ദീർഘകാല നിക്ഷേപം ആഗ്രക്കുന്നവർക്ക് തെരഞ്ഞെടുക്കാൻ പറ്റുന്നു ഒരു പദ്ധതിയാണ് ഗ്രാമപ്രിയ. പോസ്റ്റോഫീസ് വഴി നിങ്ങൾക്ക് ഈ പദ്ധതിയിൽ അംഗമാകാം. റൂറൽ പോസ്റ്റൽ ലൈഫ് ഇൻഷുറൻസ് എന്ന പേരിലും പദ്ധതി അറിയപ്പെടുന്നുണ്ട്
സ്വന്തമായി ഒരു സേവിങ്സ് വേണം എന്ന് ആഗ്രഹിക്കുന്നവർ നിരവധിയായിരിക്കും. എന്നാൽ ദിവസേന വർധിച്ചു വരുന്ന ചെലവുകളും, ഒരു നല്ല നിക്ഷേപ പദ്ധതി കണ്ടു പിടിക്കാനുള്ള ബുദ്ധിമുട്ടും പലരെയും പണം സേവ് ചെയ്യുന്നതിൽ സമ്മർദത്തിൽ ആകുന്നു.
നമ്മുടെ ദിവസേനയുള്ള ചെലവുകൾ കൂടുന്നത് കൊണ്ട് തന്നെ, സ്വന്തമായി ഒരു ജോലി ലഭിക്കുമ്പോൾ തന്നെ ഒരു തുക നിക്ഷേപത്തിനായി മാറ്റിവെക്കുന്നത് നല്ലതായിരിക്കും. വളരെ സുരക്ഷിതവും, ബുദ്ധിമുട്ടുകൾ സൃഷ്ടിക്കാതെ നിങ്ങൾക്ക് പണം നിക്ഷേപിക്കാൻ സാധിക്കുന്ന ഒരിടമാണ്
സുരക്ഷയും മികച്ച റിട്ടേണും കാരണം പോസ്റ്റ് ഓഫീസ് നിക്ഷേപ പദ്ധതികൾക്ക് ആളുകളുടെ ഭാഗത്ത് നിന്നും മികച്ച പിന്തുണ ലഭിക്കുന്നുണ്ട്. നിരവധി നിക്ഷേപ പദ്ധതികൾ പോസ്റ്റോഫീസിൽ ഉണ്ട്. ദീർഘകാല പദ്ധതിയിൽ നിക്ഷേപിക്കാൻ ആഗ്രഹിക്കുന്നവർക്ക് തെരഞ്ഞെടുക്കാൻ പറ്റുന്ന ഒരു പോസ്റ്റ് ഓഫീസ് സ്കീമാണ് ‘ഗ്രാമപ്രിയ’
ഗ്രാമപ്രിയ സ്കീം വഴി നിങ്ങൾ തുക നിക്ഷേപിച്ചാൽ 10 വർഷത്തിനുള്ളിൽ നിങ്ങൾക്ക് ഗണ്യമായ ഒരു തുക നേടാൻ സാധിക്കും. പോസ്റ്റ് ഓഫീസിന്റെ മണിബാക്ക് ഇൻഷുറൻസ് പദ്ധതിയാണ് ഗ്രാമപ്രിയ, റൂറൽ പോസ്റ്റൽ ലൈഫ് ഇൻഷുറൻസ് എന്ന പേരിലും അറിയപ്പെടുന്നുണ്ട്. ഈ പദ്ധതി നിങ്ങൾക്ക് ലൈഫ് ഇൻഷുറൻസ് കവറും, പീരിയോഡിക് റിട്ടേണും ഉറപ്പ് നൽകുന്നുണ്ട്.
പണം നിക്ഷേപിക്കുന്നത് എങ്ങനെ ?
ഗ്രാമപ്രിയ സ്കീമിന്റെ സം അഷ്വേർഡ് തുക10,000 രൂപയാണ്, ഇതിന്റെ പരമാവധി തുക 5 ലക്ഷമാണ്. ഇത് പ്രതിമാസ പ്രീമിയമായി നിങ്ങൾക്ക് അടക്കാം. ഉദാഹരണത്തിന് നിങ്ങൾ അഞ്ചു ലക്ഷം രൂപയുടെ നിക്ഷേപ പദ്ധതിയാണ് എടുത്തിരിക്കുന്നതെങ്കിൽ, നിങ്ങളുടെ പ്രതിമസ നിക്ഷേപമായി വരുന്നത് 5,068 രൂപയായിരിക്കും.
10 വർഷത്തെ കാലാവധി പൂർത്തിയാക്കുന്ന സമയത്ത് മികച്ച റിട്ടേനാണ് ലഭിക്കുന്നത്. കൂടാതെ ഇവിടെ ബോണസ് തുക കൂടി ലഭിക്കും. ഓരോ ആയിരം രൂപയ്ക്കും 45 രൂപ വാർഷിക ബോണസ് ലഭിക്കും. 5 ലക്ഷം കവറിന് വാർഷിക ബോണസ് ആയി ലഭിക്കുന്നത് 22,500 രൂപയായിരിക്കും. 10 വർഷത്തെ നിങ്ങളുടെ ബോണസ് തുക 2,25,000 രൂപയായിരിക്കും.
അഷ്വേർഡ് തുകകളും ഈ പദ്ധതിയുടെ ആകർഷണമാണ്. 10 വർഷം എന്ന കാലാവധിയെ മൂന്നായി തിരിക്കാം. 4, 7, 10 വർഷങ്ങൾ. ഇതിൽ 4 വർഷം പൂർത്തിയാക്കുമ്പോൾ സം അഷ്വേർഡിന്റെ 20 ശതമാനം ലഭിക്കും അതായത് ഒരു ലക്ഷം രൂപ. 7 വർഷം പൂർത്തിയാക്കുമ്പോഴും ഇതു തന്നെ ലഭിക്കും. ഇനി നിങ്ങൾ 10 വർഷം അതായത് കാലാവധി പൂർത്തിയാക്കിയാൽ സം അഷ്വേർഡിന്റെ 60 ശതമാനത്തിനോടൊപ്പം മൊത്തം ബോണസും ലഭിക്കും. 10 വർഷം കഴിയുമ്പോൾ 7.25 ലക്ഷം രൂപ കൈയിൽ ലഭിക്കും.
