തൃശൂരിലെ കരുവന്നൂർ സഹകരണ ബാങ്കിൽ നടന്നത് അഴിമതിയാണ് എന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ മാസ്റ്റർ.
സിപിഎം തൃശൂർ ജില്ലാ സമ്മേളനത്തിൽ സംഘടനാ റിപ്പോർട്ടിന്മേലുള്ള ചർച്ചയിൽ മറുപടി പറയുമ്പോഴാണ് സംസ്ഥാന സെക്രട്ടറി ഇക്കാര്യം വ്യക്തമാക്കിയത്.
അഴിമതി നടത്തിയവരെ പാർട്ടി സംരക്ഷിച്ചില്ലെന്നും നടപടി ഉണ്ടായെന്നും സംസ്ഥാന സെക്രട്ടറി കൂട്ടിച്ചേർത്തു
സഹകരണ മേഖലയിലെ തെറ്റായ പ്രവണതകൾ വച്ചു പൊറുപ്പിക്കില്ലെന്നും അഴിമതി ആരു ചെയ്താലും നടപടി ഉണ്ടാകുമെന്നും അദ്ദേഹം പറഞ്ഞു.
എന്നാൽ ഇല്ലാത്ത അഴിമതിയുടെ പേരിലുള്ള കേന്ദ്ര ഏജൻസികളുടെ വേട്ടയാടലിനെ പാർട്ടി പ്രതിരോധിക്കുമെന്നും എം.വി ഗോവിന്ദൻ വ്യക്തമാക്കി.
ലോക്സഭാ തിരഞ്ഞെടുപ്പ് പ്രചാരണവേളയിൽ സിപിഎം ഏറ്റവും പ്രതിരോധത്തിലായി സംഭവമായിരുന്നു കരുവന്നൂർ ബാങ്കിലെ തട്ടിപ്പും തുടർന്നുണ്ടായ ഇഡി റെയ്ഡും മറ്റും.
