മേടം (അശ്വതി, ഭരണി, കാർത്തിക ¼)
ബിസിനസിൽ ഏർപ്പെട്ടിരിക്കുന്നവർക്ക് അത്ര ഗുണകരമായ ദിവസമായിരിക്കില്ല. എന്നാൽ പഴയ പദ്ധതികളിൽ നിന്ന് ലാഭം നേടാൻ സാധിച്ചേക്കും. വരുമാനം മെച്ചപ്പെടുന്നത് വഴി ദൈനംദിന ചെലവുകൾ എളുപ്പത്തിൽ നിറവേറ്റാൻ സാധിക്കും. ഏർപ്പെടുന്ന മേഖലകളിലെല്ലാം കാര്യക്ഷമമായി പ്രവർത്തിക്കാൻ സാധിക്കും. ജോലിസ്ഥലത്ത് നിങ്ങളുടെ യോഗ്യതയ്ക്ക് അനുസരിച്ച് കൂടുതൽ ഉത്തരവാദിത്തങ്ങൾ ലഭിക്കാനിടയുണ്ട്. മതപരമായ പരിപാടികളുടെ ഭാഗമാകും.
ഇടവം (കാർത്തിക ¾, രോഹിണി, മകയിരം ½)
ചില ആരോഗ്യ പ്രശ്നങ്ങൾ അനുഭവപ്പെടാൻ സാധ്യതയുണ്ട്. നിലവിലുള്ള ആരോഗ്യ പ്രശ്നങ്ങൾ അവഗണിക്കാതിരിക്കുക. ഇല്ലെങ്കിൽ ചിലപ്പോൾ ഇത് ഗുരുതര പ്രശ്നങ്ങളിലേക്ക് നയിച്ചേക്കാം. ജോലിയിൽ സമ്മർദ്ദം ഉണ്ടാകാനിടയുണ്ട്. ചെയ്തു തീർക്കേണ്ട ജോലികളുടെ ഒരു ലിസ്റ്റ് തയ്യാറാക്കി മുൻഗണനാ ക്രമത്തിൽ ഓരോന്നും ചെയ്യാൻ ശ്രമിക്കുന്നത് നന്നായിരിക്കും. നന്നായി മനസിലാക്കിയ ശേഷം മാത്രം പ്രധാന രേഖകളിൽ ഒപ്പുവെയ്ക്കുക. അപകട സാധ്യതയുള്ള പ്രവർത്തനങ്ങളിൽ നിന്ന് വിട്ടുനിൽക്കുക.
മിഥുനം (മകയിരം ½, തിരുവാതിര, പുണർതം ¾)
മിഥുനക്കൂറുകാർക്ക് ഇന്ന് സമ്മിശ്ര ഫലങ്ങൾ ഉണ്ടാകും. നിർമ്മാണ പ്രവർത്തനങ്ങളിൽ ഏർപ്പെട്ടിരിക്കുന്നവർ കൂടുതൽ ജാഗ്രത പുലർത്തേണ്ടതുണ്ട്. ബിസിനസിലെ നിങ്ങളുടെ പദ്ധതികൾ ശ്രദ്ധാപൂർവം നടപ്പിലാക്കുക. കുടുംബത്തിൽ ശുഭകരമായ എന്തെങ്കിലും നടക്കാനിടയുണ്ട്. നിങ്ങളുടെ ബഹുമാനം വർധിക്കുന്ന ദിവസമാണ്. നിങ്ങളുടെ ലക്ഷ്യത്തിൽ ശ്രദ്ധ കേന്ദ്രീകരിക്കുക. നേതൃപരമായ നിങ്ങളുടെ കഴിവുകൾ വികസിക്കും.
കർക്കടകം (പുണർതം ¼, പൂയം, ആയില്യം)
കർക്കടകക്കൂറുകാർക്ക് ഇന്ന് കഠിനാദ്ധ്വാനം കൂടുതൽ ആവശ്യമായ ദിവസമാണ്. ഇന്ന് ആരിൽ നിന്നും പണം കടം വാങ്ങുന്നത് ഒഴിവാക്കണം. സർക്കാർ ജോലിയിലുള്ളവർ മേലുദ്യോഗസ്ഥരുമായി പ്രശ്നങ്ങൾ ഉണ്ടാക്കുന്നത് ഒഴിവാക്കണം. ബിസിനസ് സംബന്ധമായ എന്ത് തീരുമാനവും ആലോചിച്ച് എടുക്കണം. സാമ്പത്തിക കാര്യങ്ങളിൽ പുറത്തുനിന്നുള്ളവരുടെ ഉപദേശം സ്വീകരിച്ചാൽ നഷ്ടമുണ്ടായേക്കാം. വിദ്യാർത്ഥികൾക്ക് അവരുടെ കഠിനാദ്ധ്വാനത്തിന്റെ ഫലം ലഭിക്കുന്നതാണ്. ഇന്ന് ചില വ്യക്തികളെ പരിചയപ്പെടുന്നത് നിങ്ങൾക്ക് ഭാവിയിൽ ഗുണം ചെയ്യും.
ചിങ്ങം (മകം, പൂരം, ഉത്രം ¼)
സന്തോഷകരമായ ദിവസമായിരിക്കും ഇത്. ചില പദ്ധതികൾ നിങ്ങൾക്ക് പൂർണ്ണ പ്രയോജനം നൽകും. ജോലിസ്ഥലത്ത് ആരെയും അന്ധമായി വിശ്വസിക്കരുത്. ദീർഘകാലമായി മുടങ്ങിക്കിടന്ന ചില ജോലികൾ ഇന്ന് പൂർത്തിയാക്കാൻ സാധിക്കും. നിങ്ങളുമായി ബന്ധപ്പെട്ട ആളുകളെയെല്ലാം ഒരുമിച്ച് കൊണ്ടുപോകുന്നതിൽ നിങ്ങൾ വിജയിക്കും. പങ്കാളിയിൽ നിന്ന് പൂർണ്ണ പിന്തുണ എല്ലാ കാര്യങ്ങളിലും ഉണ്ടാകുന്നത് വലിയ ആശ്വാസമാകും.
കന്നി (ഉത്രം ¾, അത്തം, ചിത്തിര ½)
സുഖ സൗകര്യങ്ങൾ മെച്ചപ്പെടുന്നതുവഴി ജീവിത നിലവാരം മെച്ചപ്പെടും. വാഹനം സ്വന്തമാക്കാൻ ശ്രമിക്കുന്നവരുടെ ആഗ്രഹം ഉടൻ സഫലമായേക്കും. ഇന്ന് ചില പ്രധാന ജോലികൾ ചെയ്തു തീർക്കാൻ തിടുക്കം കൂട്ടേണ്ടി വരും. കുടുംബത്തിലെ പ്രശ്നങ്ങൾ പുറത്തുള്ളവരുമായി ചർച്ച ചെയ്യുന്നത് ഒഴിവാക്കണം. സന്താനങ്ങളെ ഏല്പിക്കുന്ന ഉത്തരവാദിത്തങ്ങൾ അവർ ഭംഗിയായി നിർവഹിക്കും. വിദ്യാർഥികൾ നേരിടുന്ന പ്രശ്നങ്ങൾക്ക് പരിഹാരം കണ്ടെത്തും.
തുലാം (ചിത്തിര ½, ചോതി, വിശാഖം ¾)
ആത്മ ധൈര്യം വർധിക്കും. സമൂഹത്തിൽ നിങ്ങൾക്ക് വലിയ സ്ഥാനം ലഭിച്ചേക്കും. ചില സംവാദങ്ങളുടെ ഭാഗമാകാൻ അവസരം ലഭിക്കുന്നതാണ്. ചില സർക്കാർ ആനുകൂല്യങ്ങൾ നിങ്ങൾക്ക് ലഭിക്കുന്നതാണ്. ബന്ധുക്കളിൽ നിന്ന് ചില നല്ല വാർത്തകൾ ലഭിച്ചേക്കും. സ്വന്തം കാര്യത്തേക്കാൾ മറ്റുള്ളവരുടെ കാര്യത്തിൽ ശ്രദ്ധ നൽകുന്നത് ഒഴിവാക്കണം. ബിസിനസിൽ ആഗ്രഹിച്ച നേട്ടം കൈവരിക്കുന്നതുമൂലം നിങ്ങൾ സന്തുഷ്ടരായി കാണപ്പെടും.
വൃശ്ചികം (വിശാഖം ¼, അനിഴം, തൃക്കേട്ട)
വൃശ്ചികക്കൂറുകാർക്ക് ഇന്ന് സമ്മിശ്ര ഫലങ്ങളുടെ ദിവസമായിരിക്കും. ഒരു കുടുംബാംഗത്തിന്റെ വിവാഹം ഉറപ്പിക്കാനിടയുണ്ട്. അതുകൊണ്ട് തന്നെ കുടുംബാന്തരീക്ഷം വളരെ പ്രസന്നമായിരിക്കും. ബന്ധുസന്ദർശനവും ഉണ്ടാകും. ഇന്ന് നിങ്ങൾക്ക് ചില വിലപിടിപ്പുള്ള വസ്തുക്കൾ സമ്മാനമായി ലഭിച്ചേക്കാം. പാരമ്പര്യ മൂല്യങ്ങൾക്ക് കൂടുതൽ ഊന്നൽ നൽകുന്നതായി കാണപ്പെടും. ജോലികളിൽ കൂടുതൽ ആത്മവിശ്വാസം പ്രകടമാക്കും. സന്താനങ്ങളുടെ ആരോഗ്യവുമായി ബന്ധപ്പെട്ട് ആശങ്ക നിലനിൽക്കും.
ധനു (മൂലം, പൂരാടം, ഉത്രാടം ¼)
സൃഷ്ടിപരമായ ജോലികളിൽ കൂടുതൽ താല്പര്യം പ്രകടമാക്കും. കലാപരമായ കഴിവുകൾ മെച്ചപ്പെടും. ജോലിസ്ഥലത്തെ നിങ്ങളുടെ മികച്ച പ്രകടനത്തിൽ സഹപ്രവർത്തകർ പോലും ആശ്ചര്യപ്പെട്ടേക്കാം. മുതിർന്ന അംഗങ്ങളുടെ പ്രതീക്ഷയ്‌ക്കൊത്ത് ഉയരാൻ നിങ്ങൾക്ക് കഴിയും. പ്രിയപ്പെട്ടവർക്ക് നൽകിയ വാഗ്ദാനങ്ങൾ പാലിക്കാൻ നിങ്ങൾക്ക് കഴിയും. നിങ്ങളുടെ സംസാരത്തിലും പെരുമാറ്റത്തിലും സൗമ്യത നിലനിർത്താൻ സാധിക്കണം. പഴയ ചില ബിസിനസ് ഇടപാടുകളിൽ നിന്ന് ലാഭം ഉണ്ടാകും.
മകരം (ഉത്രാടം ¾, തിരുവോണം, അവിട്ടം ½)
മകരക്കൂറുകാർക്ക് ഒരു പ്രധാനപ്പെട്ട ദിവസമായിരിക്കും ഇന്ന്. ജീവകാരുണ്യ പ്രവർത്തനങ്ങളിൽ ഏർപ്പെടാനുള്ള താല്പര്യം വർധിക്കും. വർധിച്ചുവരുന്ന ചെലവുകൾ നിയന്ത്രിച്ചില്ലെങ്കിൽ വരും ദിവസങ്ങളിൽ സാമ്പത്തികമായി ബുദ്ധിമുട്ട് നേരിടാനിടയുണ്ട്. നിങ്ങളുടെ മുൻകാല തെറ്റുകളിൽ നിന്ന് പാഠം ഉൾക്കൊണ്ട് മുമ്പോട്ട് പോകേണ്ടതുണ്ട്. ജോലി അന്വേഷിക്കുന്നവർക്ക് ഇന്ന് നല്ല വാർത്തകൾ കേൾക്കാൻ സാധിക്കുന്നതാണ്. തിടുക്കത്തിൽ എടുക്കുന്ന തീരുമാനങ്ങൾ മൂലം പ്രശ്നങ്ങൾ ഉണ്ടാകാനിടയുണ്ട്.
കുംഭം (അവിട്ടം ½, ചതയം, പൂരുരുട്ടാതി ¾)
ബിസിനസ് ചെയ്യുന്നവർക്ക് ഇന്ന് നല്ല ദിവസമാണ്. സ്ഥിരം ജോലി കൂടാതെ, മറ്റു ചില വരുമാന സ്രോതസ്സുകളിൽ നിന്നും ധനവരവ് ഉണ്ടാകും. കുടുംബത്തിലെ പ്രശ്നങ്ങളിൽ അസ്വസ്ഥരായി കാണപ്പെടും. ആരോഗ്യ കാര്യത്തിൽ ജാഗ്രത വേണം. പ്രത്യേക സ്ഥാനങ്ങൾ വഹിക്കുന്ന ഉദ്യോഗസ്ഥർക്ക് നേട്ടമുണ്ടാകാനിടയുണ്ട്. സുഹൃത്തുക്കളുമായി പുറത്ത് പോകാൻ പ്ലാൻ ചെയ്തേക്കാം.
മീനം (പൂരുരുട്ടാതി ¼, ഉതൃട്ടാതി, രേവതി)
നിങ്ങളുടെ വരുമാനവും ചെലവും തമ്മിൽ സന്തുലിതാവസ്ഥ നിലനിർത്താൻ ശ്രദ്ധിക്കണം. ജോലിസ്ഥലത്ത് ചില തടസ്സങ്ങൾ നേരിടാനിടയുണ്ട്. മേലുദ്യോഗസ്ഥരുടെ സഹായത്തോടെ തൊഴിൽ രംഗത്തെ പ്രശ്നങ്ങൾ മറികടക്കാൻ നിങ്ങൾക്ക് കഴിയും. അപരിചിതരായ ആളുകളുമായി ഇടപെടുമ്പോൾ കൂടുതൽ ശ്രദ്ധിക്കേണ്ടതുണ്ട്. മാതൃഭാഗത്തു നിന്ന് ധനനേട്ടത്തിന് സാധ്യതയുണ്ട്. മുമ്പ് ആർക്കെങ്കിലും പണം കടം നൽകിയിട്ടുണ്ടെങ്കിൽ അത് തിരികെ ലഭിക്കാനിടയുണ്ട്.
