ബലൂചിസ്ഥാൻ സ്വാതന്ത്ര്യം പ്രഖ്യാപിച്ചു; ഒന്നും മിണ്ടാതെ പാക്കിസ്ഥാൻ

പാക് സുരക്ഷാ ഏജൻസികളിൽ സേവനമനുഷ്ഠിച്ചിരുന്ന നിരവധി ബലൂച്-പഷ്തൂൺ ഉദ്യോഗസ്ഥർ കൂട്ടത്തോടെ രാജി വെച്ച് തങ്ങൾക്കൊപ്പം ചേർന്നതായും ഇവർ പറയുന്നു. യുദ്ധവിമാനങ്ങളോ ടാങ്കുകളോ ഇല്ലെങ്കിലും സ്വന്തം സൈന്യത്തെയും സിവിൽ ഭരണസംവിധാനത്തെയും ഉപയോഗിച്ചാണ് ഇപ്പോൾ ബലൂചിസ്താൻ ഭരിക്കുന്നതെന്നും വർഷാവസാനത്തോടെ പാകിസ്താന്റെ അധിനിവേശ സേനയെ പൂർണ്ണമായും പുറത്താക്കുമെന്നും കത്തിൽ വ്യക്തമാക്കുന്നു.

ബലൂചിസ്താന്റെ സ്വാതന്ത്ര്യത്തെ അന്താരാഷ്ട്ര സമൂഹം അംഗീകരിക്കണമെന്ന് പ്രസ്താവനയിലൂടെ ബലൂച് പ്രസ്ഥാനം ആവശ്യപ്പെട്ടു. തങ്ങളുടെ പ്രദേശം പാക് സൈന്യത്തിന് ഉപയോഗിക്കാൻ നൽകില്ലെന്നും അയൽരാജ്യങ്ങളുമായി സമാധാനം നിലനിർത്താനാണ് ആഗ്രഹിക്കുന്നതെന്നും ഇവർ വ്യക്തമാക്കി.അതേസമയം, മേഖലയിലെ ജനങ്ങൾ പാക് സൈന്യത്തിനെതിരെ ശക്തമായി പ്രതിരോധിക്കുകയാണെന്നും പ്രവിശ്യ വിട്ടുപോകാൻ സൈന്യത്തോട് ആവശ്യപ്പെടുന്നുണ്ടെന്നും ബലൂച് നേതാവ് മിർ യാർ ബലൂച് മാധ്യമങ്ങളോട് പറഞ്ഞു.

പാക് സൈന്യത്തിന് നിലത്തുണ്ടായിരുന്ന സ്വാധീനം നഷ്ടപ്പെട്ടതായും ഇപ്പോൾ വ്യോമസേനയെ മാത്രമാണ് അവർ ആശ്രയിക്കുന്നതെന്നും അദ്ദേഹം കൂട്ടിച്ചേർത്തു.വർഷങ്ങളായി പാക് സർക്കാരിനെതിരെയും സൈനിക മേധാവി ആസിം മുനീർ, പ്രധാനമന്ത്രി ഷഹബാസ് ഷെരീഫ് എന്നിവർക്കെതിരെയും കടുത്ത പ്രതിഷേധം നിലനിൽക്കുന്ന പ്രദേശമാണ് ബലൂചിസ്താൻ. ഇപ്പോൾ പുറത്തുവന്ന സ്വാതന്ത്ര്യ പ്രഖ്യാപനം സ്ഥിരീകരിക്കപ്പെടുകയാണെങ്കിൽ അത് നിലവിൽ കടുത്ത രാഷ്ട്രീയ-സാമ്പത്തിക പ്രതിസന്ധി നേരിടുന്ന ഇസ്‌ലാമാബാദിന് വലിയ തിരിച്ചടിയാകും. സംഭവത്തിൽ പാകിസ്താൻ അധികൃതർ ഇതുവരെ ഔദ്യോഗികമായി പ്രതികരിച്ചിട്ടില്ല.