സാധാരണക്കാര്‍ക്ക് താങ്ങാവുന്ന പോളിസികള്‍ അവതരിപ്പിക്കുന്നതില്‍ എന്നും മുന്നിലാണ് പൊതുമേഖല ഇന്‍ഷുറന്‍സ് സ്ഥാപനമായ ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യ (എല്‍ഐസി). സാധാരണക്കാരുടെ സമ്പാദ്യശീലം വര്‍ധിപ്പിക്കുന്നതിനായി ദിവസേന, പ്രതിമാസം, ത്രൈമാസ പ്രീമിയം സ്‌കീമുകള്‍ കമ്പനി അവതരിപ്പിച്ചിട്ടുണ്ട്. നിശ്ചിത സമയത്തിനുശേഷം മികച്ച ഒരു കോര്‍പ്പസ് കൈയ്യില്‍ കിട്ടുന്ന തരത്തിലാണ് ഈ പ്ലാനുകള്‍ എല്ലാം പ്രവര്‍ത്തിക്കുന്നത്.
പ്രതിദിനം 50 രൂപ നിക്ഷേപിച്ചുകൊണ്ട് കാലാവധിയില്‍ 6 ലക്ഷം രൂപ വരെ നേടാന്‍ സഹായിക്കുന്ന എല്‍ഐസിയുടെ താരതമ്യേന പുതിയ ഒരു പദ്ധതിയെ പറ്റിയാണ് ഇന്നു പറയുന്നത്. എല്‍ഐസിയുടെ ‘ ആധാര്‍ ശില’ പോളിസി സ്ത്രീകള്‍ക്ക് മാത്രമായി ലഭ്യമാക്കിയിട്ടുള്ള ഒന്നാണ്. ഏതെങ്കിലും കാരണത്താല്‍ പോളിസി ഉടമ മരിച്ചാല്‍ അവരുടെ കുടുംബത്തിനും സാമ്പത്തിക സഹായം ലഭിക്കുന്ന തരത്തിലാണ് ഇതു പ്രവര്‍ത്തിക്കുന്നത്.
8 വയസ് പ്രായമുള്ള പെണ്‍കുട്ടിക്ക് മുതല്‍ ഈ പോളിസിയില്‍ നിക്ഷേപിക്കാം. പെണ്‍മക്കളുടെ ഭാവി സുരക്ഷിതമാക്കാന്‍ ആഗ്രഹിക്കുന്ന ഏതൊരു മാതാപിതാക്കള്‍ക്കും ഈ പദ്ധതി നേട്ടമാകും. അംഗമാകാനുള്ള പരമാവധി പ്രായം 55 ആണ്. 10 ഉം 20 ഉം വര്‍ഷത്തേക്കുള്ള നിക്ഷേപ ഓപ്ഷന്‍ ലഭ്യമാണ്. പദ്ധതിയിലെ ഇന്‍ഷുറന്‍സ് തുക 2 ലക്ഷം മുതല്‍ 5 ലക്ഷം രൂപ വരെയാണ്. ആദ്യ പ്രീമിയം അടച്ച് മൂന്ന് വര്‍ഷത്തിന് ശേഷം പോളിസിയില്‍ വായ്പ ഓപ്ഷനും ലഭിക്കും.
ഒരു സ്ത്രീ 21 വയസില്‍ 20 വര്‍ഷത്തേക്ക് ലൈഫ് ബേസ് റോക്ക് പ്ലാനില്‍ നിക്ഷേപിക്കുന്നുവെന്ന് കരുതുക. പ്രതിദിനം 50 രൂപയാണ് നീക്കിവയ്ക്കുന്നതെങ്കില്‍ ഒരു വര്‍ഷത്തെ നിക്ഷേപം 18,976 രൂപയാകും. 20 വര്‍ഷത്തില്‍ മൊത്തം പ്രീമിയം 3.80 ലക്ഷം രൂപയാകും. അങ്ങനെയെങ്കില്‍ കാലാവധി പൂര്‍ത്തിയാകുമ്പോള്‍ നിങ്ങള്‍ക്ക് 6.62 ലക്ഷം കൈയ്യില്‍ കിട്ടും. ഇതില്‍ 5 ലക്ഷം രൂപ യഥാര്‍ത്ഥ ഇന്‍ഷ്വര്‍ തുകയും, 1.62 ലക്ഷം രൂപ ലോയല്‍റ്റിയും ആകും.
- പദ്ധതി സ്ത്രീകള്‍ക്ക് മാത്രം.
- സാധുവായ ആധാര്‍ കാര്‍ഡ് ഉണ്ടായിരിക്കണം.
- കുറഞ്ഞ പ്രവേശന പ്രായം 8 വയസ് ആണ്.
- പരമാവധി പ്രവേശന പ്രായം 55 വയസാണ്.
- കുറഞ്ഞ അഷ്വേര്‍ഡ് തുക 75,000 രൂപയാണ്.
- പരമാവധി അഷ്വേര്‍ഡ് തുക 3,00,000 ആണ്.
- പോളിസി കാലാവധി 10 മുതല്‍ 20 വര്‍ഷം വരെയാണ്.
- പരമാവധി മെച്യൂരിറ്റി പ്രായം 70 വയസാണ്.
- പ്രീമിയം ഓപ്ഷനുകള്‍: വാര്‍ഷികം, അര്‍ദ്ധ വാര്‍ഷികം, ത്രൈമാസികം, പ്രതിമാസം.
കൂടുതല്‍ വിവരങ്ങള്‍ക്കു നിക്ഷേപത്തിന് മുമ്പ് ഒരു എല്‍ഐസി ഏജന്റുമായോ, ശാഖയുമായോ ബന്ധപ്പെടുക.
