ശ്രീനഗർ: ജമ്മു കശ്മീരിലെ ബാരാമുള്ള ജില്ലയിൽ നേരിയ ഭൂചലനം. തിങ്കളാഴ്ച പുലർച്ചെ രണ്ടിനാണ് റിക്റ്റർ സ്കെയിലിൽ 3.6 തീവ്രത രേഖപ്പെടുത്തിയ ഭൂചലനം ഉണ്ടായത്. ആളപായമോ മറ്റു നാശനഷ്ടങ്ങളോ റിപ്പോർട്ട് ചെയ്തിട്ടില്ല.
10 കിലോമീറ്റർ താഴ്ചയിൽ നിന്നാണ് ഭൂചലനത്തിന്റെ പ്രഭവകേന്ദ്രമെന്ന് നാഷണൽ സെന്റർ ഓഫ് സീസ്മോളജി അറിയിച്ചു. ഈവർഷം ഫെബ്രുവരിയിലും ബാരാമുള്ള ജില്ലയിൽ ഭൂചലനം ഉണ്ടായിരുന്നു. റിക്റ്റർ സ്കെയിലിൽ 4.6 തീവ്രതയാണ് രേഖപ്പെടുത്തിയത്. പട്ടാൻ മേഖലയായിരുന്നു പ്രഭവകേന്ദ്രം.
