തിരുവനന്തപുരം |കേരള നിയമസഭാ മന്ദിരത്തിന്റെ രജതജൂബിലി ആഘോഷം ഇന്ന് ഉപരാഷ്ട്രപതി ജഗ്ദീപ് ധന്‍കര്‍ ഉദ്ഘാടനം ചെയ്യും.
രാവിലെ 10.30നാണ് പരിപാടി. ഇന്ന് രാവിലെ ഒമ്ബതിന് ക്ലിഫ് ഹൗസില്‍ മുഖ്യമന്ത്രി പിണറായി വിജയന്‍ ഒരുക്കുന്ന വിരുന്നില്‍ ഉപരാഷ്ട്രപതി പങ്കെടുക്കും.
ഉച്ചക്ക് 12ന് കണ്ണൂരിലേക്കു പോകുന്ന ഉപരാഷ്ട്രപതി കണ്ണൂര്‍ ഏഴിമലയിലെ ഇന്ത്യന്‍ നേവല്‍ അക്കാദമി സന്ദര്‍ശിക്കും. അവിടെ അദ്ദേഹം കേഡറ്റുകളുമായി സംവദിക്കും. വൈകിട്ട് 6.20ന് ഡല്‍ഹിക്ക് മടങ്ങും.
രണ്ട് ദിവസത്തെ സന്ദര്‍ശനത്തിനായി ഇന്നലെയാണ് ഉപരാഷ്ട്രപതി കേരളത്തിലെത്തിയത്. പത്‌നി സുദേഷ് ധന്‍കറിനൊപ്പം വ്യോമസേനയുടെ പ്രത്യേക വിമാനത്തില്‍ തിരുവനന്തപുരം വിമാനത്താവളത്തിലെത്തിയ ഉപരാഷ്ട്രപതിയെ മന്ത്രിമാരും ഗവര്‍ണറും ചേര്‍ന്ന് സ്വീകരിച്ചു. തുടര്‍ന്ന് ഗാര്‍ഡ് ഓഫ് ഓണര്‍ നല്‍കി. തുടര്‍ന്ന് അദ്ദേഹം ഭാര്യാസമേതം ശ്രീപത്മനാഭസ്വാമി ക്ഷേത്ര ദര്‍ശനം നടത്തി. ശേഷം വൈകിട്ടോടെ രാജ്ഭവനിലെത്തിയ ഉപരാഷ്ട്പതിക്ക് ഗവര്‍ണര്‍ അത്താഴ വിരുന്ന് ഒരുക്കിയിരുന്നു
