ടാസ്കുകളും വാക്കുതർക്കങ്ങളും മാത്രമല്ല ബിഗ് ബോസ്, ഇടയ്ക്കിടെ അവകാശബോധവും മത്സരാർത്ഥികളിൽ ഉയുന്നുണ്ട്. മോർണിംഗ് ടാസ്ക്കുകൾക്കൊക്കെ മുൻപ് ഇന്ന് ബിഗ് ബോസ് വീട്ടിൽ കേട്ടത് നീതി തേടിയുള്ള ശബ്ദമാണ്.
സമരം, അതും ബിഗ് ബോസിനെതിരെ. ആവശ്യത്തിന് ഭക്ഷണ സാധനങ്ങളോ വസ്ത്രമോ നൽകാത്തതിനായിരുന്നു അപ്പാനി ശരത്തിൻ്റെ നേതൃത്വത്തിൽ ഒരു സംഘം മുദ്രാവാക്യം വിളികളുമായി എത്തി. ഇതിനെ ചിരിച്ചും പുച്ഛിച്ചും കളയുന്ന മറ്റ് മത്സരാർത്ഥികളേയും കാണാം. ഇതിനെല്ലാം ഉപരി വളരെ ഔർജ്ജസ്വലരായാണ് ഇന്ന് ബിഗ് ബോസ് വീട് ഉണർന്നത്. എന്നാൽ കളിചിരികൾക്ക് പിന്നാലെ ഗംഭീര ‘പണി’പ്പുര ടാസ്കുമായി ബോസണ്ണൻ വന്നു.
ആ അങ്കം രണ്ടുപേർ തമ്മിലായിരുന്നു. ഇന്നലത്തെ ടാസ്കിൽ പങ്കെടുത്ത് പരാജയപ്പെട്ടവരെ ഇതിൽ പങ്കെടുപ്പിക്കേണ്ടതില്ലെന്ന മുന്നറിയിപ്പും തുടക്കത്തിൽ തന്നെ ഉണ്ടായിരുന്നു. ഇതോടെ ജിസേൽ, ആദില, അനീഷ്, ആര്യൻ എന്നിവർ വിധികർത്താക്കളായി. രണ്ടുപേരെ വീതം തിരഞ്ഞെടുക്കുകയും ഇരുവർക്കും ഒരേ വിഷയത്തിൻ്റെ രണ്ട് ഭാഗങ്ങളെക്കുറിച്ച് വാദിക്കാൻ അവസരം കൊടുക്കുകയും ചെയ്യും. ആരാണോ കൂടുതൽ പോയിൻ്റുകൾ പറഞ്ഞുകൊണ്ട് എതിരാളിയ്ക്കെതിരെ ശക്തമായ നിലപാടെടുക്കുന്നുവോ ഇവരാണ് വിജയി. ഇവരിൽ നിന്ന്
