വണ്ണം കുറയ്ക്കാന്‍ രാവിലെ തന്നെ കുടിക്കാവുന്ന ഡ്രിങ്ക്‌സ്​

ശരീരഭാരം കുറയ്ക്കാന്‍ നമ്മള്‍ക്ക് രാവിലെ തന്നെ കുടിക്കാവുന്ന ചില പാനീയങ്ങളുണ്ട്. ഇവയില്‍ ഏതെങ്കിലും ഒന്ന് പതിവാക്കിയാല്‍ ഇത് നിങ്ങളുടെ ശരീരഭാരം കുറയ്ക്കാന്‍ വളരെയധികം സഹായിക്കുന്നതാണ്. ഇത്തരത്തില്‍ രാവിലെ തന്നെ കുടിക്കാവുന്ന പാനീയങ്ങള്‍ ഏതെല്ലാമെന്ന് നോക്കാം.

നാരങ്ങവെള്ളം​

ചെറുചൂടുവെള്ളത്തില്‍ നാരങ്ങ ചേര്‍ത്ത് കുടിക്കുന്നത് ദിവസവും രാവിലെ വെറും വയറ്റില്‍ കുടിക്കുന്നത് ഏറ്റവും നല്ലതാണ്. ഇത് ശരീരത്തിന് ഊര്‍ജ്ജം നല്‍കുകയും വിശപ്പ് കുറയ്ക്കുകയും ചെയ്യുന്നു. കൂടാതെ, നാരങ്ങയില്‍ സിട്രിക് ആസിഡ് അടങ്ങിയിട്ടുണ്ട്. സിട്രിക് ആസിഡ് ശരീരത്തിലെ കൊഴുപ്പ് എരിയിച്ച് കളയാന്‍ സഹായിക്കുന്നു. അതുപോലെ തന്നെ നാരങ്ങയില്‍ വിറ്റാമിന്‍ സി അടങ്ങിയിട്ടുണ്ട്. വിറ്റാമിന്‍ സി ശരീരത്തിലെ മെറ്റബോളിസത്തെ മെച്ചപ്പെടുത്തുന്നു. ഇത് കൂടുതല്‍ കാലറി എരിയിച്ച് കളയാന്‍ സഹായിക്കുന്നു. അതുപോലെ ഇതില്‍ ഫൈബര്‍ അടങ്ങിയിരിക്കുന്നതിനാല്‍ ഇത് വിശപ്പ് കുറയ്ക്കാന്‍ സഹായിക്കുന്നു. കൂടാതെ, അമിതമായി ഭക്ഷണം കഴിക്കുന്നത് കുറയക്കാനും ഇത് സഹായിക്കുന്നുണ്ട്.

ഗ്രീന്‍ ടീ​

ഗ്രീന്‍ ടീയില്‍ കാഫെയിന്‍, ഗാല്ലിക്ക് ആസിഡ്, പോളിഫെനോള്‍സ് എന്നിവ അടങ്ങിയിട്ടുണ്ട്. ഈ ഘടകങ്ങള്‍ ശരീരഭാരം കുറയ്ക്കാന്‍ സഹായിക്കുന്നു. കാഫെയിന്‍ ശരീരത്തിന്റെ മെറ്റബോളിസത്തെ വേഗത്തിലാക്കുന്നതിനാല്‍ കൂടുതല്‍ കാലറി എരിയിക്കാന്‍ സഹായിക്കുന്നു.അതുപോലെ, ഗാല്ലിക്ക് ആസിഡ് കൊഴുപ്പ് കുറയ്ക്കുകയും ദഹനം മെച്ചപ്പെടുത്തുന്നതിനും സഹായിക്കുന്നു.ഇതിലെ പോളിഫെനോള്‍സ് കൊഴുപ്പ് ശേഖരണം തടയുന്നതിനും ശരീരത്തിലെ കൊഴുപ്പ് കുറയ്ക്കുന്നതിനും സഹായിക്കുന്നു. ഗ്രീന്‍ ടീ കുടിക്കുന്നത് വിശപ്പ് കുറയ്ക്കുന്നു. ഇത് അമിതമായി ഭക്ഷണം കഴിക്കുന്നത് തടയുന്നു. ഗ്രീന്‍ ടീ കുടിക്കുന്നത് കൊഴുപ്പ് കത്തിക്കുന്നതിനും ശരീരത്തിലെ കൊഴുപ്പ് കുറയ്ക്കുന്നതിനും സഹായിക്കുന്നുണ്ട്. ഗ്രീന്‍ ടീ കുടിക്കുമ്പോള്‍ ശ്രദ്ധിക്കേണ്ട കുറച്ച് കാര്യങ്ങളുണ്ട്. ഗ്രീന്‍ ടീ ഇലകള്‍ ഇട്ട് നല്ലപോലെ തിളപ്പിച്ച് കുടിക്കുന്നത് അതിലെ പോഷകങ്ങള്‍ നശിപ്പിക്കുന്നതിന് കാരണമാണ്. അതുപോലെ തന്നെ, ചിലര്‍ തണുത്തതിന് ശേഷം ഗ്രീന്‍ ടീ കുടിക്കുന്നത് കാണാം. ഇത്തരത്തില്‍ തണുത്തതിന് ശേഷം കുടിച്ചാല്‍ ഇതിലെ പോളിഫെനോള്‍ നശിക്കുന്നു. അതുപോലെ ഒരു ദിവസം 2 അല്ലെങ്കില്‍ 3 കപ്പ് ഗ്രീന്‍ ടീ കുടിക്കുക്കാവുന്നതാണ്.

ബ്ലാക്ക് കോഫീ​

ബ്ലാക്ക് കോഫിയില്‍ കാഫെയിന്‍ അടങ്ങിയിട്ടുണ്ട്. കാഫെയിന്‍ ഒരു തരം സ്റ്റിമുലന്റാണ്, ഇത് ശരീരത്തിന്റെ മെറ്റബോളിസത്തെ വേഗത്തിലാക്കുന്നതിനാല്‍ കൂടുതല്‍ കാലറി കത്തിക്കാന്‍ സഹായിക്കുന്നു. ബ്ലാക്ക് കോഫി കുടിക്കുന്നത് വിശപ്പ് കുറയ്ക്കുന്നു. ഇത് അമിതമായി ഭക്ഷണം കഴിക്കുന്നത് തടയുന്നു.
അതുപോലെ, ഇത്് കൊഴുപ്പ് കത്തിക്കുന്നതിനും ശരീരത്തിലെ കൊഴുപ്പ് കുറയ്ക്കുന്നതിനും സഹായിക്കുന്നു.
കൂടാതെ, ഇത് മെറ്റബോളിസത്തെ മെച്ചപ്പെടുത്തുന്നു. അതിനാല്‍ തന്നെ കൂടുതല്‍ കാലറി എരിയിക്കാനും ഇത് സഹായിക്കുന്നു. ബ്ലാക്ക് കോഫി കുടിക്കുന്നതിന് ചില കാര്യങ്ങള്‍ ശ്രദ്ധിക്കേണ്ടതുണ്ട്. ബ്ലാക്ക് കോഫിക്ക് പഞ്ചസാര, പാല്‍ എന്നിവ ചേര്‍ക്കരുത്. പഞ്ചസാരയും പാലും കലോറി ഉള്ളവയാണ്. ഇത് ശരീരഭാരം കുറയ്ക്കുന്നതിനെ പ്രതികൂലമായി ബാധിക്കും.
ദിവസം 2-3 കപ്പ് ബ്ലാക്ക് കോഫി കുടിക്കുന്നതാണ് നല്ലത്.
നിങ്ങള്‍ ബ്ലാക്ക് കോഫി കുടിക്കാന്‍ തുടങ്ങുമ്പോള്‍, നിങ്ങളുടെ ശരീരത്തിന് അനുയോജ്യമായ അളവ് കണ്ടെത്തുന്നത് പ്രധാനമാണ്. ചില ആളുകള്‍ക്ക് ബ്ലാക്ക് കോഫി കുടിക്കുന്നത് ഉറക്കമില്ലായ്മ, വയറിളക്കം തുടങ്ങിയ പ്രശ്‌നങ്ങള്‍ ഉണ്ടാക്കാം. രാവിലെ വെറും വയറ്റില്‍ ബ്ലാക്ക് കോഫി കുടിക്കുന്നത് ശരീരഭാരം കുറയ്ക്കാന്‍ കൂടുതല്‍ ഫലപ്രദമാകും. കാരണം, വെറും വയറ്റില്‍ കോഫി കുടിക്കുന്നത് മെറ്റബോളിസത്തെ കൂടുതല്‍ വേഗത്തിലാക്കാന്‍ സഹായിക്കുന്നു.

ഇഞ്ചി ചായ​

ഇഞ്ചിയില്‍ ആന്റിഓക്സിഡന്റ് അടങ്ങിയിരിക്കുന്നു. ഇത് ശരീരത്തിലെ കൊഴുപ്പ് എരിയിക്കുന്നതിനും വിശപ്പ് കുറയ്ക്കുന്നതിനും സഹായിക്കുന്നു. ഇഞ്ചി ചായ മെറ്റബോളിസത്തെ മെച്ചപ്പെടുത്തുന്നു. ഇത് കൂടുതല്‍ കാലറി ഇല്ലാതാക്കാന്‍ സഹായിക്കുന്നു. അതുപോലെ തന്നെ ഇഞ്ചി ചായ രാവിലെ കുടിക്കുമ്പോള്‍ വിശപ്പ് കുറയ്ക്കുന്നു. ഇത് അമിതമായി ഭക്ഷണം കഴിക്കുന്നത് തടയുന്നു. ഇഞ്ചി ചായ ഉണ്ടാക്കുന്നത് വളരെ എളുപ്പമാണ്. ഒരു കപ്പ് വെള്ളം തിളപ്പിച്ച് അതില്‍ ഒരു ചെറിയ കഷണം ഇഞ്ചി ചേര്‍ത്ത് 5-10 മിനിറ്റ് നേരം തിളപ്പിക്കുക. തണുപ്പിച്ച് കുടിക്കുക. ദിവസവും 2-3 കപ്പ് ഇഞ്ചി ചായ കുടിക്കുന്നത് ശരീരഭാരം കുറയ്ക്കാന്‍ സഹായിക്കുമെന്ന് പഠനങ്ങള്‍ സൂചിപ്പിക്കുന്നു.