കയ്പ്പില്ലാത്ത പാവയ്ക്കയുടെ കൃഷിരീതിയെ കുറിച്ചുള്ള കൂടുതൽ വിവരങ്ങൾ അറിയാം

ആരും അധികം ഇഷ്ട്ടപ്പെടാത്ത ഒരു പച്ചക്കറിയാണ് പാവയ്ക്ക.  കാരണം അതിൻറെ കയ്പ്പ് തന്നെ. പക്ഷെ ഈ പച്ചക്കറിയിലും ധാരാളം പോഷകങ്ങൾ അടങ്ങിയിരിക്കുന്നു. എന്നാല്‍ കയ്‌പൊട്ടുമില്ലാത്ത പാവല്‍ വര്‍ഗത്തിലുളള പച്ചക്കറിയായ കന്റോല ആര്‍ക്കും കഴിയ്ക്കാം. നമ്മുടെ മണ്ണും കാലാവസ്ഥയുമെല്ലാം കന്റോല കൃഷി ചെയ്യാന്‍ അനുയോജ്യവുമാണ്.

ആസ്സാം അടക്കമുളള വടക്കുകിഴക്കന്‍ സംസ്ഥാനങ്ങളിലാണ് കന്റോലയുടെ കൃഷി വ്യാപകമായുളളത്. എന്നാലിപ്പോള്‍ കേരളത്തിലും പലരും കൃഷി ചെയ്തുവരുന്നുണ്ട്. നീളമുള്ള ഞെട്ടും ഉരുണ്ട മൃദുവായ മുള്ളുകളുമാണ് ഇവയുടെ പ്രത്യേകത. കന്റോലയില്‍ ആണ്‍ – പെണ്‍ ചെടികള്‍ പ്രത്യേകമുള്ളതിനാല്‍ പരാഗണത്തിന് ഇവ പ്രത്യേകം വളര്‍ത്തേണ്ടിവരും.