ഇന്ന് സമൂഹത്തിൽ ഹൃദ്രോഗങ്ങൾ വർധിച്ച് വരികയാണ്. രാജ്യത്ത് ഹൃദ്രോഗങ്ങൾ മൂലം മരിക്കുന്നവരുടെ എണ്ണത്തിലും വൻ വർധനവാണ് ഉണ്ടായിട്ടുള്ളത്. റിപ്പോർട്ടുകൾ പ്രകാരം, 2023-ൽ ലോകമെമ്പാടുമായി 17.9 ദശലക്ഷം പേരുടെ ജീവൻ നഷ്ടമാകാൻ ഹൃദ്രോഗം കാരണമായി. ഹൃദയാരോഗ്യത്തിലും ഹൃദ്രോഗ സാധ്യത കുറക്കുന്നതിലും ഭക്ഷണക്രമം നിർണായക പങ്ക് വഹിക്കുന്നുണ്ട്. സമീപകാലത്ത് ഉണ്ടായ പഠനത്തിൽ ഹൃദ്രോഗവും ഭക്ഷണ ക്രമവും തമ്മിൽ നല്ല ഒരു ബന്ധം ഉണ്ടന്ന് മനസിലായി. നല്ല ഭക്ഷണം കഴിച്ചാൽ ഹൃദ്രോഗാങ്ങളെ നമുക്ക് അകറ്റി നിർത്താം
ഹാർവാർഡ് ടിഎച്ച് ചാൻ സ്കൂൾ ഓഫ് പബ്ലിക് ഹെൽത്ത്, ഗവേഷകർ നടത്തിയ പഠനത്തിൽ, ഭക്ഷണത്തിന്റെ ഗുണനിലവാരം, കാർബോഹൈഡ്രേറ്റ്, കൊഴുപ്പ് എന്നിവ ഭക്ഷണത്തിൽ നിന്ന് കുറയ്ക്കുന്നത് ഹൃദ്രോഗങ്ങളെ കുറയ്ക്കും എന്ന് കണ്ടെത്തി. ഈ ആഴ്ച ഒർലാൻഡോയിൽ വെച്ച് നടക്കുന്ന അമേരിക്കൻ സൊസൈറ്റി ഫോർ ന്യൂട്രീഷന്റെ വാർഷികത്തിന്റെ മുഖ്യ യോഗമായ ന്യൂട്രിഷൻ 2025-ൽ ഈ കണ്ടത്തലുകളെ കുറിച്ച് അവതരിപ്പിക്കും. കൊഴുപ്പ് കുറഞ്ഞ ഭക്ഷണമോ, കാർബോഹൈഡ്രേറ്റ് കുറഞ്ഞ ഭക്ഷണമോ കഴിക്കുന്നതിനേക്കാൾ, പ്രധാനമായി നിങ്ങൾ ശ്രദ്ധിക്കേണ്ടത്. നിങ്ങളുടെ ഹൃദയത്തെ എങ്ങനെ ആരോഗ്യകരമായി നിലനിർത്താം എന്നാണ്. അതിന് നിങ്ങൾ ഏത് തരം ഭക്ഷണം കഴിക്കണം എന്ന് പഠനം കണ്ടെത്തി.
ഭക്ഷണ രീതിയെ കുറിച്ച് കൂടുതലറിയാൻ ശാസ്ത്രജ്ഞർ വർഷങ്ങളോളം രണ്ട് ലക്ഷം ആളുകളെ നിരീക്ഷിച്ചു. അതിൽ അവർക്ക് മനസിലായ കാര്യം നല്ല നിലവാരം ഉള്ള ഭക്ഷണം കഴിക്കുന്നത് ഏറ്റവും പ്രധാനമാണെന്നാണ്. കൊഴുപ്പ് അടങ്ങിയ ഭക്ഷണം അല്ലെങ്കിൽ കാർബോഹൈഡ്രേറ്റ് അടങ്ങിയ ഭക്ഷണം തിരഞ്ഞെടുക്കക്കുന്ന പോലെ പ്രധാന്യം നല്ല ഭക്ഷണം തിരഞ്ഞെടുക്കുന്നതിലും ഉണ്ടാകണം എന്ന് പഠനങ്ങൾ പറയുന്നു.
മുമ്പ് ഡോക്ടർമാർ ശരീര ഭാരം നിയന്ത്രിക്കാനും, രക്തത്തിലെ പഞ്ചസാരയുടെയും കോളസ്ട്രോളിന്റെയും അളവ് നിയന്ത്രിക്കാൻ കുറഞ്ഞ കാർബോഹൈഡ്രേറ്റും കൊഴുപ്പ് കുറഞ്ഞ ഭക്ഷണക്രമവും നിർദേശിക്കുമായിരുന്നു. എന്നിരുന്നാലും ഹൃദ്രോഗ സാധ്യത കുറയ്ക്കുന്നതിൽ ഈ ഭക്ഷണക്രമങ്ങളുടെ സ്വാധീനം ഇന്നും ചർച്ച ചെയ്യുന്നുണ്ട്.
നിങ്ങൾ കഴിക്കുന്ന ഭക്ഷണം നിങ്ങളുടെ ഹൃദയത്തിന്റെ പ്രവർത്തനങ്ങളെ എങ്ങനെ ബാധിക്കുമെന്ന് ഗവേഷകർ കണ്ടെത്തി. പഴങ്ങൾ, പച്ചക്കറികൾ, ധാന്യങ്ങൾ തുടങ്ങിയ ആരോഗ്യകരമായ ഭക്ഷണങ്ങൾ, നിങ്ങളുടെ ദിവസേനയുള്ള ആഹാരക്രമത്തിൽ ഉൾപ്പെടുത്തിയാൽ നിങ്ങളുടെ ശരീരത്തിന്റെയും ഹൃദയത്തിന്റെയും ആരോഗ്യം നിലനിർത്താൻ സഹായിക്കും. അതുപോലെ നിങ്ങളുടെ ഭക്ഷണക്രമത്തിൽ നിങ്ങളുടെ ശരീരത്തിന് ദോഷകരമായ ഭക്ഷണങ്ങൾ ഉൾപ്പെടുത്തിയാൽ അത് നിങ്ങളുടെ ജീവനെയും ജീവിതത്തെയും ബാധിക്കും. അത് ഇനി കാർബ് കുറഞ്ഞ ഭക്ഷണമാണെങ്കിലും, കുറഞ്ഞ കൊഴുപ്പുള്ള ഭക്ഷണമെങ്കിൽ പോലും അത് നിങ്ങളുടെ ഹൃദയത്തെ രോഗിയാക്കും എന്ന് ഹാർവാർഡ് ടിഎച്ച്ചാൻ സ്കൂൾ ഓഫ് പബ്ലിക് ഹെൽത്തിലെ ഗവേഷകനായ ഷിയുവാൻ വു പറഞ്ഞു.
ഏകദേശം രണ്ട് ലക്ഷത്തോളം ആളുകളെ വെച്ച് വർഷങ്ങളായി നടത്തിയ പഠനത്തിലാണ് ഗവേഷകർ അവസാന നിഗമനത്തിൽ എത്തിയത്. ആളുകളെ വളരെ സൂക്ഷ്മമായി അവർ നിരീക്ഷിച്ചു. അവരുടെ ആഹാരക്രമം, ജീവിത രീതി, അവർക്ക് ഹൃദ്രോഗം ഉണ്ടോ എന്നും അവർ നിരീക്ഷിച്ചു.
തവിട് അടങ്ങിയ ഭക്ഷണം, പഴങ്ങൾ, പച്ചക്കറികൾ, പയറുവർഗങ്ങൾ തുടങ്ങിയ ഭക്ഷണങ്ങളിൽ നിന്നുള്ള കാർബോഹൈഡ്രേറ്റ്, കൊഴുപ്പ്, പ്രോട്ടീൻ എന്നിവയെ ഉയർന്ന നിലവാരം ഉള്ള ഭക്ഷണങ്ങൾ എന്ന് ഗവേഷകർ തരം തിരിച്ചു. അതെ സമയം, ഉരുളക്കിഴങ്, ശുദ്ധികരിച്ച ധാന്യങ്ങൾ എന്നിവയിൽ നിന്നുമുള്ള കാർബോഹൈഡ്രേറ്റുകൾ, മൃഗങ്ങളിൽ നിന്നുമുള്ള കൊഴുപ്പ് , പ്രോട്ടീൻ എന്നിവയെ ഗുണ നിലവാരം കുറഞ്ഞതെന്നും തരം തിരിച്ചു.
ഓരോരുത്തരും സ്വയം വിചാരിച്ചാൽ മാത്രമേ ഹൃദ് രോഗങ്ങളെ മറ്റാൻ സാധിക്കും. രുചി എന്ന ഘടകത്തെ മാറ്റി നിർത്തി ഗുണനിലവാരം ഉള്ള നല്ല ഭക്ഷണം കഴിക്കാൻ ശ്രമിക്കുക. ആഹാരക്രമത്തിൽ കൂടുതലും ധാന്യങ്ങൾ, പഴങ്ങൾ, പച്ചക്കറികൾ, നട്സ്, പയർവർഗ്ഗങ്ങൾ എന്നിവ ഉൾപെടുത്താൻ ശ്രമിക്കുക. പ്രോസസ്സ് ചെയ്ത മാംസം, ശുദ്ധികരിച്ച കാർബോഹൈഡ്രേറ്റ്, പഞ്ചസാര, എന്നിവ അടങ്ങിയ ഭക്ഷണങ്ങൾ, ആഹാരക്രമത്തിൽ നിന്ന് പരമാവധി കുറക്കുക.
