ഗാസയില്‍ വ്യോമാക്രമണത്തിനൊപ്പം കരയിലൂടെയും ആക്രമണം നടത്താനുള്ള ഒരുക്കത്തിലാണ് ഇസ്രായേല്‍. തെക്കന്‍ ഇസ്രായേലില്‍ സൈനികരെ വ്യാപകമായി അണിനിരത്തുന്നുണ്ട്. കനത്ത സൈനിക സജ്ജീകരണങ്ങള്‍ക്കൊപ്പം കൂടുതല്‍ കരുതല്‍ സേനാംഗങ്ങളെയും വിളിച്ചിട്ടുണ്ട്. ശനിയാഴ്ച ഹമാസ് തുടക്കമിട്ട അപ്രതീക്ഷിത ആക്രമണത്തിന് ശേഷം ഇസ്രായേലില്‍ കുറഞ്ഞത് 1,200 പേരും ഗാസയില്‍ 900 പലസ്തീനുകളും കൊല്ലപ്പെട്ടെന്നാണ് കണക്ക്.
ഇസ്രായേല്‍- പലസ്തീന് യുദ്ധം
1. പലസ്തീന് സംഘം ആക്രമണം ആരംഭിച്ചതിന് ശേഷം ഗാസ അതിര്‍ത്തി പ്രദേശങ്ങള്‍ ഹമാസ് ഭീകരരില്‍ നിന്ന് തിരിച്ചുപിടിച്ചതായി ഇസ്രായേല്‍ പ്രഖ്യാപിച്ചു. മേഖലയിലെ പല പ്രദേശങ്ങളുടെയും റോഡുകളുടെയും നിയന്ത്രണം ഇസ്രായേല്‍ സൈന്യം ഏറ്റെടുത്തു.
2. അമേരിക്കയില്‍ നിന്നുള്ള ‘നൂതന’ വെടിക്കോപ്പുകളുമായി ആദ്യ വിമാനം ഇസ്രായേലിന്റെ നെവാറ്റിം എയര്‍ബേസില്‍ ഇറങ്ങിയതായി ഇസ്രായേല്‍ പ്രതിരോധ സേന സ്ഥിരീകരിച്ചു. ഇസ്രയേലിന് ശക്തമായ പിന്തുണ നല്‍കുമെന്ന് യുഎസ് ഗവണ്‍മെന്റ് നേരത്തെ വാഗ്ദാനം ചെയ്തിരുന്നു.
3. നേരത്തെ യുഎസ് പ്രസിഡന്റ് ജോ ബൈഡന്‍ ഇസ്രായേലിന് പിന്തുണ വാഗ്ദാനം ചെയ്തിരുന്നു. ഈ സാഹചര്യം മുതലെടുക്കാന്‍ ആഗ്രഹിക്കുന്നവര്‍ക്ക് ബൈഡന്‍ മുന്നറിയിപ്പ് നല്‍കുകയും ചെയ്തു. ഹമാസ് ആക്രമണത്തെ ‘തികച്ചും തിന്മയുടെ പ്രവൃത്തി’ എന്നാണ് ബൈഡന്‍ വിശേഷിപ്പിച്ചത്. ‘ഏത് രാജ്യത്തോടും, ഏത് സംഘടനയോടും, സാഹചര്യം മുതലെടുക്കാന്‍ ചിന്തിക്കുന്നവരോടും ഞാന്‍ വീണ്ടും പറയട്ടെ, എനിക്ക് ഒരു വാക്ക് ഉണ്ട്: ചെയ്യരുത്,” യുഎസ് പ്രസിഡന്റ് പറഞ്ഞു.
4. ഗോലാന്‍ ഹൈറ്റ്‌സ് മേഖലയില്‍ റോക്കറ്റുകള്‍ തൊടുത്തുവിട്ടതിന് പിന്നാലെ ഇസ്രായേല്‍ സൈന്യം സിറിയയിലും ഷെല്ലാക്രമണം നടത്തി. ‘ഇസ്രായേലിനെ ലക്ഷ്യമിട്ട് സിറിയയില്‍ നിന്ന് നിരവധി ആക്രമണങ്ങളുണ്ടായി. വിക്ഷേപണങ്ങളുടെ ഒരു ഭാഗം ഇസ്രായേല്‍ പ്രദേശത്തേക്ക് കടന്ന് തുറസ്സായ പ്രദേശങ്ങളില്‍ പതിച്ചിരിക്കാമെന്ന് ഇസ്രായേല്‍ സൈന്യം പറഞ്ഞു.
റോക്കറ്റ് ആക്രമണത്തില്‍ ഏതെങ്കിലും ഗ്രൂപ്പിനെ സൈന്യം കുറ്റപ്പെടുത്തിയിട്ടില്ല. എന്നാല്‍, സിറിയന്‍ പ്രദേശത്ത് നിന്ന് പലസ്തീന് വിഭാഗമാണ് റോക്കറ്റ് ആക്രമണം നടത്തിയതെന്ന് സിറിയന്‍ ഒബ്‌സര്‍വേറ്ററി ഫോര്‍ ഹ്യൂമന്‍ റൈറ്റ്‌സ് വ്യക്തമാക്കി. നേരത്തെ സിറിയയില്‍ നിന്ന് വടക്കന്‍ ഇസ്രായേലില്‍ നടന്ന ആക്രമണത്തിന്റെ ഉത്തരവാദിത്തം ഹിസ്ബുള്ള ഏറ്റെടുത്തിരുന്നു.
5. ഐക്യദാര്‍ഢ്യത്തിന്റെയും പിന്തുണയുടെയും പ്രകടനമായി യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെന്‍ വ്യാഴാഴ്ച ഇസ്രായേല്‍ സന്ദര്‍ശിക്കും. ബ്ലിങ്കെന്‍ ഉന്നത ഇസ്രായേലി ഉദ്യോഗസ്ഥരുമായി കൂടിക്കാഴ്ച നടത്തുമെന്നാണ് വൈറ്റ് ഹൗസ് ഉദ്യോഗസ്ഥര്‍ പറയുന്നത്. അദ്ദേഹം ഇസ്രായേല്‍ സര്‍ക്കാരിനോടും ജനങ്ങളോടും യുഎസ് ഐക്യദാര്‍ഢ്യം വ്യക്തമാക്കുമെന്നും അവര്‍ അറിയിച്ചു. ‘ഇസ്രായേലിന്റെ സുരക്ഷ ശക്തിപ്പെടുത്തുന്നതിനുള്ള നടപടികളെക്കുറിച്ചും സ്വയം പ്രതിരോധിക്കാനുള്ള ഇസ്രായേലിന്റെ അവകാശത്തിന് അമേരിക്കയുടെ അചഞ്ചലമായ പിന്തുണ ഉറപ്പിക്കുന്നതിനെക്കുറിച്ചും ബ്ലിങ്കെന്‍ ചര്‍ച്ച ചെയ്യും. വെള്ളിയാഴ്ച അയല്‍രാജ്യമായ ജോര്‍ദാനും അദ്ദേഹം സന്ദര്‍ശിക്കും.
‘ഇത് മിഡില്‍ ഈസ്റ്റിലെ അമേരിക്കന്‍ നയത്തിന്റെ പരാജയത്തിന്റെ വ്യക്തമായ ഉദാഹരണമാണെന്ന് പറഞ്ഞാല്‍ പലരും എന്നോട് യോജിക്കുമെന്ന് ഞാന്‍ കരുതുന്നു,’ ഇറാഖ് പ്രധാനമന്ത്രി മുഹമ്മദ് ഷിയ അല്‍ സുഡാനിയോട് പുടിന്‍ പറഞ്ഞു. സംഘര്‍ഷം പരിഹരിക്കാനാണ് പുടിന്‍ ശ്രമിക്കുന്നതെന്ന് മോസ്‌കോ അധികൃതര്‍ വ്യക്തമാക്കി.
തങ്ങളുടെ യുദ്ധവിമാനങ്ങള്‍ ഒറ്റരാത്രികൊണ്ട് ഗാസയിലെ 200 ലധികം ലക്ഷ്യങ്ങള്‍ തകര്‍ത്തുവെന്ന് ഇസ്രായേല്‍ സൈന്യം പറഞ്ഞു. ഹമാസ് ഭീകരരുടെ കേന്ദ്രങ്ങള്‍ ഉള്‍പ്പെടെയുള്ള കെട്ടിടങ്ങള്‍ തകര്‍ത്തു. ഗാസയിലെ ഹമാസിന്റെ സായുധ വിഭാഗത്തിന്റെ തലവന്‍ മുഹമ്മദ് ദീഫിന്റെ പിതാവിന്റേതാണ് ഒരു വീട് എന്ന് പലസ്തീന് മാധ്യമങ്ങള്‍ റിപ്പോര്‍ട്ട് ചെയ്തു.
കഴിഞ്ഞ ദിവസം ഇസ്രായേലിന് അമേരിക്ക പൂര്‍ണ പിന്തുണ പ്രഖ്യാപിച്ചിരുന്നു. പിന്തുണ നല്‍കുന്നതിന്റെ പ്രതീകമായി ചൊവ്വാഴ്ച രാത്രി ഇസ്രായേലിലേക്ക് അമേരിക്ക സ്‌ഫോടക വസ്തുക്കള്‍ നിറച്ച വിമാനം അയച്ചിരുന്നു. ഇത് മാത്രമല്ല, അമേരിക്ക തങ്ങളുടെ വിമാനവാഹിനിക്കപ്പലുകളിലൊന്ന് ഇസ്രായേലിന് ചുറ്റും അയച്ചിട്ടുണ്ട്. ഇസ്രയേലിനെ പിന്തുണയ്ക്കാന്‍ യുഎസ് ഉടന്‍ തന്നെ രണ്ടാമത്തെ വിമാനവാഹിനിക്കപ്പലും അയച്ചേക്കുമെന്ന് പറയപ്പെടുന്നു
യുദ്ധത്തിനിടയിലുള്ള ബ്ലിങ്കന്റെ ഇസ്രായേല്‍ സന്ദര്‍ശനം വളരെ പ്രാധാന്യത്തോടെയാണ് കണക്കാക്കപ്പെടുന്നത്. ഇസ്രായേലിന് ശേഷം മറ്റേതെങ്കിലും രാജ്യം ബ്ലിങ്കന്‍ സന്ദര്‍ശിക്കുമോയെന്ന ചോദ്യത്തിന് സ്റ്റേറ്റ് ഡിപ്പാര്‍ട്ട്മെന്റിന് അത് ഉടന്‍ പ്രഖ്യാപിക്കുമെന്നാണ് മില്ലര്‍ മറുപടി നല്‍കിയത്.
ആയിരത്തിലധികം ഇസ്രായേലികള്‍ കൊല്ലപ്പെട്ടു
പലസ്തീനിലെ ഭീകര സംഘടനയായ ഹമാസിന്റെ ഭീകരര്‍ ഒക്ടോബര്‍ 7 ന് ആണ് ഇസ്രയേലിനെതിരെ ആക്രമണത്തിന് തുടക്കമിട്ടത്. ഇതുവരെ ആയിരത്തിലധികം ഇസ്രായേലികളാണ് കൊല്ലപ്പെട്ടത്. ഹമാസ് ഭീകരര്‍ നിരവധി ഇസ്രായേല്‍ പൗരന്മാരെ ബന്ദികളാക്കിയിട്ടുണ്ട്. കൂടാതെ അമേരിക്കന്‍ പൗരന്മാരും ബന്ദികളാക്കപ്പെട്ടിട്ടുണ്ട്. ആക്രമണത്തിന് പിന്നാലെ ഗാസ മുനമ്പിലെ ഭീകരരുടെ ഒളിത്താവളങ്ങള്‍ ഇസ്രായേല്‍ ലക്ഷ്യമിടുന്നു. ഇതുവരെ 830 പലസ്തീന് പൗരന്മാരെങ്കിലും ഗാസാ മുനമ്പില്‍ കൊല്ലപ്പെട്ടെന്നാണ് പലസ്തീന്റെ കണക്ക്. അതേസമയം, 4,250ലധികം പേര്‍ക്ക് പരിക്കേറ്റിട്ടുണ്ട്.
ഇസ്രായേല്‍ തിരിച്ചടിച്ചു
ആക്രമണത്തിന് തുടക്കമിട്ടത് ഹമാസാണെങ്കിലും ഇസ്രായേല്‍ ശക്തമായ പ്രത്യാക്രമണം ആരംഭിച്ചിട്ടുണ്ട്. ബുധനാഴ്ച രാവിലെ ഇസ്രായേല്‍ വ്യോമസേനയുടെ (ഐഎഎഫ്) ഡസന്‍ കണക്കിന് യുദ്ധവിമാനങ്ങള്‍ ഡാര്‍ജെ തുപ മേഖലയില്‍ 70 ലധികം സ്ഥലങ്ങളെ ലക്ഷ്യമിട്ടെത്തി. ഹമാസിന്റെ ശക്തികേന്ദ്രമായാണ് ഈ പ്രദേശം കണക്കാക്കപ്പെടുന്നത്. ഇസ്രായേലിനെതിരായ മിക്ക പ്രവര്‍ത്തനങ്ങളും ഇവിടെയാണ് നടക്കുന്നത്. ഇവിടുത്തെ ഇസ്ലാമിക് ജിഹാദ് ഭീകര സംഘടനയുടെ കെട്ടിടവും ഐഎഎഫ് തകര്‍ത്തു.
നേരത്തെ ഹമാസിന് കടുത്ത മുന്നറിയിപ്പുമായി ഇസ്രയേല്‍ കാബിനറ്റ് സെക്രട്ടറി യോസി ഫ്യൂക്സ് രംഗത്തെത്തിയിരുന്നു. ആദ്യ ഗാസാ യുദ്ധം അവസാന ഗാസാ യുദ്ധമാക്കാനാണ് പദ്ധതിയെന്ന് ഫ്യൂക്സ് പറഞ്ഞു. ഇതൊരു മുന്നറിയിപ്പാണെന്നും തീവ്രവാദത്തെ തോല്‍പ്പിക്കുമെന്നും ഫ്യൂക്സ് കൂട്ടിച്ചേര്‍ത്തു. എക്സ് പ്ലാറ്റ്ഫോമിലൂടെയാണ് ഇസ്രയേല്‍ കാബിനറ്റ് സെക്രട്ടറി യോസി ഫ്യൂക്സ് പാലസ്തീന് മുന്നറിയിപ്പ് നൽകിയത്.
‘സെപ്റ്റംബര്‍ 11 ആക്രമണത്തിന് ശേഷം ഒരു ദിവസം ഞാന്‍ എന്റെ മുത്തച്ഛനെ കാണാന്‍ പോയി. അന്ന് അദ്ദേഹത്തിന് 96 വയസ്സായിരുന്നു. അദ്ദേഹം എന്നെ നോക്കി പുഞ്ചിരിക്കാത്ത ആദ്യ കൂടിക്കാഴ്ചയായിരുന്നു അത്. അദ്ദേഹം പത്രം നീക്കി എന്നെ നോക്കി പറഞ്ഞു – അല്‍ ഖ്വയ്ദയ്ക്ക് അത്തരം ആക്രമണങ്ങള്‍ നടത്താന്‍ കഴിയുമെങ്കില്‍ അവര്‍ക്ക് ഈ ലോകം മുഴുവന്‍ പിടിച്ചെടുക്കാന്‍ പോലും കഴിയും.എന്നിട്ട് ഞാന്‍ അവരെ സമാധാനിപ്പിച്ചുകൊണ്ട് ഇതൊരു മുന്നറിയിപ്പാണെന്നും തീവ്രവാദത്തെ തോല്‍പ്പിക്കുമെന്നും പറഞ്ഞു. അതുപോലെ, ഒന്നാം ഗാസ യുദ്ധവും അവസാന യുദ്ധമാക്കാനാണ് പദ്ധതി’, തന്റെ ട്വീറ്റില്‍ പലസ്തീന് മുന്നറിയിപ്പ് നല്‍കിക്കൊണ്ട് ഫ്യൂക്സ് കുറിച്ചു.
ശനിയാഴ്ച ഗാസ മുനമ്പില്‍ നിന്ന് ഹമാസ് ഇസ്രായേലിന് നേരെ തുടക്കമിട്ട അപ്രതീക്ഷിത റോക്കറ്റ് ആക്രമണത്തോടെയാണ് സംഘര്‍ഷം ആരംഭിച്ചത്. വളരെ കുറച്ച് സമയത്തിനുള്ളില്‍ ആയിരക്കണക്കിന് റോക്കറ്റുകള്‍ ഇസ്രായേലിനെ ലക്ഷ്യമാക്കിയെത്തി. ഇതിന് തിരിച്ചടിയായി ഇസ്രയേലും ഗാസ മുനമ്പില്‍ കനത്ത വെടിവെപ്പ് ആരംഭിക്കുകയായിരുന്നു. ഇസ്രയേലും ഗാസയും തമ്മില്‍ മുമ്പ് അക്രമാസക്തമായ സംഘര്‍ഷങ്ങള്‍ ഉണ്ടായിട്ടുണ്ട്. എന്നാല്‍ ഇപ്പോള്‍ നടക്കുന്നതുപോലെ ഗാസക്കെതിരെ ഇസ്രായേല്‍ ഇതുവരെ ഔദ്യോഗികമായി യുദ്ധം പ്രഖ്യാപിച്ചിരുന്നില്ല
