കോഴിക്കോട്: സ്വര്‍ണക്കടത്ത് കേസുമായി ബന്ധപ്പെട്ട് കസ്റ്റംസ് കസ്റ്റഡിയിലെടുത്ത കൊടുവള്ളി നഗരസഭയിലെ എല്‍.ഡി.എഫ് സ്വതന്ത്ര കൗണ്‍സിലര്‍ കാരാട്ട് ഫൈസലിനെ കൊച്ചിയിലെ കസ്റ്റംസ് ഓഫീസിലെത്തിച്ചു. ഇവിടെ വെച്ച്‌ ഇദ്ദേഹത്തെ കൂടുതല്‍ ചോദ്യം ചെയ്യും. ഫൈസലിന്‍െറ വീട്ടില്‍ നിന്ന് ഫോണ്‍വിളികള്‍ സംബന്ധിച്ച രേഖകള്‍ പിടിച്ചെടുത്തതായാണ് വിവരം സ്വര്‍ണക്കടത്ത് കേസുമായി ബന്ധപ്പെട്ട് കസ്റ്റഡിയിലെടുത്ത കാരാട്ട് ഫൈസലിനെ കൊച്ചിയിലെ കസ്റ്റംസ് ഓഫിസിലെത്തിച്ചപ്പോള്‍
നയതന്ത്ര ബാഗേജ് വഴി സ്വര്‍ണം കടത്തിയ കേസില്‍ കാരാട്ട് ഫൈസലിെന്‍റ വീട്ടില്‍ വ്യാഴാഴ്ച രാവിലെ കസ്റ്റംസ് റെയ്ഡ് നടത്തിയിരുന്നു.റെയ്ഡിന് ശേഷം കസ്റ്റഡിയിലെടുക്കുകയായിരുന്നു.
ഫൈസല്‍ രാജി വെക്കണമെന്നാവശ്യപ്പെട്ട് മുസ്ലിം ലീഗ് മാര്‍ച്ച്‌ നടത്തി. സി.പി.എം കൊടുവള്ളി ലോക്കല്‍ കമ്മിറ്റി ഓഫിസിലേക്കാണ് മാര്‍ച്ച്‌ നടത്തിയത്. കെ.കെ. ഖാദര്‍, വി. അബ്ദു ഹാജി, എ.പി. മജീദ്, എം. നസീബ്, ടി. മൊയ്തീന്‍ കോയ തുടങ്ങിയവര്‍ മാര്‍ച്ചിന് നേതൃത്വം നല്‍കി.
