രിസ്ഥിത സൗഹാര്‍ദവും സുസ്‌ഥിരവുമായ മാര്‍ഗമാണ് ഇവര്‍ നല്‍കിയതും. ഇതിലൂടെ ദരിദ്രരുടെ പ്രശ്‌നങ്ങള്‍ പരിഹരിക്കാന്‍ കഴിയുമെന്ന് അവര്‍ വിശ്വസിച്ചു. അതിനായി നമുക്ക് പ്രകൃതിയെ സംരക്ഷിക്കേണ്ടതുണ്ട്. കുറഞ്ഞ ചെലവിലോ നിക്ഷേപത്തിലോ വരുമാനമുണ്ടാക്കാനുള്ള അവരസങ്ങള്‍ നമുക്ക് വേണമായിരുന്നു. അതിനായാണ് പരിശ്രമിച്ചത്. അങ്ങനെയാണ് മുളയിലൂടെ ആഭരണങ്ങള്‍ ഉണ്ടാക്കാന്‍ പഠിപ്പിച്ചത്. മാത്രമല്ല ഗ്രാമങ്ങളില്‍ നിന്നും കാടുകളില്‍ നിന്നും ലഭിക്കുന്ന മറ്റ് വിഭവങ്ങളും ഇതിനായി വിനിയോഗിച്ചു.

ഇപ്പോള്‍ മുള ഉത്പ്പന്നങ്ങളിലൂടെ പ്രതിമാസം ഒരു ലക്ഷം രൂപവരെ നേടാന്‍ ഇവര്‍ക്ക് കഴിയുന്നുണ്ട്. 25 വര്‍ഷത്തെ കഠിന പ്രയത്‌നത്തിലൂടെയാണ് ഇന്ന് ലാഭങ്ങള്‍ കൊയ്യുന്ന സംരംഭത്തിലേക്ക് അവര്‍ എത്തിച്ചേര്‍ന്നത്. ഇതോടെ ഒന്നുമില്ലാതിരുന്ന വീടുകളിലും ഗ്രാമങ്ങളിലും പുതിയ ജീവിതത്തിന്‍റെ പ്രഭാതം വിടര്‍ന്നു. മാസത്തിൽ 15 ദിവസം ഒരു ഗ്രാമത്തിലെ പാവപ്പെട്ട തൊഴലില്ലാത്ത വനിതകളേയും ഭിന്നശേഷി കാരേയും പരിശീലിപ്പിക്കുന്നുണ്ട്.

കേരളത്തിലേക്കും പരിശീലനം വ്യാപിപ്പിച്ചു

നീരയുടെ ദൗത്യം കേരളത്തിലും ഛത്തീസ്‌ഗഢിലും മറ്റ് പ്രാദേശിക ഇടങ്ങളിലും വ്യാപിച്ചു കഴിഞ്ഞു. “സ്‌ത്രീകള്‍ വരുമാനമാര്‍ഗങ്ങള്‍ കണ്ടെത്തേണ്ടത് അത്യാവശ്യമാണ്. മുളയും പ്രാദേശികമായി ലഭിക്കുന്ന മറ്റ് അസംസ്‌കൃത വസ്‌തുക്കളും വനത്തില്‍ നിന്ന് ലഭിക്കുന്ന മറ്റ് കായ്കനികളും ഉപയോഗിച്ച് പരിസ്ഥിതി സൗഹൃദമായ ഉപജീവന മാര്‍ഗം കണ്ടെത്തുന്നതിലുടെ ബദല്‍ വരുമാനം ലഭ്യമാകും, നീര പറഞ്ഞു.

ഇത്തരത്തിലൂടെ നിര്‍മിക്കുന്ന ആഭരണങ്ങള്‍ക്ക് വിദേശ രാജ്യങ്ങളിൽ ഉയർന്ന ഡിമാൻഡുണ്ട്. കഴിഞ്ഞ ദിവസങ്ങളിൽ 1,00,000 ഫ്ലൂട്ടുകൾ ആവശ്യപ്പെട്ടിട്ടും ആവശ്യമായ വിതരണ സാധ്യത ഇല്ലായിരുന്നുവെന്നും അവർ വെളിപ്പെടുത്തി. ഭാവിയിൽ യുഎസിലെ ഒരു കമ്പനിക്കൊപ്പം അവരുടെ ഉൽപ്പന്നങ്ങൾ അഫിലിയേറ്റ് ചെയ്യാനുള്ള സാധ്യതകളും ഉണ്ട്.

“ദാരിദ്ര്യ രേഖയ്ക്ക് താഴെയുള്ള ആളുകള്‍ക്ക് വേണ്ടിയുള്ള ഡിസൈനറാണ് ഞാന്‍. ഇന്ത്യയില്‍ ഏകദേശം 75 ശതമാനം ആളുകളും ദരിദ്രരാണ്. അതില്‍ 20 ശതമാനം പേര്‍ മാത്രമാണ് സമ്പന്നര്‍. ഈ ദരിദ്രരുടെ ജീവിതം രൂപകല്‍പ്പന ചെയ്യേണ്ടത് തന്‍റെ കടമയാണ്. പ്രത്യേകിച്ച് തൊഴിലില്ലാത്തവരും ശാരീരിക വൈകല്യമുള്ളവരുമായ ഗ്രാമീണ സ്ത്രീകൾക്ക് വേണ്ടി സർക്കാർ ധാരാളം കാര്യങ്ങൾ ചെയ്‌തിട്ടുണ്ട്, പക്ഷേ അവർക്ക് സ്വയം പര്യാപ്തരാകാനും വരുമാനം ഉണ്ടാക്കാനും സർക്കാർ ഓഫീസുകളിൽ പോകാൻ കഴിയില്ല,” അവർ പറഞ്ഞു.

ഒരു മുളയില്‍ നിന്ന് ഒരു ലക്ഷം വരുമാനം

ഒരു മുളയില്‍ നിന്ന് ഒരു ലക്ഷം രൂപവരെ വരുമാനം ലഭിക്കുമെന്ന് തെളിയിച്ചതിന് മുന്‍ ത്രിപുര മുഖ്യമന്ത്രി മണിക് സര്‍ക്കാര്‍ നീരയ്ക്ക് അച്ചീവ്മെന്‍റ് അവാര്‍ഡ് നല്‍കിയിരുന്നു. ഗുജറാത്ത് മുഖ്യമന്ത്രിയായിരിക്കെയാണ് പ്രധാനമന്ത്രി നരേന്ദ്ര മോദി അവരെ ബാംബൂ ലേഡി എന്ന് വിളിച്ചിരുന്നത്.

അവര്‍ നിര്‍മിച്ച ഉത്പന്നങ്ങള്‍ക്ക് വിദേശ രാജ്യങ്ങളില്‍ പോലും ഇന്ന് വലിയ ഡിമാന്‍റാണുള്ളത്. വിപണിക്ക് ആവശ്യമായ ഉത്പന്നങ്ങള്‍ ഉത്പാദിപ്പിക്കാന്‍ പലപ്പോഴും കഴിയാതെ വരാറുണ്ട്. മറ്റുള്ളവര്‍ക്ക് വേണ്ട് ജീവിക്കുന്നത് മൂല്യവത്തായ ഒന്നായാണ് നീര കാണുന്നത്. അങ്ങനെയാണ് ഈ ലക്ഷ്യം മുറുകെ പിടിച്ച് മുന്നോട്ട് പോകുന്നതും.