കോട്ടയം ജില്ലയിലെ പാല ടൗണിൽ കനത്ത മഴയെ തുടർന്ന് പ്രളയജലം അതിവേഗം കയറി ജനജീവിതം സാരമായി ബാധിച്ചു. താഴ്ന്ന പ്രദേശങ്ങളിലെ റോഡുകളും വ്യാപാര സ്ഥാപനങ്ങളും വീടുകളും വെള്ളത്തിനടിയിലായതോടെ ഗതാഗതത്തിനും ദൈനംദിന ജീവിതത്തിനും തടസ്സം നേരിട്ടു.
ഫയർഫോഴ്സ്, റവന്യൂ വകുപ്പ്, തദ്ദേശഭരണ സ്ഥാപനങ്ങൾ എന്നിവയുടെ നേതൃത്വത്തിൽ സ്ഥിതിഗതികൾ നിരീക്ഷിച്ചുവരികയാണ്. മഴ തുടരുന്നതിനാൽ നദീതീരങ്ങളിലും വെള്ളക്കെട്ടുള്ള പ്രദേശങ്ങളിലും താമസിക്കുന്നവർ അതീവ ജാഗ്രത പാലിക്കണമെന്നും, അനാവശ്യ യാത്രകൾ ഒഴിവാക്കി ഔദ്യോഗിക മുന്നറിയിപ്പുകൾ കർശനമായി പാലിക്കണമെന്നും അധികൃതർ നിർദേശിച്ചു..
