പുതിയ സിനിമയായ വാരിസിന്റെ (Varisu) റിലീസിനായി കാത്തിരിക്കുകയാണ് നടൻ വിജയ് (Ilayathalapathy Vijay). മുൻചിത്രങ്ങൾ വേണ്ടത്ര വിജയം കൈവരിക്കനാവാതെ തിയേറ്ററുകളിൽ നിന്ന് പോയെങ്കിലും റൈറ്റ്സ് വിൽപ്പനയിലൂടെ വാണിജ്യവിജയം നേടിയിരുന്നു. രശ്‌മിക മന്ദാനയാണ് ചിത്രത്തിലെ നായിക. എന്നാൽ സിനിമയേക്കാൾ ഇപ്പോൾ ചർച്ചയാവുന്നത് നടന്റെ സ്വകാര്യജീവിതമാണ്.
ശ്രീലങ്കയിൽ നിന്നുള്ള സംഗീത സ്വർണലിംഗമാണ് വിജയ്‌യുടെ ഭാര്യ. ഇവർക്ക് രണ്ടു മക്കളുമുണ്ട്‌. ഈയിടെ ന്യൂഇയർ ആഘോഷങ്ങൾക്ക് നടൻ ഭാര്യയെ കൂടാതെ എത്തി എന്ന് പലയിടത്തും ചർച്ചാ വിഷയമായിരുന്നു. ഇവർ വിവാഹമോചനം നേടിയോ എന്നും അഭ്യൂഹങ്ങളുയർന്നു. നടൻ മലയാളി നടിയുമായി പ്രണയത്തിലായി എന്നതാണ് മറ്റൊന്ന്.വിജയ്‌യുടെ വിക്കിപീഡിയ പേജിൽ ഗംഭീര എഡിറ്റിംഗ് ആണ് നടത്തിയത്. ഇതിൽ 1999 മുതൽ 2022 വരെ സംഗീത അദ്ദേഹത്തിന്റെ ഭാര്യയായിരുന്നു എന്ന് രേഖപ്പെടുത്തി. യുവ മലയാളി നടിയുമായുള്ള പ്രണയവും, വിജയ്‌യ്ക്കു മൂന്നു മക്കളുണ്ട് എന്നും എഡിറ്റ് ചെയ്തു മാറ്റി.
മകൾക്കും മകനുമൊപ്പം സംഗീത ലണ്ടനിൽ ന്യൂഇയർ ആഘോഷിക്കാൻ പോയെന്നും, വിജയ് അവർക്കൊപ്പം ചേരുമെന്നുമായിരുന്നു സ്ഥിരീകരിക്കാത്ത വിശദീകരണം. വാരിസ് ഓഡിയോ ലോഞ്ചിനും പ്രിയ ആറ്റ്‌ലിയുടെ സീമന്തം ചടങ്ങിനും വിജയ് ഒറ്റയ്ക്കായിരുന്നു.
2017 മുതൽ നടന്റെ ഒപ്പം നായികാവേഷം ചെയ്യുന്ന മലയാളി നടിയുമായി പ്രണയം എന്നാണ് മറ്റൊരു കുപ്രചരണം. ഇതാണ് ആർക്കും എഡിറ്റ് ചെയ്യാവുന്ന വിക്കിപീഡിയ പേജിൽ കയറിക്കൂടിയത്. വിവാദമായതിനെ തുടർന്ന് പേജ് പഴയപടിയായി.വംശി പൈടിപ്പള്ളി സംവിധാനം ചെയ്യുന്ന ചിത്രമാണ് ‘വാരിസ്’. നടൻ വിജയ് നായകവേഷം ചെയ്യുന്ന 66-ാമത് സിനിമയാണ്.
