ഇസ്ലാമിക രാജ്യമായ ഇറാനിൽ മതനിന്ദ ആരോപിച്ച് രണ്ട് പേരെ കൂടി തൂക്കിലേറ്റി. ഖുർആനെയും പ്രവാചകനെയും അവഹേളിച്ചുവെന്നാരോപിച്ചാണ് ഇരുവരേയും തൂക്കിക്കൊന്നത്. ഇറാൻ ജുഡീഷ്യറിയുമായി ബന്ധപ്പെട്ട വാർത്താ വെബ്സൈറ്റായ മിസാൻ ആണ് ഇക്കാര്യം റിപ്പോർട്ട് ചെയ്തത്.
മതനിന്ദ ആരോപിച്ച് ഇറാൻ രണ്ട് പേർക്ക് വധശിക്ഷ വിധിച്ചുവെന്ന് മിസാൻ റിപ്പോർട്ട് ചെയ്യുന്നു. ഡസൻ കണക്കിന് ഓൺലൈൻ പ്ലാറ്റ്ഫോമുകളിലൂടെ യൂസഫ് മെഹർദാദും സദ്രോല ഫസെലി ജാരെയും ഇസ്ലാമിക വിദ്വേഷം പ്രചരിപ്പിക്കുകയും നിരീശ്വരവാദം വർദ്ധിപ്പിക്കുകയും മതത്തെ അപമാനിക്കുകയും ചെയ്തുവെന്ന് റിപ്പോർട്ടിൽ പറയുന്നു.
ഇരുവരെയും എപ്പോഴാണ് തൂക്കിലേറ്റിയതെന്ന വിവരം ലഭ്യമല്ല. കഴിഞ്ഞ റമദാൻ മാസത്തിൽ മതനിന്ദ ആരോപിച്ച് ഒരു ചൈനീസ് പൗരൻ പാകിസ്ഥാനിൽ അറസ്റ്റിലായിരുന്നു.
