തിൽ ഇരുമ്പിന്റെ ലഭ്യതയും അത് ആഗിരണം ചെയ്യാനുള്ള ശേഷിയും കൂട്ടാൻ ചെറുനാരങ്ങ സഹായിക്കും. ഇവയിലെ ഉയർന്ന വൈറ്റമിൻ സി യുടെ സാന്നിധ്യമാണ് ഇതിന് കാരണം. ഇരുമ്പ് അടങ്ങിയ ഭക്ഷണങ്ങളോടൊപ്പം വൈറ്റമിൻ സി അടങ്ങിയ ഭക്ഷണങ്ങൾ കഴിക്കുന്നത് ഇരുമ്പിന്റെ ആഗിരണം വർധിപ്പിക്കും.

6. ആസ്ത്മ തടയാൻ സഹായിക്കുന്നു

സിട്രസ് പഴങ്ങളുടെ ഉപയോഗം ആസ്ത്മ സാധ്യത കുറയ്ക്കുന്നതായി കണ്ടെത്തിയിട്ടുണ്ട്. ആസ്ത്മ തടയുന്നതിൽ പോഷകാഹാരത്തിന്റെ പങ്കിനെക്കുറിച്ചുള്ള പഠനത്തിൽ, ദിവസവും പഴങ്ങളും പച്ചക്കറികളും കഴിക്കുന്നത് ആസ്ത്മയും വലിവും ഉണ്ടാകാനുള്ള സാധ്യത കുറയ്ക്കുമെന്ന് വ്യക്തമായി. സിട്രസ് പഴങ്ങൾ കൂടുതൽ കഴിക്കുന്നത് ആസ്ത്മ ലക്ഷണങ്ങളിൽ നിന്ന് ആശ്വാസം നൽകുന്നു.