ആൻ്റിഓക്‌സിഡൻ്റുകള്‍, ഫൈറ്റോ ന്യൂട്രിയൻ്റുകള്‍, ആല്‍ക്കലോയിഡുകള്‍, ബീറ്റാ കരോട്ടിൻ, ഫ്‌ളേവനോയിഡുകള്‍ തുടങ്ങിയ വിറ്റാമിനുകളും ധാതുക്കളും, വിറ്റാമിൻ എ, ബി, സി എന്നിവയും മാവിലകളില്‍ ധാരാളമായി അടങ്ങിയിട്ടുണ്ട്. ഇതുകൂടാതെ, ടെർപെനോയിഡുകളും പോളിഫെനോള്‍ സംയുക്തങ്ങളും അടങ്ങിയിട്ടുണ്ട്. നിങ്ങള്‍ പതിവായി മാവിലകള്‍ കഴിക്കുകയാണെങ്കില്‍, പല പ്രശ്നങ്ങളും തടയുന്നതിനും ചികിത്സിക്കുന്നതിനും നിങ്ങളെ വളരെയധികം സഹായിക്കും.ഗുണകരമായ സസ്യ സംയുക്തങ്ങള്‍ മാവിലകളില്‍ കാണാം. നല്ല കാഴ്ചയ്ക്കും രോഗപ്രതിരോധ ആരോഗ്യത്തിനും ടെർപെനോയിഡുകള്‍ പ്രധാനമാണ്. അവ ആൻ്റിഓക്‌സിഡൻ്റുകള്‍ കൂടിയാണ്, ഇത് ഫ്രീ റാഡിക്കലുകള്‍ എന്ന് വിളിക്കപ്പെടുന്ന ഹാനികരമായ തന്മാത്രകളില്‍ നിന്ന് നിങ്ങളുടെ കോശങ്ങളെ സംരക്ഷിക്കുന്നു. പല ചെടികളിലും കാണപ്പെടുന്ന ധാരാളം ഗുണങ്ങളുള്ള പോളിഫെനോള്‍ ആയ മാംഗിഫെറിൻ, പ്രത്യേകിച്ച്‌ മാങ്ങയിലും മാവിലയിലും ഉയർന്ന അളവില്‍ അടങ്ങിയിട്ടുണ്ട്.
* ഹൃദയത്തിൻ്റെ ആരോഗ്യം നിലനിർത്തുന്നു:
മാവില കഴിക്കുന്നത് ഉയർന്ന ബിപി, കൊളസ്ട്രോള്‍, രക്തത്തിലെ പഞ്ചസാര എന്നിവ നിയന്ത്രിക്കാൻ സഹായിക്കുന്നു. ഇതെല്ലാം ഹൃദ്രോഗ സാധ്യത വർധിപ്പിക്കുന്ന ഘടകങ്ങളാണ്.
* ശരീരഭാരം കുറയ്ക്കാൻ സഹായിക്കുന്നു:
നിങ്ങള്‍ സ്ഥിരമായി മാവില ചായ കുടിക്കുകയാണെങ്കില്‍ ശരീരഭാരം കുറയ്ക്കാൻ സഹായിക്കുന്നു. ഇത് ദഹനം മെച്ചപ്പെടുത്തുകയും ചെയ്യുന്നു.
* അണുബാധയില്‍ നിന്ന് സംരക്ഷിക്കുന്നു:
മാവിലടങ്ങിയിരിക്കുന്ന ശക്തമായ ഔഷധ ഗുണങ്ങളും വിറ്റാമിനുകളും പ്രതിരോധശേഷി വർധിപ്പിക്കാൻ സഹായിക്കുന്നു. ഇത് വൈറല്‍ പനി, അണുബാധ എന്നിവയില്‍ നിന്നും നിങ്ങളെ സംരക്ഷിക്കുന്നു.
* ശരീരത്തിലെ വിഷാംശം ഇല്ലാതാക്കുന്നു:
ആൻ്റിഓക്‌സിഡൻ്റുകളാല്‍ സമ്ബുഷ്ടമായതിനാല്‍, ഫ്രീ റാഡിക്കലുകളെയും ഹാനികരമായ കണങ്ങളെയും നശിപ്പിക്കാൻ മാവിലകള്‍ വളരെ ഫലപ്രദമാണ്. ഇത് ദോഷകരമായ ബാക്ടീരിയകളെ നശിപ്പിക്കുകയും വിഷാംശം ഇല്ലാതാക്കാൻ സഹായിക്കുകയും ചെയ്യുന്നു.
* കാൻസറില്‍ നിന്ന് സംരക്ഷിക്കാം:
കാൻസർ പ്രതിരോധ ഗുണങ്ങള്‍ മാവിൻ്റെ ഇലയ്ക്കുണ്ട്. കൂടാതെ, കാൻസറിനുള്ള പ്രധാന കാരണമായ ഫ്രീ റാഡിക്കലുകള്‍ മൂലമുണ്ടാകുന്ന കേടുപാടുകള്‍ തടയാനും ഇതിന് കഴിയും. അത്തരമൊരു സാഹചര്യത്തില്‍ മാവിലകള്‍ പതിവായി കഴിക്കുന്നത് കാൻസർ പോലുള്ള ഗുരുതരവും അപകടകരവുമായ രോഗങ്ങളില്‍ നിന്ന് നിങ്ങളെ അകറ്റി നിർത്തുമെന്ന് ആരോഗ്യ വിദഗ്ധർ പറയുന്നു.
* പ്രമേഹത്തില്‍ ഗുണം ചെയ്യും
പ്രമേഹ രോഗികള്‍ മാമ്ബഴത്തില്‍ നിന്ന് അകലം പാലിക്കാൻ നിർദേശിക്കുന്നുണ്ടെങ്കിലും ഇതിൻ്റെ ഇലകള്‍ പ്രമേഹത്തിന് എതിരെ വളരെ ഗുണം ചെയ്യും.
* മുടിക്ക് ഗുണം ചെയ്യും
നിങ്ങളുടെ മുടി പ്രകൃതിദത്തമായ രീതിയില്‍ മനോഹരമാക്കാൻ നിങ്ങള്‍ ആഗ്രഹിക്കുന്നുവെങ്കില്‍, മാവിൻ ഇലകള്‍ വളരെ ഉപയോഗപ്രദമാകും. മാവിലയില്‍ അടങ്ങിയിരിക്കുന്ന ഫ്ലേവനോയിഡുകള്‍ അകാല നര എന്ന പ്രശ്‌നത്തില്‍ നിന്ന് ആശ്വാസം നല്‍കുന്നു.
* വയറ്റിലെ അള്‍സറിന് ഗുണം ചെയ്യും
ഒട്ടനവധി ഗുണങ്ങളാല്‍ സമ്ബന്നമായ മാവിൻ ഇലകള്‍ വയറിന് ഏറെ ഗുണം ചെയ്യും. അള്‍സർ എന്ന പ്രശ്‌നം നിങ്ങളെ അലട്ടുന്നുണ്ടെങ്കില്‍ നിങ്ങള്‍ക്ക് ഈ ഇലകള്‍ ഉപയോഗിക്കാം.
* പിത്തസഞ്ചി, വൃക്കയിലെ കല്ലുകള്‍ എന്നിവ ചികിത്സിക്കുന്നു:
മാമ്ബഴത്തിൻ്റെ ഏറ്റവും വലിയ ഗുണം പിത്തസഞ്ചി, വൃക്കയിലെ കല്ലുകള്‍ എന്നിവ ചികിത്സിക്കാൻ സഹായിക്കുന്നു എന്നതാണ്. മാവിൻ ഇലകള്‍ പൊടിച്ച രൂപത്തില്‍ ദിവസവും കഴിച്ചാല്‍, പിത്തസഞ്ചി, വൃക്കയിലെ കല്ലുകള്‍ എന്നിവയെ സമയത്തിനുള്ളില്‍ തകർക്കാൻ സഹായിക്കുന്നാതായും വിദഗ്ദർ അഭിപ്രായപ്പെടുന്നു.
മാവിൻ ഇലകള്‍ എങ്ങനെ കഴിക്കാം?
* ഇലകള്‍ ചവച്ച്‌ തിന്നാം: ഇത് കഴിക്കാനുള്ള എളുപ്പവഴിയാണിത്. 2-3 ഇലകള്‍ നന്നായി കഴുകി രാവിലെ വെറും വയറ്റില്‍ നേരിട്ട് കഴിക്കാം.
* വെള്ളത്തില്‍ തിളപ്പിച്ച ശേഷം കഴിക്കുക: 2-3 ഇലകള്‍ വെള്ളത്തില്‍ തിളപ്പിച്ച്‌ കഴിക്കാം.
* ഇലയുടെ വെള്ളം കുടിക്കാം: വേവിച്ച ഇലയുടെ ബാക്കിയുള്ള വെള്ളം നിങ്ങള്‍ക്ക് കുടിക്കാം അല്ലെങ്കില്‍ മിക്സിയില്‍ പൊടിച്ച്‌ അരിച്ചെടുത്ത് ഈ വെള്ളം കുടിക്കാം.
* ചായ ഉണ്ടാക്കി കുടിക്കുക: നിങ്ങള്‍ക്ക് മാവിൻ ഇലകള്‍ കൊണ്ട് ഹെർബല്‍ ടീ ഉണ്ടാക്കി കുടിക്കാം. ഇതിനായി ഒരു കപ്പ് വെള്ളത്തില്‍ 2-3 മാങ്ങയുടെ ഇലയും ഒരു കഷ്ണം ഇഞ്ചിയും ചേർത്ത് തിളപ്പിച്ചാല്‍ മതി. ഇത് ഒരു കപ്പില്‍ അരിച്ചെടുത്ത ശേഷം തേൻ ചേർത്ത് കുടിക്കുക.
ഇതുവഴി മാങ്ങയുടെ ഇലകള്‍ ഭക്ഷണത്തില്‍ എളുപ്പത്തില്‍ ഉള്‍പ്പെടുത്താം. ഇത് സ്ഥിരമായി കഴിക്കുന്നത് വളരെയധികം ആരോഗ്യ ഗുണങ്ങള്‍ നല്‍കുന്നു. എന്നിരുന്നാലും നിങ്ങള്‍ക്ക് എന്തെങ്കിലും ആരോഗ്യ പ്രശ്നങ്ങള്‍ ഉണ്ടെങ്കിലോ ആശങ്കകള്‍ ഉണ്ടെങ്കിലോ എല്ലായ്പ്പോഴും ഡോക്ടറുടെ അഭിപ്രായം തേടുകയും ചികിത്സിക്കുകയും വേണം.
