ബെയ്ജിങ്• തെക്കുകിഴക്കൻ ചൈനയിലുണ്ടായ ഭൂകമ്പത്തിൽ 30 പേർ മരിച്ചു. റിക്ടർ സ്കെയിലിൽ 6.6 രേഖപ്പെടുത്തിയ ഭൂകമ്പം 43 കിലോമീറ്റർ ചുറ്റളവിൽ പ്രകമ്പനമുണ്ടാക്കി. പ്രാദേശിക നഗരമായ ചെഹ്ഡുവിലാണ് ഭൂകമ്പമുണ്ടായതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു.
കോവിഡ് വ്യാപനത്തെത്തുടർന്ന് ഈ പ്രദേശങ്ങളിൽ ലോക്ഡൗൺ നിലനിൽക്കുകയാണ്. വൈദ്യുതിയും ആശയവിനിമയ സംവിധാനങ്ങളും തകർന്നു. 10,000 പേരെ ഭൂകമ്പം ബാധിച്ചുവെന്നാണ് വിവരം. രക്ഷപ്രവർത്തനം തുടരുകയാണ്.
