കനേഡിയൻ(Canada) പ്രവിശ്യയായ ഒൻ്റാറിയോയിലെ ബ്രാംപ്ടണിൽ(Brampton) ഹിന്ദു ക്ഷേത്രത്തിന് നേരെ നടന്ന ആക്രമണത്തെ അപലപിച്ച് പ്രധാനമന്ത്രി നരേന്ദ്ര മോദി(PM Modi). ആ രാജ്യത്തെ ഇന്ത്യൻ നയതന്ത്രജ്ഞരെ ഭയപ്പെടുത്താനുള്ള “ഭീരുവായ ശ്രമങ്ങൾ” എന്നാണ് അദ്ദേഹം അക്രമത്തെ വിശേഷിപ്പിച്ചത്.
“കാനഡയിലെ ഹിന്ദു ക്ഷേത്രത്തിന് നേരെയുള്ള ആസൂത്രിത ആക്രമണത്തെ ഞാൻ ശക്തമായി അപലപിക്കുന്നു. നമ്മുടെ നയതന്ത്രജ്ഞരെ ഭീഷണിപ്പെടുത്താനുള്ള ഭീരുത്വം നിറഞ്ഞ ശ്രമങ്ങ
“തീവ്രവാദികളും വിഘടനവാദികളും നടത്തുന്ന അക്രമ പ്രവർത്തനങ്ങളെ ഇന്ത്യൻ സർക്കാർ അപലപിക്കുന്നു” എന്ന് വിദേശകാര്യ മന്ത്രാലയം പറഞ്ഞു മണിക്കൂറുകൾക്ക് ശേഷമാണ് ഈ പ്രസ്താവന വന്നത്. കൂടാതെ എല്ലാ ആരാധനാലയങ്ങളും മതിയായ രീതിയിൽ സംരക്ഷിക്കപ്പെടുന്നുവെന്ന് ഉറപ്പാക്കാൻ ജസ്റ്റിൻ ട്രൂഡോയുടെ നേതൃത്വത്തിലുള്ള കനേഡിയൻ സർക്കാരിനോട് വിദേശകാര്യ മന്ത്രാലയം ആവശ്യപ്പെട്ടിരുന്നു.
എല്ലാ ആരാധനാലയങ്ങളും ഇത്തരം ആക്രമണങ്ങളിൽ നിന്ന് സംരക്ഷിക്കപ്പെടുന്നുവെന്ന് ഉറപ്പാക്കാൻ ഞങ്ങൾ കാനഡ ഗവൺമെൻ്റിനോട് ആവശ്യപ്പെടുന്നു. അക്രമത്തിൽ ഏർപ്പെടുന്നവർക്കെതിരെ നടപടിയെടുക്കുമെന്നും ഞങ്ങൾ പ്രതീക്ഷിക്കുന്നു,” വിദേശകാര്യ മന്ത്രാലയം (എംഇഎ) വക്താവ് രൺദീർ ജയ്‌സ്വാൾ മാധ്യമങ്ങളോട് പറഞ്ഞു.
ആ രാജ്യത്തെ പൗരന്മാരുടെ സുരക്ഷയെ കുറിച്ച് “അഗാധമായ ഉത്കണ്ഠ” ഉണ്ടെന്നും ഇന്ത്യക്കാർക്ക് കോൺസുലാർ സേവനങ്ങൾ നൽകുന്ന നയതന്ത്ര ഉദ്യോഗസ്ഥരെ ഭീഷണിപ്പെടുത്തൽ, ഉപദ്രവിക്കൽ, അക്രമം എന്നിവ ഉണ്ടാകരുതെന്നും ജയ്‌സ്വാൾ ചൂണ്ടിക്കാട്ടി.
ബ്രാംപ്ടണിലെ ക്ഷേത്രത്തിൽ ഹിന്ദു ഭക്തർക്ക് നേരെ ഖലിസ്ഥാൻ വാദികളുടെ ആക്രമണം നടന്നതിന് പിന്നാലെ സംഭവത്തെ കനേഡിയൻ പ്രധാനമന്ത്രി ജസ്റ്റിൻ ട്രൂഡോ അപലപിച്ചു. രാജ്യത്ത് അക്രമ പ്രവർത്തനങ്ങൾ അംഗീകരിക്കാനാവില്ലെന്നും ട്രൂഡോ പറഞ്ഞു. ഞായറാഴ്ച, ഹിന്ദു സഭാ മന്ദിറിലെ ഒരു കൂട്ടം ഭക്തരെ ഖലിസ്ഥാനി അനുയായികൾ ആക്രമിക്കുന്നത് പ്രകോപനം സൃഷ്ടിച്ചു.
“ഇന്ന് ബ്രാംപ്ടണിലെ ഹിന്ദു സഭാ മന്ദിറിൽ നടക്കുന്ന അക്രമങ്ങൾ അംഗീകരിക്കാനാവില്ല. ഓരോ കാനഡക്കാരനും അവരുടെ വിശ്വാസം സ്വതന്ത്രമായും സുരക്ഷിതമായും ആചരിക്കാൻ അവകാശമുണ്ട്.” ട്രൂഡോ പറഞ്ഞു. സമൂഹത്തെ സംരക്ഷിക്കുന്നതിനും ഈ സംഭവം അന്വേഷിക്കുന്നതിനും വേഗത്തിൽ പ്രതികരിച്ചതിന് പോലീസിന് അദ്ദേഹം നന്ദി പറഞ്ഞു.
കനേഡിയൻ എംപിമാർ ഉൾപ്പെടെ ഓൺലൈനിൽ വ്യാപകമായി ഷെയർ ചെയ്ത സംഭവത്തിൻ്റെ വീഡിയോകൾ, ക്ഷേത്രത്തിന് പുറത്ത് ഒരു കൂട്ടം ആളുകൾ വടികൾ വീശി ഭക്തരെ ആക്രമിക്കുന്നത് കാണാം. ഖാലിസ്ഥാൻ അനുകൂല ഗ്രൂപ്പുകളുമായി ബന്ധമുള്ള കൊടികളുമായാണ് ആക്രമികൾ എത്തിയത്. സംഭവത്തിൽ കുട്ടികളും സ്ത്രീകളും ആക്രമിക്കപ്പെട്ടതായി സോഷ്യൽ മീഡിയയിൽ പ്രതികരിച്ച കമ്മ്യൂണിറ്റി സംഘടനയായ ഹിന്ദു കനേഡിയൻ ഫൗണ്ടേഷൻ പറഞ്ഞു.
ളും അത്രതന്നെ ഭയാനകമാണ്. ഇത്തരം അക്രമങ്ങൾ ഒരിക്കലും ഇന്ത്യയുടെ ദൃഢനിശ്ചയത്തെ ദുർബലപ്പെടുത്തുകയില്ല. കനേഡിയൻ സർക്കാർ നീതി ഉറപ്പാക്കുകയും നിയമവാഴ്ച ഉയർത്തിപ്പിടിക്കുകയും ചെയ്യുമെന്ന് ഞങ്ങൾ പ്രതീക്ഷിക്കുന്നു. ‘എക്‌സ് പോസ്റ്റിൽ പ്രധാനമന്ത്രി പറഞ്ഞു.
കാനഡയിൽ ഖാലിസ്ഥാൻ അനുകൂലികൾ ഇന്ത്യക്കാർക്കെതിരെ നടത്തുന്ന അക്രമങ്ങൾക്കെതിരെ പ്രധാനമന്ത്രി നരേന്ദ്ര മോദിയുടെ ആദ്യ ഔദ്യോഗിക പ്രസ്താവനയാണിത് .
