ധാരാളം ആരോഗ്യ ഗുണങ്ങളുള്ള വളരെയധികം പേർ ഉപയോഗിക്കുന്ന പ്രഭാത ഭക്ഷണങ്ങളിൽ പ്രധാനിയാണ് ഓട്സ്. എളുപ്പത്തിൽ ദഹിക്കാനും അതുപോലെ ദീർഘനേരം വയർ നിറച്ച് വയ്ക്കാനും ഓട്സിന് കഴിയാറുണ്ട്. അതുപോലെ ചർമ്മത്തിനും ഓട്സ് വളരെ മികച്ചതാണ്. ഇതിൽ അടങ്ങിയിരിക്കുന്ന വൈറ്റമിൻ ഇ ചർമ്മത്തിലെ വീക്കവും അതുപോലെ ഉള്ള മറ്റ് പ്രശ്നങ്ങളും കുറയ്ക്കാൻ വളരെയധികം സഹായിക്കാറുണ്ട്. വൈറ്റമിൻ ഇ എന്ന ആൻ്റി ഓക്സിഡൻ്റ് ചർമ്മത്തിന് ആവശ്യത്തിന് ജലാംശം നൽകാനും മോയ്ചറൈസ് ചെയ്ത് വയ്ക്കാനും സഹായിക്കുന്നു. ചർമ്മത്തിൻ്റെ ഭംഗിയായി ഓട്സ് എങ്ങനയൊക്കെ ഉപയോഗിക്കാമെന്ന് നോക്കാം.
കുളിക്കാൻ ഉപയോഗിക്കാം
കേൾക്കുമ്പോൾ അത്ഭുതം തോന്നുമെങ്കിലും കുളിക്കാൻ ഓട്സ് ഉപയോഗിക്കുന്നത് വളരെ നല്ലതാണ്. കുളിക്കാൻ ഉപയോഗിക്കുന്ന വെള്ളത്തിൽ അൽപ്പം ഓട്സും ബേക്കിംഗ് സോഡയും ചേർത്ത് നന്നായി യോജിപ്പിക്കുക. ഇനി ഈ മിശ്രിതം ഒഴിച്ച ബാത്ത് ടബിൽ 15 മിനിറ്റ് കിടക്കുന്നത് ചർമ്മത്തെ മോയ്ചറൈസ് ചെയ്യാൻ ഏറെ സഹായിക്കും. കുളിക്കുന്ന വെള്ളത്തിൽ ഓട് മിൽക്കും ജമന്തി ചേർക്കുന്നതും ഇതേ ഗുണം നൽകും.
എക്സ്ഫോളിയേറ്റർ
ചർമ്മത്തിലെ മൃതകോശങ്ങളെ പുറന്തള്ളാൻ വളരെ എളുപ്പമാണ് ഓട്സ് ഉപയോഗിച്ച്. നല്ലൊരു എക്സ്ഫോളിയേറ്ററായി ഓട്സ് പ്രവർത്തിക്കും. ഇതിനായി ഓട്സിൽ അൽപ്പം തേനും വെള്ളവും ചേർത്ത് യോജിപ്പിക്കുക. ഇനി ഇത് മുഖത്ത് പതുക്ക് സ്ക്രബ് ചെയ്യുക. 5 മുതൽ 10 മിനിറ്റ് സ്ക്രബ് ചെയ്യാവുന്നതാണ്. അതിന് ശേഷം ചെറു ചൂട് വെള്ളത്തിൽ മുഖം കഴുകി വ്യത്തിയാക്കാം. നല്ലൊരു മോയ്ചറൈസറായി ഇത് പ്രവർത്തിക്കുന്നു.
എണ്ണമയമുള്ള ചർമ്മത്തിന്
ചിലർ നേരിടുന്ന പ്രധാന പ്രശ്നങ്ങളിലൊന്നാണ് എണ്ണമയമുള്ള ചർമ്മം. എന്തൊക്കെ ചെയ്തിട്ടും ചർമ്മത്തിൽ അമിതമായി എണ്ണയുണ്ടാകുന്നത് പലരെയും അലട്ടാറുണ്ട്. ഇത് മാറ്റാൻ ഓട്സ് ഉപയോഗിക്കാവുന്നതാണ്. മൂന്നിലൊന്ന് ഗ്ലാസ് വെള്ളം തിളപ്പിച്ച് അതിലേക്ക് അര കപ്പ് ഓട്സ് ചേർക്കുക. ഇനി ഈ പേസ്റ്റ് മുഖത്തിടാവുന്നത്. 20 മിനിറ്റ് കഴിഞ്ഞ് കഴുകി കളയാം.
എണ്ണമയമുള്ള ചർമ്മത്തിന്
ചിലർ നേരിടുന്ന പ്രധാന പ്രശ്നങ്ങളിലൊന്നാണ് എണ്ണമയമുള്ള ചർമ്മം. എന്തൊക്കെ ചെയ്തിട്ടും ചർമ്മത്തിൽ അമിതമായി എണ്ണയുണ്ടാകുന്നത് പലരെയും അലട്ടാറുണ്ട്. ഇത് മാറ്റാൻ ഓട്സ് ഉപയോഗിക്കാവുന്നതാണ്. മൂന്നിലൊന്ന് ഗ്ലാസ് വെള്ളം തിളപ്പിച്ച് അതിലേക്ക് അര കപ്പ് ഓട്സ് ചേർക്കുക. ഇനി ഈ പേസ്റ്റ് മുഖത്തിടാവുന്നത്. 20 മിനിറ്റ് കഴിഞ്ഞ് കഴുകി കളയാം.
