ഭോപ്പാൽ: മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനു കോവിഡ്. അദ്ദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. രാജ്യത്ത് കോവിഡ് വൈറസ് ബാധ സ്ഥിരീകരിക്കുന്ന ആദ്യ മുഖ്യമന്ത്രിയാണ് ചൗഹാൻ.
താനുമായി സമ്പർക്കമുള്ളവർ കോവിഡ് പരിശോധന നടത്തണമെന്നും ക്വാറന്റൈനിൽ പോകണമെന്നും ചൗഹാൻ നിർദേശിച്ചു. കോവിഡ് മാർഗനിർദേശങ്ങൾ പാലിക്കും. സംസ്ഥാനത്തിലെ ജനങ്ങൾ ജാഗ്രത പാലിക്കണമെന്നും അദ്ദേഹം അഭ്യർഥിച്ചു.
