കുടല് ക്യാന്സര് നമ്മുടെ പ്രിയങ്കരനായ താരത്തെ ബാധിച്ചുവെന്ന് സോഷ്യല് മീഡിയാകളില് വാര്ത്തകള് വരുന്നുണ്ട്. ഈ ക്യാന്സര് നേരത്തെ കണ്ടെത്താന് സാധിയ്ക്കും.
നമ്മുടെ ഒരു സൂപ്പര് സ്റ്റാറിന് കുടല് ക്യാന്സര് ബാധിച്ചിരിയ്ക്കുന്നതായി കുറച്ചു ദിവസമായി വാര്ത്തകള് കേള്ക്കുന്നുണ്ട്. ഇത് താരത്തിന്റെ ഭാഗത്ത് നിന്നും ഔദ്യോഗികമായി സ്ഥിരീകരിച്ചിട്ടില്ലെങ്കിലും വാര്ത്ത സത്യമാണെന്നാണ് വിശ്വസനീയമായ ചില കേന്ദ്രങ്ങളില് നിന്നും അറിയാന് സാധിയ്ക്കുന്നത്. ഇതിനാല് തന്നെ താരത്തിന്റെ ഷൂട്ടിംഗ് നിര്ത്തിവച്ചതായും വാര്ത്തകളുണ്ട്. എന്നാല് താരത്തെ ബാധിച്ചിരിയ്ക്കുന്ന ക്യാന്സര് തുടക്കമാണെങ്കിലും ഇതിനാല് തന്നെ എളുപ്പത്തില് ചികിത്സിച്ച് മാറ്റാന് സാധിയ്ക്കുന്നതാണെന്നും കൂടി വിവരങ്ങളുണ്ട്. എത്രയും പെട്ടെന്നു തന്നെ തങ്ങളുടെ പ്രിയങ്കരനായ താരം രോഗത്തില് നിന്നും മുക്തനായി തിരിച്ചെത്തുമെന്ന് ആരാധകരുടെ പ്രാര്ത്ഥനകളുമുണ്ട്.
കുടല് ക്യാന്സറിന് ചില പ്രത്യേക കാര്യങ്ങളുണ്ട്. വന്കുടലിന്റെ ഏത് ഭാഗത്ത് വന്നാലും ഇത് കുടല് ക്യാന്സര് എന്നു പറയും. വര്ഷങ്ങള്ക്ക് മുന്നു തന്നെ ഇത് ക്യാന്സറാകും എന്ന് പറയാന് കഴിയുന്ന ചില ക്യാന്സറുകളുണ്ട്, ഇതില് കുടല് ക്യാന്സര്, വായയിലെ ക്യാന്സര്, സെര്വിക്കല് ക്യാന്സര് എന്നിവയാണ്. ചെറിയ പോളിപ്പുകള് കുടലില് വരുന്നത് ക്യാന്സര് വരാനുള്ള സാധ്യത കാണിയ്ക്കുന്നു. ക്യാന്സര് വരുന്നതിന് മുന്പായി പത്തുപതിനഞ്ച് വര്ഷം മുന്നേ ഇവ ഉണ്ടാകും. കൊളോനോസ്കോപി വഴിയാണ് ഇത് കണ്ടെത്താന് സാധിയ്ക്കുക. കഴുത്തില് വരുന്ന ചെറിയ ഉണ്ണികള് പോലുള്ളവയെയാണ് പോളിപ്പുകള് എന്നു പറയുന്നത്. ഇത്തരം പോളിപ്പുകള് നേരത്തെ കണ്ടെത്തിയാല് അവ നീക്കം ചെയ്യാന് സാധിയ്ക്കു
നാല്പത് കഴിഞ്ഞവരിലാണ് ഇത് കൂടുതലായി കണ്ടുവരുന്നത്. ഇവരില് മറ്റു പ്രായക്കാരെ അപേക്ഷിച്ച് അഞ്ചിരട്ടിയാണ് ഈ പ്രായത്തിലുള്ളവരില് സാധ്യത. പുകവലി, മദ്യപാനം എന്നിവയെല്ലാം കുടല് ക്യാന്സര് സാധ്യത വര്ദ്ധിപ്പിയ്ക്കുന്നവയാണ്. നോണ്വെജ് കഴിയ്ക്കുന്നവരിലും വെജ് കഴിയ്ക്കുന്നവരിലും കുടല് ക്യാന്സര് വരാനുള്ള സാധ്യത ഒരുപോലെയാണ്. എന്നാല് റെഡ്മീറ്റ് കഴിയ്ക്കുന്നവരില് അല്പം സാധ്യത കൂടുതലാണ്. ഇത് പാകം ചെയ്യുന്ന രീതിയാണ് കൂടുതല് പ്രശ്നമുണ്ടാക്കുന്നത്. ഇത് ചുട്ടെടുക്കുന്ന രീതിയോ പ്രോസസ് ചെയ്തവ കഴിയ്ക്കുന്നതോ ആണ് ഇത്തരം രീതിയിലെ ക്യാന്സറിന് കാരണമാകുന്നത്.
എത്രയും നേരത്തെ ഇത് കണ്ടെത്തുകയെന്നതാണ് ഇതിന്റെ പ്രധാന ചികിത്സ. റേഡിയോതെറാപ്പിയാണ് തുടക്കത്തിലെ ചികിത്സാവഴി. ചിലര്ക്ക് സര്ജറി ഇതിന് ശേഷം ചെയ്യാറുണ്ട്. എന്നാല് ചിലരില് റേഡിയോതെറാപ്പി മാത്രം ചെയ്താല് മതിയാകും. ഇതിന്റെ വ്യാപനം ചെറുക്കുന്നതിനായി ചിലരില് കീമോതെറാപ്പി ചെയ്യാറുണ്ട്. സര്ജറി, റേഡിയോതെറാപ്പി, കീമോതെറാപ്പി എന്നിങ്ങനെ കംമ്പെയ്ന്ഡ് ചികിത്സാരീതിയാണ് പിന്തുടരുന്നത്. ഇത് രോഗിയുടെ കണ്ടീഷന് അനുസരിച്ചാണ് ഡോക്ടര്മാര് തീരുമാനിയ്ക്കുക. തുടക്കത്തില് കണ്ടെത്തിയാല് പൂര്ണമായും ചികിത്സിച്ച് മാറ്റാന് സാധിയ്ക്കുന്ന ഒന്നാണ് ഇത്.
