ലണ്ടന്‍: ഇംഗ്ലീഷ് ലീഗ് കപ്പില്‍ ബാണ്‍സ്‌ലിയെ തകര്‍ത്ത് ചെല്സി. കളം നിറഞ്ഞു കളിച്ച ചെല്സി എതിരില്ലാത്ത ആറു ഗോളുകള്‍ക്കാണ് ബാണ്‍സ്‌ലിയെ തോല്‍പ്പിച്ചത്. ജര്‍മന്‍ യുവതാരം കായ് ഹാവേര്‍ട്സിന്‍റെ ഹാട്രിക് ഗോളുകളുടെ മികവിലായിരുന്നു ചെല്‍സിയുടെ വിജയം. ബയേര്‍ ലെവര്‍കുസെനില്‍ നിന്ന് ചെല്‍സിയിലെത്തിയ ഹാവേര്‍ട്സ് മത്സരത്തില്‍ തീര്‍ത്തും നിറം മങ്ങിയ പ്രകടനമായിരുന്നു പുറത്തെടുത്തത്. എന്നാല്‍ ബാണ്‍സ്‌ലിക്കെതിരായ മത്സരത്തില്‍ താരം തകര്‍പ്പന്‍ പ്രകടനം പുറത്തെടുക്കുകയായിരുന്നു ..28, 55, 65 മിനിറ്റുകളിലായിരുന്നു 21 കാരനായ ഹാവേര്‍ട്സിന്‍റെ ഗോളുകള്‍. ടാമി അബ്രഹാം(19), റോസ് ബാക്ക്ലി(28), ഒലീവിയര്‍ ജിറൂഡ്(83) എന്നിവര്‍ ചെല്‍സിയുടെ മറ്റു ഗോളുകള്‍ നേടി.
