പാലായിൽ കൈക്കൂലി വാങ്ങുന്നതിനിടെ ഇലക്ട്രിക്കൽ ഇൻസ്പെക്ടർ വിജിലൻസ് പിടിയിൽ. ഡെപ്യൂട്ടി ഇലക്ട്രിക്കൽ ഇൻസ്പെക്ടറേറ്റിലെ ഇലക്ട്രിക്കൽ ഇൻസ്പെക്ടർ കൊല്ലം സ്വദേശി എസ്എൽ സുമേഷ് ആണ് പിടിയിലായത്.
7,000 രൂപ കൈക്കൂലി വാങ്ങുന്നതിനിടെയാണ് ഉദ്യോഗസ്ഥനെ പിടികൂടിയത്.കോട്ടയത്തെ സ്കൂളിൻ്റെ ഇൻസ്പെക്ഷൻ തയ്യാറാക്കുന്നതിനായി 10,000 രൂപ കൈക്കൂലി ആവശ്യപ്പെടുകയായിരുന്നു.
ഇന്ന് പാലായിലെ മറ്റൊരു പോളിടെക്നിക്കിൽ ഉദ്യോഗസ്ഥൻ എത്തിയ സമയം പരാതിക്കാരൻ കൈക്കൂലിയുമായി എത്തുകയായിരുന്നു.തുടർന്ന്, വിജിലൻസ് എസ്പി വി ജി വിനോദ് കുമാറിൻ്റെ നേതൃത്വത്തിലുള്ള സംഘം പ്രതിയെ പിടികൂടുകയായിരുന്നു.
