ഗുജറാത്ത്: അഹമ്മദാബാദിൽ നിന്നുള്ള ഈ 6 വയസ്സുള്ള കുട്ടി, അർഹാം ഓം ടൽസാനിയ ലോകത്തിലെ ഏറ്റവും പ്രായം കുറഞ്ഞ കമ്പ്യൂട്ടർ പ്രോഗ്രാമർ എന്ന നിലയിൽ ഗിന്നസ് റെക്കോർഡിൽ പ്രവേശിച്ച് ഇന്ത്യയുടെ അഭിമാനമായി.
പൈത്തൺ പ്രോഗ്രാമിംഗ് ഭാഷ പഠിച്ച് , പിയേഴ്സൺ വ്യൂ ടെസ്റ്റ് സെന്ററിലെ മൈക്രോസോഫ്റ്റ് സർട്ടിഫിക്കേഷൻ പരീക്ഷ അർഹാം ഓം തൽസാനിയ ക്ലിയർ ചെയ്താണ് ഈ റെക്കോർഡ് നേടിയയത് .
“എന്റെ പിതാവ് എന്നെ കോഡിംഗ് പഠിപ്പിച്ചു. എനിക്ക് 2 വയസ്സുള്ളപ്പോൾ ഞാൻ ടാബ്‌ലെറ്റുകൾ ഉപയോഗിക്കാൻ തുടങ്ങി. 3 വയസ്സുള്ളപ്പോൾ ഗാഡ്‌ജെറ്റുകൾ വാങ്ങി ഐഒഎസും, വിൻഡോസും ഉപയോഗിച്ച് പഠിച്ചു . എന്റെ പിതാവിന് പൈത്തണിൽ പ്രൊഫഷണൽ ആയി ജോലി ചെയ്തിരുന്നു എന്ന് ടൽസാനിയ പറയുന്നു.
അങ്ങനെ എനിക്ക് പൈത്തണിൽ നിന്ന് സർട്ടിഫിക്കറ്റ് ലഭിച്ചു. അങ്ങനെ എന്നിൽ താല്പര്യം വളർന്നു, ഞാൻ ചെറിയ ഗെയിമുകൾ സൃഷ്ടിച്ചു. ഇതിന്റെ അടിസ്ഥാനത്തിൽ ഇൻസ്റ്റിറ്റ്യൂട്ട് എന്നോട് ഗെയിമുകളുടെ
ചില തെളിവുകൾ അയയ്ക്കാൻ ആവശ്യപ്പെട്ടു. കുറച്ച് മാസങ്ങൾക്ക് ശേഷം അവർ എനിക്ക് അംഗീകാരം തന്നു. അങ്ങനെ എനിക്ക് ഗിന്നസ് റെക്കോർഡ് സർട്ടിഫിക്കറ്റ് നേടാൻ കഴിഞ്ഞു.” ടൽസാനിയ പറഞ്ഞു.
ഭാവിയിൽ എന്താകാനാണ് ആഗ്രഹം എന്ന ചോദ്യത്തിന്റെ മറുപടി ഇങ്ങനെ – “എനിക്ക് ഒരു ബിസിനസ്സ് സംരംഭകനാകാനും, എല്ലാവരേയും സഹായിക്കാനും ഞാൻ ആഗ്രഹിക്കുന്നു. കോഡിംഗിനായി അപ്ലിക്കേഷനുകൾ, ഗെയിമുകൾ, സിസ്റ്റങ്ങൾ എന്നിവ നിർമ്മിക്കാൻ ഞാൻ ഇഷ്ടപ്പെടുന്നു. ഇതിനായി ആവശ്യക്കാരെ സഹായിക്കാനും ഞാൻ ആഗ്രഹിക്കുന്നു, കൂടാതെ മറ്റുള്ളവരിൽ നിന്ന് നാം ഒന്നും കോപ്പിയടിക്കരുത്, മറിച്ച് എല്ലാം നമ്മുടെ സ്വന്തമായി സൃഷ്ടിക്കണം. “അവൻ പറഞ്ഞു.
തന്റെ മകൻ കോഡിംഗിൽ താൽപര്യം വളർത്തിയതായും, പ്രോഗ്രാമിംഗിന്റെ അടിസ്ഥാനകാര്യങ്ങൾ അവനെ പഠിപ്പിച്ചതായും സോഫ്റ്റ്വെയർ എഞ്ചിനീയറായ അർഹാം തൽസാനിയയുടെ പിതാവ് ഓം തൽസാനിയ പറഞ്ഞു. അവൻ വളരെ ചെറുപ്പത്തിൽ തന്നെ ഗാഡ്‌ജെറ്റുകളിൽ വളരെയധികം താല്പര്യം പ്രകടിപ്പിച്ചിരുന്നു. ടാബ്‌ലെറ്റിൽ ഗെയിമുകൾ കളിക്കാനും, പസിലുകൾ പരിഹരിക്കാനും തല്പരനായിരുന്നു. വീഡിയോ ഗെയിമുകൾ കളിക്കാൻ താൽപര്യം കാണിച്ചപ്പോൾ അവനോട് അത് സ്വന്തം സൃഷ്ടിക്കാൻ പ്രോത്സാഹിപ്പിച്ചു . അങ്ങനെ കോഡിങ് പഠിച്ചെടുത്തു. പ്രോഗ്രാമിംഗിന്റെ അടിസ്ഥാനകാര്യങ്ങൾ ഞാൻ അവനെ പഠിപ്പിച്ചു. അങ്ങനെ അവൻ സ്വന്തമായി ചെറിയ ഗെയിമുകൾ സൃഷ്ടിക്കാൻ തുടങ്ങി. മൈക്രോസോഫ്റ്റ് ടെക്നോളജി അസോസിയേറ്റിൽ നിന്നും അവന് അംഗീകാരം ലഭിച്ചിരുന്നു. അങ്ങനെ ഞങ്ങൾ ഗിന്നസ് ബുക്ക് വേൾഡ് റെക്കോർഡിനും അപേക്ഷിച്ചു, ”അദ്ദേഹം കൂട്ടിച്ചേർത്തു.
