താമരശേരി ഫ്രഷ് കട്ട് സമരവുമായി ബന്ധപ്പെട്ട് പ്രദേശത്ത് ജില്ലാ ഭരണകൂടം നിരോധനാജ്ഞ പ്രഖ്യാപിച്ചു. പ്ലാന്റിന്റെ പരിസര പ്രദേശങ്ങളില് ഏഴു ദിവസത്തേക്കാണ് ജില്ലാ കളക്ടര് സ്നേഹില് കുമാര് സിങ് നിരോധനാജ്ഞ പ്രഖ്യാപിച്ചത്. നാലോ അതില് കൂടുതലോ ആളുകള് ഒരുമിച്ചു കൂടുന്നതിനും ഏതെങ്കിലും രീതിയുള്ള പ്രതിഷേധമോ പൊതുപരിപാടികളോ പ്രകടനങ്ങളോ നടത്തുന്നതിനും വിലക്കേര്പ്പടുത്തിയിട്ടുണ്ട്.
കോഴിക്കോട്: താമരശേരി ഫ്രഷ് കട്ട് സമരവുമായി ബന്ധപ്പെട്ട് പ്രദേശത്ത് നിരോധനാജ്ഞ പ്രഖ്യാപിച്ചു . പ്ലാന്റിന്റെ പരിസര പ്രദേശങ്ങളില് ഏഴു ദിവസത്തേക്കാണ് നിരോധനാജ്ഞ പ്രഖ്യാപിച്ചത്. ജില്ലാ കളക്ടര് സ്നേഹില് കുമാര് സിങ് ആണ് നിരോധനാജ്ഞ പ്രഖ്യാപിച്ചത്.
പ്ലാന്റിന്റെ 300 മീറ്റര് ചുറ്റളവ്, പ്ലാന്റിനും അമ്പായത്തോടിനും ഇടയിലെ റോഡിന്റെ ഇരുവശത്തുമുള്ള 50 മീറ്റര് പ്രദേശം, അമ്പായത്തോട് ജങ്ഷന്റെ 100 മീറ്റര് ചുറ്റളവ് എന്നിവിടങ്ങളിലാണ് ഭാരതീയ നാഗരിക് സുരക്ഷാ സംഹിത (ബിഎന്എസ്എസ്) 163-ാം വകുപ്പ് പ്രകാരം നിരോധനാജ്ഞ പുറപ്പെടുവിച്ചത്. ഇതുപ്രകാരം ഈ പ്രദേശങ്ങളില് നാലോ അതില് കൂടുതലോ ആളുകള് ഒരുമിച്ചു കൂടുന്നതിനും ഏതെങ്കിലും രീതിയുള്ള പ്രതിഷേധമോ പൊതുപരിപാടികളോ പ്രകടനങ്ങളോ നടത്തുന്നതിനും വിലക്കേര്പ്പടുത്തിയിട്ടുണ്ട്.
പ്ലാന്റ് തുറക്കുകയാണെങ്കിൽ സമരം തുടങ്ങും എന്ന പ്രദേശവാസികളുടെ പ്രഖ്യാപനത്തെ തുടർന്നാണ് ജില്ലാ ഭരണകൂടം നിരോധനാജ്ഞ പ്രഖ്യാപിച്ചത്. പ്ലാന്റ് തുറക്കാൻ ജില്ലാ ഭരണകൂടം അനുമതി നൽകിയിട്ടും കഴിഞ്ഞ ദിവസം തുറന്നിരുന്നില്ല. പോലീസ് സുരക്ഷയുണ്ടെങ്കിലേ പ്ലാന്റ് പ്രവര്ത്തിപ്പിക്കൂവെന്നും ഉടമകള് വ്യക്തമാക്കിയിരുന്നു. ഇതേത്തുടര്ന്നാണ് ജില്ലാ കളക്ടര് നിരോധനാജ്ഞ പുറപ്പെടുവിച്ചത്.
മലിനീകരണ നിയന്ത്രണ ബോര്ഡിന്റേയും, ശുചിത്വ മിഷന്റേയും റിപ്പോര്ട്ടിന്റെയും അടിസ്ഥാനത്തിലാണ് ഫ്രഷ് കട്ട് തുറക്കാനുള്ള നടപടി കഴിഞ്ഞ ദിവസം നടത്തിയത്. പ്ലാന്റിലെ പ്രതിദിന മാലിന്യ സംസ്കരണം 25 ടണ്ണില് നിന്ന് 20 ടണ്ണായി കുറയ്ക്കണം, ദുര്ഗന്ധം കുറയ്ക്കാനായി വൈകുന്നേരം ആറ് മണിമുതല് രാത്രി 12 മണിവരെ പ്രവര്ത്തനം പൂര്ണമായി നിര്ത്തിവെക്കും തുടങ്ങി കര്ശന ഉപാധികളോടെയായിരുന്നു പ്ലാന്റ് വീണ്ടും പ്രവര്ത്തിപ്പിക്കാന് അനുമതി നല്കിയിരുന്നത്. അതേസമയം ഫാക്ടറി തുറക്കുകയാണെങ്കില് വീണ്ടും സമരം തുടങ്ങുമെന്ന് സമരസമിതി വ്യക്തമാക്കി. ഫാക്ടറി അടച്ചുപൂട്ടും വരെ സമരം തുടരുമെന്നും സമരസമിതി അറിയിച്ചു.
