സോഷ്യൽ മീഡിയയിൽ മിയ പങ്കുവെച്ചൊരു വീഡിയോ വൈറലാവുകയാണ്. സയോണിസ്റ്റ് വനിത തന്നെ പിന്തുടർന്ന് അപവാദങ്ങൾ പറയുന്നുവെന്ന് മിയ കുറിച്ചു. അതിന്റെ വീഡിയോയും മിയ പങ്കുവച്ചിട്ടുണ്ട്. സ്ത്രീയ്ക്കൊപ്പം നിൽക്കുന്ന യുവാവിനോട്, നിങ്ങൾക്ക് അമ്മയെക്കുറിച്ചോർത്ത് അഭിമാനം തോന്നുന്നുവോ എന്നും മിയ ചോദിക്കുന്നു. ഞാൻ ഇസ്രയേലുകാരി എന്നവർ ഹീബ്രുഭാഷയിൽ മിയയോട് പറയുന്നുണ്ട്.
വീഡിയോ വൈറലായതിന് പിന്നാലെ മിയയെ അനുകൂലിച്ചും വിമർശിച്ചും ആളുകൾ കമന്റുമായെത്തി. മിയ സ്വീകരിച്ച നിലപാടിനോടുള്ള അഭിപ്രായ വ്യത്യാസമായിരിക്കാം അവർ പ്രകടിപ്പിച്ചതെന്നും എന്നാൽ പിന്തുടർന്ന് ഓരോന്ന് വിളിച്ചു പറയുന്ന രീതി നല്ലതല്ലെന്ന് ചിലർ കുറിച്ചു. മിയയുടെ പരാമർശങ്ങൾ പൂർണമായും ഇസ്രയേൽ വിരുദ്ധമാണെന്നും അഭിമാനമുള്ള സത്രീ എന്ന നിലയിൽ അവർ പ്രതിഷേധിച്ചതാണെന്നും മറ്റുചിലർ അഭിപ്രായപ്പെട്ടു.
സയണിസ്റ്റുകൾക്ക് സ്ഥലകാല ബോധം നഷ്ടപ്പെട്ടിരിക്കുന്നുവെന്നും തന്നെ ചീത്ത വിളിച്ച് ലോബിയിലൂടെ പിന്തുടർന്നുവെന്നും മിയ ഖലീഫ എക്‌സിൽ വീഡിയോ പങ്കുവെച്ച് കുറിച്ചു. അതേസമയം പലസ്തീനിലെ സാഹചര്യം മനസിലാക്കാൻ കഴിഞ്ഞില്ലെങ്കിൽ നിങ്ങൾ വംശീയതയുടെ തെറ്റായ വശത്താണ്. അത് കാലക്രമേണ ചരിത്രം തെളിയിക്കുമെന്നും ആണ് മിയ ഇസ്രയേലിനെ വിമർശിച്ച് നേരത്തെ എക്‌സിൽ കുറിച്ചിരുന്നത്.
പലസ്തീനിലെ നിലവിലെ സാഹചര്യം മനസിലാക്കിയാൽ അവരുടെ പക്ഷത്ത് നിൽക്കാതിരിക്കാൻ കഴിയില്ല എന്നായിരുന്നു മിയ എക്‌സിൽ കുറിച്ചത്. പലസ്തീനിലെ സാഹചര്യം മനസിലാക്കാൻ കഴിഞ്ഞില്ലെങ്കിൽ നിങ്ങൾ വംശീയതയുടെ ആ തെറ്റായ വശത്താണ്. അത് കാലക്രമേണ ചരിത്രം തെളിയിക്കുമെന്നും മിയ കുറിച്ചു. ഇതിന് പിന്നാലെ സോഷ്യൽ മീഡിയയിൽ മിയയ്‌ക്കെതിരെ പ്രതിഷേധം ഉയരുകയായിരുന്നു.
