ഈ മാജിക്കല് അന്ത്യം കാണാനും, കടക്കാനും പോക്കറ്റ് കീറും. സമ്പന്നര്ക്കു പോലും അസാധ്യം. ഭൂമിയുടെ അന്ത്യവും, ബഹിരാകാശത്തിന്റെ തുടക്കവും കുറിക്കുന്ന അതിര്ത്തിയെ പറ്റി അറിയുമോ?
വര്ഷങ്ങള്ക്കു മുമ്പ് ഭൂമി ഉരുണ്ടതാണെന്ന് ഉള്ക്കൊള്ളാന് ആളുകള്ക്ക് വലിയ ബുദ്ധിമുട്ടായിരുന്നു. ഉരണ്ട ഒരു വസ്തുവിന് അന്ത്യമോ എന്നതാകും ഇപ്പോള് നിങ്ങളുടെ സംശയം. നമ്മുടെ തലയ്ക്ക് മുകളിലുള്ള അനന്തമായ നീലാകാശത്തിന് പരിഖിയില്ലെന്ന് ചിന്തിക്കുന്നവരുണ്ടാകാം. എന്നാല് ഈ പറയുന്ന ആകാശത്തിന് ഒരു അവസാനം ഉണ്ടെന്ന് നിങ്ങള് മനസിലാക്കേണ്ടതുണ്ട്. ആകാശത്തിനും, ബഹിരാകാശത്തിനും തമ്മിലുള്ള ഈ ബൗണ്ടറിയെ ആണ് ലോകത്തിന്റെ അല്ലെങ്കില് ഭൂമിയുടെ അവസാനം എന്നതുകൊണ്ട് അര്ത്ഥമാക്കുന്നത്.
ഭൂമിയുടെ അവസാനം
ഒറ്റനോട്ടത്തില് ആകാശത്തിനും, ബഹിരാകാശത്തിനും കൃത്യമായ വേര്തിരിവ് ഇല്ലെന്നു പറയേണ്ടി വരും. എന്നാല് ഉയരം കൂടുന്തോറും ആകാശ നീല ഒരു കറുപ്പായി പരിണമിക്കുന്നു. ഭൂമിയുടെ ആകാശം ശൂന്യാകാശയവുമായി ലഭിക്കുന്നതാണ് ഈ നിറമാറ്റത്തിനു പിന്നിലെ കാരണം. ഇതിനെ ശാസ്ത്രലോകും ഒരു മാജിക്കല് അതിര്ത്തിയായി കാണുന്നു. ശാസ്ത്രജ്ഞര് ‘കാര്മന് രേഖ’ എന്നറിയപ്പെടുന്ന ഒരു നിശ്ചിത ഉയരം ഇതിനായി നിര്വചിച്ചിരിക്കുന്നു. ഭൂമിയുടെ അന്തരീക്ഷത്തില് നിന്നും ബഹിരാകാശത്തേയ്ക്കുള്ള ഈ വേര്തിരിവ് മറ്റൊരു തരത്തില് പറഞ്ഞാല് ഭൂമിയുടെ അവസാനം കൂടിയാണ്.
മാന്ത്രിക അതിര്ത്തി
വിദഗ്ധരുടെ റിപ്പോര്ട്ടുകളും, വിലയിരുത്തലുകളും അനുസരിച്ച് കാര്മന് ലൈന് ഭൂമിയുടെ അന്തരീക്ഷത്തെയും, ബഹിരാകാശത്തെയും വേര്തിരിക്കുന്ന അതിര്ത്തിയാണ്. ഇത് ബഹിരാകാശത്തിന്റെ ഔപചാരിക അതിര്ത്തിയായി കണക്കാക്കപ്പെടുന്നു. സമുദ്രനിരപ്പില് നിന്ന് ഏകദേശം 100 കിലോമീറ്റര് (62 മൈല്) ഉയരത്തിലാണെന്ന് ഈ അതിര്ത്തിയെന്നു റിപ്പോര്ട്ടുകള് സൂചിപ്പിക്കുന്നു. ഈ രേഖയ്ക്ക് മുകളില് വായുവിന് സാന്ദ്രത വളരെ കുറവാണ്. അതായത് ഈ ഉയരത്തിന് മുകളില് ഭൂമിയുടെ അന്തരീക്ഷത്തിന്റെ സ്വാധീനം ഏതാണ്ട് ഇല്ലെന്നു തന്നെ പറയാം.
ഈ അതിര്ത്തി ശരിക്കും എവിടെ?
പ്രശസ്ത ഹംഗേറിയന് എന്ജിനീയറും, ശാസ്ത്രജ്ഞനുമായ തിയോഡോര് വോണ് കാര്മാന് ആണ് ഈ വേര്തിരിവ് ആദ്യമായി നിര്വചിച്ചത്. അതിനാലാണ് ഈ മാജിക്കല് അതിര്ത്തി കാര്മാന് ലൈന് എന്നറിയപ്പെടുന്നത്. 1950-കളിലായിരുന്നു ഈ അതിര്ത്തിയെ പറ്റി തിരിച്ചറിഞ്ഞത്. ഭൂമിയില് നിന്ന് ഏകദേശം 100 കിലോമീറ്റര് ഉയരത്തില് വായുവിന് ലിഫ്റ്റ് ഉല്പ്പാദിപ്പിക്കാന് ആവശ്യമായ സാന്ദ്രതയില്ലെന്ന് അദ്ദേഹം മനസിലാക്കി. പിന്നീട് ബഹിരാകാശത്തിന്റെ ആരംഭം നിര്വചിക്കാന് ശാസ്ത്ര സമൂഹം തെരഞ്ഞെടുത്ത സ്റ്റാന്ഡേര്ഡ് അതിര്ത്തിയായി ഇതു മാറുകയായിരുന്നു.
ഭിന്നത നിലനില്ക്കുന്നു
കാര്മാന്റെയും, അദ്ദേഹത്തിന്റെ പിന്ഗാമികളുടെയും അഭിപ്രായത്തില് ഈ മേഖല സമുദ്ര നിരപ്പില് നിന്ന് ഏകദേശം 100 കിലോമീറ്റര് മുകളിലാണ്. എന്നാല് എല്ലാവര്ക്കും ഈ അഭിപ്രായമല്ല ഉള്ളത്. ഭൂമിയില് നിന്ന് 80 കിലോമീറ്റര് (50 മൈല്) ഉയരത്തില് സഞ്ചരിക്കുന്ന ഏതൊരു വ്യക്തിയും ഒരു ബഹിരാകാശയാത്രികനാണെന്ന് യുഎസ് വ്യോമസേന പറയുന്നു. അതേസമയം നാസയും, ലോകമെമ്പാടുമുള്ള മറ്റ് നിരവധി സംഘടനകളും ഈ അതിര്ത്തി 100 കിലോമീറ്റര് (62 മൈല്) മുകളില് ആണെന്നു പറയുന്നു.
ഇവിടെ വായുവിന് സാന്ദ്രത കുറവാണെന്നു പറഞ്ഞു കഴിഞ്ഞല്ലോ? ഇതിനു കാരണം ഗുരുത്വാകര്ഷണം ദുര്ബലമാകുന്നതാണ്. ഇവിടെ താപനില വ്യാപകമായി വ്യത്യാസപ്പെടും. ഏതൊരു വ്യക്തിക്കും ഈ അന്തരീക്ഷവുമായി എളുപ്പത്തില് പൊരുത്തപ്പെടാന് കഴിയില്ല. അതിനാലാണ് ബഹിരാകാശ യാത്രികരെല്ലാം കഠിനമായ പരിശീലനം നേടുന്നത്. ഈ ഉയരത്തില് വസ്തുക്കള് പൂജ്യം ഗുരുത്വാകര്ഷണം നേരിടുന്നു. ഈ മൈക്രോഗ്രാവിറ്റി ആണ് മനുഷ്യര് അടക്കം പറന്നുനടക്കാന് കാരണം.
പോകറ്റ് കീറുന്ന അതിര്ത്തി
